Առաջնագծում ծառայում են պատրաստված զինվորները. փորձագետի կարծիքը
Ռուբեն Գյուլմիսարյան, Sputnik Արմենիա
Երեքշաբթի «Բարգավաճ Հայաստան» կուսակցությունն ԱԺ նիստում առաջարկել է զինվորների համար ավելացնել նախապատրաստական դասընթացը կես տարուց մինչև 13 ամիս առաջնագիծ ուղարկելուց առաջ։
©
Sputnik / Asatur Yesayants
«Մեր առաջարկն այն է, որպեսզի անփորձ զինվորները չծառայեն առաջնագծում։ Թող ծառայեն երրորդ, երկրորդ գծում, հետո միայն առաջնագծում», – ասաց պատգամավոր Միքայել Մելքումյանը։
Խմբակցության ներկայացուցիչները հնչեցրել են կորուստների վիճակագրությունը, որը, նրանց կարծիքով, կարող էր այդքան չլինել, եթե զինակոչիկների ուսուցման ժամկետն ավելանար յոթ ամսով` այդպիսով կազմելով զինվորական ծառայության ժամկետի կեսին ավելին։
Ազգային ժողովը չի աջակցել այդ նախաձեռնությանը։ Խոսնակ Արարատ Միրզոյանը հայտարարել է, որ զինվորների անվտանգության ապահովման համար իշխանություններն այսօր մտածում են առաջնագծում պրոֆեսիոնալների ծառայություն կազմակերպելու մասին, իսկ անվտանգության և պաշտպանության մշտական հանձնաժողովը կարծում է, որ վեց ամիսը բավական ժամկետ է զինվորներին նախապատրաստելու համար։
©
Sputnik / Эдуард Песов
Հանձնաժողովի կարծիքը նախապատրաստման ժամկետի մասին լիովին համընկնում է պաշտպանության նախարարության դիրքորոշման հետ։ Ավելի վաղ նախարար Դավիթ Տոնոյանն արդեն հայտարարել է ուսուցման ժամկետը երկարացնելու անհրաժեշտության մասին, քանի որ դա, նրա կարծիքով, անհիմն կերպով կերկարացնի նախապատրաստման գործընթացը և բացասաբար կանդրադառնա ինչպես զինվորական ծառայություն կազմակերպելու, այնպես էլ մարտական հերթապահություն իրականացնելու վրա։
Երեքշաբթի նախարարության այդ դիրքորոշումը Sputnik Արմենիայի հետ զրույցում հաստատեց նաև ՊՆ մամուլի քարտուղար Արծրուն Հովհաննիսյանը։
Բացի այդ, թե ում ուղարկել, իսկ ում չուղարկել առաջնագիծ, այդքան էլ հեշտ կայացվող որոշում չէ։ Այդ առիթով Sputnik Արմենիային բավական ընդարձակ բացատրություն ներկայացրեց ռազմական փորձագետ Հայկ Նահապետյանը։ Նա նույնպես համոզված է, որ վեց ամիսը բավական է առաջնագծում ծառայության նախապատրաստվելու համար։
Նահապետյանի խոսքով, եթե զինվորն ուսուցումից հետո հայտնվում է զորամասում, որը մարտական հերթապահություն է իրականացնում առաջնագծում, ապա դա դեռ չի նշանակում, որ նա կհայտնվի այդ գծում։ Նման որոշումներ ընդունվում են յուրաքանչյուր առանձին անձի հարցում, և զորամասի հրամանատարը որոշում է, թե կարելի է արդյոք զինծառայողներին ուղարկել վտանգավոր կետ։
«Իհարկե, նման ծառայության համար անհրաժեշտ է փորձ։ Առաջնագծում մարտական հերթապահության մեկնելուց առաջ զինծառայողը փորձ է ձեռք բերում զորամասում։ Զորամասերի հրամանատարները ղեկավարվում են չգրված օրենքով` թույլ չտալ անփորձ և անպատրաստ զինվորներին գնալ վտանգավոր վայրեր», – ասաց Նահապետյանը։
©
Sputnik / Stringer
Ինչ վերաբերում է բացառապես պայմանագրային զինծառայողներով համապատասխան զորամասերը համալրելուն, ապա փորձագետը դա իրատեսական չի համարում։ Պայմանագրային ծառայությունը ֆինանսական բեռ է պետության վրա, իսկ նման զինծառայողների թվի ավելացումը կարող է ավելի ծանրացնել այդ բեռը. դա թանկ հաճույք է։
«Առավել ևս երկրի համար, որը փաստացի գտնվում է պատերազմական վիճակում», – հավելեց Հայկ Նահապետյանը։
Նա կարծում է, որ այն մարդիկ, որոնք ԱԺ ամբիոնից առաջարկում են նման օրինագծեր, ուղղակի պատկերացում չունեն առաջնագծում ծառայության յուրահատկության մասին և վատ են պատկերացնում, թե ինչպես է ընթանում նախապատրաստումը։
©
Sputnik / Asatur Yesayants
Քաղաքացիական անձանց կողմից հնչած նման առաջարկներն ակնարկում են, որ բանակում սխալ է կառուցված չափազանց կարևոր գործառույթի կատարումը։ Ընդ որում` այդ ամենը ձգվում է տարիներ ու տասնամյակներ. չէ որ ՊՆ ներկա ղեկավարությունը չէ, որ հանգել է նման կարգի։
Եթե մասնագետները կարծում են, որ ամեն ինչ հիմնականում ճիշտ է արվում, ապա պետք է հիմնվել պրոֆեսիոնալ կարծիքի վրա։ Իսկ որոշ ներքին անհարթություններ, որոնք մշակման կարիք ունեն, լուծվում են տեղում հրամանատարների, զինվորական պաշտոնյաների կողմից։
Եվ ընդհանրապես մեր պայմաններում դա այն ոլորտը չէ` քաղաքացիական ամբիոնից նրան կանոններ թելադրելու համար։ Վստահենք պրոֆեսիոնալներին, նրանք մեզ չեն հիասթափեցրել։
թեգերը:
Գերեվարված անձանց հայրենիք վերադարձի խնդիրն առաջնային կարևորություն ունի. ԱԺ նախագահ
(Թարմացված է 20:43 02.03.2021)
ՀՀ Ազգային ժողովի նախագահ Արարատ Միրզոյանը հանդիպել է Հայաստանում ԱՄՆ դեսպան Լին Մ. Թրեյսիի և Հայաստանում ԱՄՆ զարգացման ծրագրի գործակալության ղեկավար Դևիդ Հոֆմանի հետ։ԵՐԵՎԱՆ, 2 մարտի - Sputnik. ՀՀ Ազգային ժողովի նախագահ Արարատ Միրզոյանը հանդիպել է Հայաստանում ԱՄՆ դեսպան Լին Մ. Թրեյսիի և Հայաստանում ԱՄՆ զարգացման ծրագրի գործակալության ղեկավար Դեւիդ Հոֆմանի հետ, տեղեկացնում են ԱԺ լրատվական ծառայությունից։
©
Photo : official site of the NA of RA
ՀՀ Ազգային ժողովի նախագահ Արարատ Միրզոյանը հանդիպել է Հայաստանում ԱՄՆ դեսպան Լին Մ. Թրեյսիի և Հայաստանում ԱՄՆ զարգացման ծրագրի գործակալության ղեկավար Դևիդ Հոֆմանի հետ։
Արարատ Միրզոյանը ներկայացրել է կրակի դադարեցման մասին եռակողմ հայտարարության ընդունումից հետո ստեղծված իրավիճակը եւ ընդգծել՝ ռազմագերիների և գերեվարված անձանց հայրենիք վերադարձի խնդիրն առաջնային կարեւորություն ունի հայկական կողմի համար: Խորհրդարանի խոսնակը հույս է հայտնել, որ Միացյալ Նահանգներն առավել ակտիվորեն կներգրավվեն այս խնդրի շուտափույթ կարգավորման գործում: Միրզոյանը նաև ընդգծել է, որ արցախյան հիմնախնդիրը չի կարելի կարգավորված համարել, քանի դեռ չի լուծվել Լեռնային Ղարաբաղի կարգավիճակի հարցը՝ հիմնված ազգերի ինքնորոշման սկզբունքի վրա:
«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան
Դեսպան Թրեյսին իր հերթին նշել է, որ ամերիկյան կողմը ջանքեր է գործադրում նպաստելու հայ ռազմագերիների վերադարձին:
Կողմերը զրույցի ընթացքում քննարկել են հայ-ամերիկյան ընդհանուր օրակարգին վերաբերող հարցեր, ինչպես նաև երկուստեք ընդգծել են Հայաստանում ներքաղաքական իրավիճակի լիցքաթափման կարևորությունը:
Չնայած պատերազմի հարվածներին՝ պետք է ոտքի կանգնենք․ Փաշինյանը շնորհավորել է դիվանագետներին
(Թարմացված է 20:24 02.03.2021)
Հայաստանի կառավարությունը 2012-ին որոշել է մարտի 2-ը հռչակել Դիվանագետի օր։ 20 տարի առաջ այդ օրը Հայաստանը անդամակցել է ՄԱԿ-ին։ԵՐԵՎԱՆ, 2 մարտի - Sputnik. Հայաստանի վարչապետ Նիկոլ Փաշինյանը շնորհավորել է Դիվանագետի օրվա առթիվ։ Այս մասին տեղեկանում ենք ՀՀ վարչապետի աշխատակազմի տեղեկատվության և հասարակայնության հետ կապերի վարչությունից։
«Այսօրվա բարդ համաշխարհային միջավայրում ձեր դերն ու առաքելությունը մեր պետության կյանքում առավել մեծ նշանակություն է ստանում։ Մեծ է ձեր պատասխանատվության աստիճանը, մեծ են նաեւ ձեզնից սպասումները», - գրված է Փաշինյանի ուղերձում։
Նշված է, որ չնայած պատերազմի հասցրած հարվածներին՝ մենք պետք է կարողանանք ոտքի կանգնել, հասկանալ նախկինում ունեցած անհաջողությունների պատճառները եւ առաջ շարժվել նպատակներին հասնելու համար:
«Ձեր աշխատանքի արդյունավետությամբ են մասնավորապես պայմանավորված մեր ապագա նվաճումները միջազգային ասպարեզում: Վստահ եմ` պատվով կիրականացնեք ձեր առաքելությունն ու ծառայությունը մեր պետության առջև», - գրված է ուղերձում։
Հայաստանի կառավարությունը 2012-ին որոշել է մարտի 2-ը հռչակել Դիվանագետի օր։ 20 տարի առաջ այդ օրը Հայաստանը անդամակցել է ՄԱԿ-ին։
ՀՀ–ի ռուս դիվանագետները պատվաստվել են «Սպուտնիկ V»-ով. Զախարովան մանրամասներ է հայտնել
Խաղաղապահները մոտ 25 հազար պայթուցիկ առարկա են վնասազերծել Ղարաբաղում. ՌԴ ՊՆ
(Թարմացված է 09:15 03.03.2021)
Հայտնաբերված պայթուցիկ իրերը դուրս են բերվել և ոչնչացվել հատուկ վայրում։ Այն զինամթերքը, որը հնարավոր չէ տարհանել, ոչնչացվել է տեղում։ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։
«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:
Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:
Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:
Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
թեգերը: