Նաիրա Զոհրաբեան

Համազասպ, քիչ մը զուսպ եղէք. ԱԺ–ին մէջ փոխադարձ վիրաւորանքներ հնչեցին

99
«Իմ քայլի» պատգամաւորի ելոյթը ստիպեց, որ Նաիրա Զոհրաբեան ենթադրութիւն ընէ, Էտմոն Մարուքեանն ալ հատուած մը յիշեցնէ Նիկոլ Փաշինեանի պատգամաւորական գործունէութենէն:

ԵՐԵՒԱՆ, 16 ապրիլի – Sputnik. «Իմ քայլը» խմբակցութեան անդամ Համազասպ Դանիէլեան այսօր ԱԺ–ին մէջ իր ընդդիմադիր գործընկերներուն մեղադրեց  ամբոխահաճութեան մէջ:

«Ժողովուրդին անունէն հանդէս գալն աւանդոյթ  դարձած է: Մենք կը լսենք ելոյթներ Նաիրա Զոհրաբեանէն` զոմպիներու մասին, ԲՀԿ-ի մասին, որ դէմ  եղած է նախկինին: Լու՞րջ կ’ըսէք: Այն մասին, թէ ով  աւելի մօտ է ժողովուրդին: Դարձեալ կը կրկնեմ` լու՞րջ կ’ըսէք,- ըսաւ պատգամաւորը:

Անոր այս արտայայտութիւնը բուռն արձագանքեց ընդդիմութիւնը, բայց իրենց տեղէն հնչած գոռոցներէն բացի, ընդդիմութիւնը պատասխանեց նաեւ ամպիոնէն հնչեցուցած պատասխաններով:

Նախ` նիստը վարող ԲՀԿ անդամ Վահէ Էնֆիաջեան յայտարարեց, որ պատգամաւորն իրաւունք ունի խօսելու ժողովուրդի անունով, քանի որ ան է  ժողովուրդին ձայնը  խորհրդարան բերողը:

Անոր գործընկեր Նաիրա Զոհրաբեանն ալ ամպիոնէն դիմեց հէնց Համազասպ Դանիէլեանին:

«Համազասպ, քիչ մը զուսպ եղէք: Այն, ինչ ըրած է ԲՀԿ-ն, երեւի թէ ձեր քաղաքական շատ փոքր կենսագրութիւնը թոյլ չի տար յիշել ու հասկնալ: Քիչ մը համեստ եղէք, եթէ չըլլար Նիկոլ Փաշինեանը, Սասուն Միքայէլեանը, եթէ չըլլային այստեղ ներկայ մէկ-երկուքը, ես կ’ուզեմ հարցնել`ուր կ’ըլլար ձեր մեծամասնութիւնը: Հաստատ` ոչ այս դահլիճին մէջ»,- ըսաւ Զոհրաբեան` իր իշխանական գործընկերներուն խորհուրդ տալով պարտական ըլլալ Փաշինեանին ու միւսներուն ԱԺ դահլիճին մէջ նստած ըլլալնուն համար:

«Լուսաւոր Հայաստան» խմբակցութեան ղեկավար Էտմոն Մարուքեանն ալ «Իմ քայլը» դաշինքի այսօրուան պատգամաւորներուն յիշեցուց իրենց քաղաքական առաջնորդի պատգամաւորական գործունէութենէն  հատուած մը:

«Ես ու Նիկոլ Փաշինեան տարիներ առաջ պատգամաւորի` ՔԿՀ մուտք գործելու մասին նախագիծ  բերած ենք, որ մերժուած էր այն ժամանակուան իշխանութեան կողմէ: Հիմա նոյն այդ նախագիծը բերած ենք, կ’ըսէք` ամբոխահաճութիւն է»,- ըսաւ Մարուքեան,-  հատ մը քաղաքական յետագիծ ունեցէք,  հատ մը նայէք, տեսէք` ով ինչ ըսած է  ժամանակին , նոր բան մը ըսէք: Քիչ մը կարդացէք, սորվեցէք»,- ըսաւ Մարուքեան` արժանանալով գործընկերներու ծափերուն:

Մարուքեան քաղաքական մեծամասնութեան յիշեցուց նաեւ, որ 88 մանտադ ունին ու որ Հայաստանի մէջ չկայ ուժ մը, որ կը կարենայ խոչընդոտել իշխանութեան աշխատանքը:

«Երբ  վերջապէս դուրս պիտի գաք յեղափոխութիւն-հակայեղափոխութիւն վիճակէն»,- ըսաւ Մարուքեան:

Պատգամաւորը նշեց` յեղափոխութիւնը եղած, աւարտուած է, գործ ընելու ժամանակն է:

99
թեգերը:
Նաիրա Զոհրաբյան, Բարգավաճ Հայաստան կուսակցություն (ԲՀԿ), «Իմ քայլը» դաշինք
թեմա:
Sputnik Արմենիան` արևմտահայերենով (208)
Ըստ թեմայի
Երեւան–Փարիզ ճակատագրական չուերթը, կամ ինչպէս Ազնաւուրն ինքնագիր խնդրեց հայ երգչուհիէն
Սփիւռքահայերու համար Հայաստանի մէջ մատչելի բնակարան գնելու հնարաւորութիւն
Քիմ Քարտաշեան պատասխանած է Vogue ամսագիրի 73 հարցին եւ խօսած հայերէն
Հայ ժողովուրդի վէրքը կրնայ ապաքինիլ միայն՝ Թուրքիոյ մէջ արդարութիւն տիրելով. Կարօ Փայլան
Վիճաբանութիւն` հայ համայնքին հետ հանդիպման ժամանակ. Փաշինեան կը փորձէր հանգստացնել