ԵՐԵՎԱՆ, 16 ապրիլի — Sputnik. «Իմ քայլը» խմբակցության պատգամավոր, ԱԺ տնտեսական հարցերի հանձնաժողովի անդամ Հայկ Սարգսյանն այսօր հայտարարությունների ժամին ԱԺ ամբիոնից անդրադարձավ Գագիկ Ծառուկյանի ասածին, թե հանձնաժողովի որոշ անդամներ ունեն անձնական շահագրգռություն և հանդիպումներ են ունեցել ցեմենտ արտադրողների հետ:

© Sputnik / Aram Nersesyan

Փոխանակ ասեն`ինչու է Արարատ գնացել, քննարկում են մեքենայի համարները. Ծառուկյանը վրդովված է

«Ուզում եմ պաշտոնապես  հայտարարել, որ երեկ իմ աշխատասենյակում հանդիպում ենք ունեցել ցեմենտ արտադրող 3 գործարաններից 2-ի սեփականատերերի և տնօրենների հետ ու լսել նրանց մտահոգությունները»,- ասաց Սարգսյանը` այդ հանդիպումը մեկնաբանելով օրենսդրական նախաձեռնությունից առաջ ոլորտի խնդիրներին ծանոթանալու կարևորությամբ:

Պատգամավորը հայտնեց նաև, որ երկու անգամ զանգահարել է «Մուլտի գրուպ» կոնցեռնի նախագահ և «Արարտցեմենտ» գործարանի տնօրենների խորհրդի նախագահ Սեդրակ Առուստամյանին, բայց նրա հետ կապ հաստատել չի հաջողվել, ուստի նրան հանդիպելու առաջարկն արվեց նաև ԱԺ ամբիոնից: 

«Այստեղ որևէ անձնական շահագրգռություն չկա: Միակ ցանկությունն այն է, որ մենք հասկանանք, թե ինչ խնդիրներ ունեն մեր ցեմենտ արտադրողները»,- ասաց պատգամավորը:

«Բարգավաճ Հայաստան» խմբակցության պատգամավոր Արթուր Դալլաքյանն էլ հայտարարեց, որ ԲՀԿ-ն թույլ չի տալու, որ հայ արտադրողներին դնեն մի կողմ ու հարստացնեն իրանցիներին:

«Մենք այսօր մտածում ենք այլ երկրներից բիզնեսները Հայաստան բերելու մասին: Բայց տեսնում ենք ի՞նչ: Տարիներով ստեղծված բիզնեսները քանդվում են: Մարդիկ ասում են` մենք մեր աշխատատեղերը կորցնում ենք, ոչ մեկին դա հետաքրքիր չէ»,- ասաց նա:

© Sputnik / Aram Nersesyan

Ո՞վ է օգտվում ցեմենտի էժան հումքից. Ծառուկյանը բացեց ցեմենտի գործարանի աղմուկի գաղտնիքը

Դալլաքյանը նշեց նաև, որ եթե Հայաստանը մտադիր է Իրանից ցեմենտ կամ ցեմենտի հումք` կլինկեր, ներմուծել, դա նշանակում է` ստեղծածը վերացնել:

Հիշեցնենք` կառավարությունը տեղական արտադրողին մրցակցային լավ պայմաններ ապահովելու համար օրենսդրական նախաձեռնությամբ էր հանդես եկել` ավելացնելով  Իրանից ներկրվող ցեմենտի մաքսատուրքը, բայց կլինկերի ներկրումը մնացել է ցածր մաքսատուրքով:

Այս մասին երեկ հայտարարվել է ԱԺ տնտեսական հարցերի հանձնաժողովում:

«Արարտցեմենտ» գործարանի սեփականատեր Գագիկ Ծառուկյանն այսօր լրագրողների հետ զրույցում ԱԺ տնտեսական հանձնաժողովի անդամներին մեղադրել էր այդ որոշումը անձնական շահագրգռությունից դրդված կայացնելու մեջ` նշելով, որ Իրանից էժան հումքի ներկրման դեպքում տեղական արտադրողները կսկսեն աշխատել այդ հումքով, ինչը զգալի կկրճատի ցեմենտի գործարաններում աշխատատեղերը:

Հիշեցնենք` ուրբաթ երեկոյան Գագիկ Ծառուկյանին պատկանող «Արարատցեմենտ» ՓԲԸ-ն ավելի քան 1000 աշխատակցի հայտնել էր, որ աշխատանքից ազատման ծանուցագրեր են բաժանվելու: Երեկ աշխատակիցները հրաժարվել էին վերցնել ծանուցագրերը և բողոքի ակցիա էին կազմակերպել` փակելով գործարան տանող ճանապարհը:

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

© CC BY 3.0 / LJ user plusninety

Հայ ուխտավորներին ռուս խաղաղապահներն ուղեկցել են Ամարաս

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են