ԵՐԵՎԱՆ, 16 ապրիլի — Sputnik. Եթե ԱՄՆ–ն ճանաչի Հայոց ցեղասպանությունը, այդ հանգամանքը որևէ կերպ չի անդրադառնա Թուրքիայի դիրքորոշման վրա, բայց հակաամերիկյան տրամադրությունների պոռթկում կառաջացնի թուրքական հասարակության շրջանում։ Sputnik Արմենիա մուլտիմեդիոն մամուլի կենտրոնում այսօր կայացած Մոսկվա–Երևան տեսակապի ժամանակ այս մասին ասաց Սևծովյան-Կասպյան տարածաշրջանի քաղաքական և սոցիալական հետազոտությունների ինստիտուտի տնօրեն, ՌԳԱ Ե.Մ.Պրիմակովի անվան համաշխարհային տնտեսության և միջազգային հարաբերությունների ազգային հետազոտական ինստիտուտի վերլուծաբան Վիկտոր Նադեին-Ռաևսկին։

«Մարդկության դեմ իրականացված հանցագործությունը չճանաչելը սխալ է։ Սակայն եթե անգամ ամերիկացիները ճանաչեն ու իսկապես օգտագործեն «ցեղասպանություն» բառը, դժվար թե դա ազդի Թուրքիայի դիրքորոշման վրա։ Հակառակը` մենք վրդովմունքի ալիք, համաամերիկյան տրամադրություն ալիք կտեսնենք, հատկապես, որ ԱՄՆ–ում նման ալիքի համար պատճառները քիչ չեն», –ասաց նա։

Նրա խոսքով` ԱՄՆ–ի դեսպանատան տեղափոխումը Թել Ավիվից Երուսաղեմ, Գոլանի բարձունքների հետ կապված իրադարձությունը (ԱՄՆ նախագահ Դոնալդ Թրամփը մարտի 26–ին Գոլանի բարձունքներն Իսրայելի անբաժան մաս ճանաչելու մասին փաստաթուղթ է ստորագրել) վրդովմունքի ալիք է առաջացրել ամբողջ իսլամական աշխարհում, այդ թվում` Թուրքիայում։

© AFP 2020 / FREDERICK FLORIN

Կհանդիպենք Հայոց ցեղասպանության հիշատակի օրը. ֆրանսիացի պատգամավորը` Չավուշօղլուին

Նա ընդգծեց, որ հակաամերիկյան տրամադրություններն այսօր Թուրքիայում բավականին ուժեղ են։ Դրան նպաստել են նաև Թուրքիայի դեմ պատժամիջոցները, թուրքական ապրանքների արտահանման բարձր տուրքերը, C-400 ռուսական համալիրների գնումը, մի շարք ծրագրերը կանգնեցնելու փորձերը և այլն։

Նադեին-Ռաևսկին հորդորեց սպասել, թե այս տարի ինչ կասի ԱՄՆ նախագահ Դոնալդ Թրամփն ապրիլի 24–ին։

Փորձագետը հիշեցրեց, որ պետք չէ մոռանալ` հենց Հայոց ցեղասպանությունը չճանաչելն ուղի հարթեց ապագա հանցագործությունների, այդ թվում` Հոլոքոստի համար։

Նա խոսեց նաև Հայաստանի դիրքորոշման մասին։

© Sputnik / Asatur Yesayants

Վիկտոր Նադեին-Ռաևսկի

«Հայաստանը ճիշտ դիրքորոշում ունի։ Չի կարելի թույլ տալ, որ ոճրագործությունը մոռացության մատնվի։ Հենց Հայաստանի դիրքորոշումը, նախնիների ու անցյալի հանդեպ վերաբերմունքն է, որ ազգը դարձնում է ինքնատիպ ու ինքնաբավ», – ասաց Նադեին-Ռաևսկին։

Youtube / 365daily am

Թրամփ, ճանաչի՛ր Ցեղասպանությունը. մոմավառություն Սպիտակ տան դիմաց. տեսանյութ

Նա վստահ է, որ Հայաստանը ճիշտ ուղու վրա է. հիշեցնում է անցյալի մասին, նոր փաստաթղթեր է բացահայտում` շարունակելով իր դիրքորոշումը պնդել համաշխարհային ու միջազգային կազմակերպություններում։

1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։

Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ նահանգների զգալի մասը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

© CC BY 3.0 / LJ user plusninety

Հայ ուխտավորներին ռուս խաղաղապահներն ուղեկցել են Ամարաս

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են