Նիկոլ Փաշինյանի հանդիպումը Վլադիմիր Պուտինի հետ. արխիվային լուսանկար

Հեղափոխությունը որևէ երկրի դեմ չէ. Փաշինյանը խոսել է ՌԴ-ի հետ հարաբերութունների մասին

106
ՀՀ վարչապետն ասել է, որ Ռուսաստանի հետ մեր հարաբերությունները կրում են ռազմավարական բնույթ, և մենք ամեն ինչ անելու ենք այդ հարաբերությունները զարգացնելու համար։

ԵՐԵՎԱՆ, 11 ապրիլի — Sputnik. Մեր հեղափոխության մեջ որևէ արտաքին ուժի ներգրավվածություն չի եղել։ Այս մասին այսօր ԵԽԽՎ նիստում հայտարարեց ՀՀ վարչապետ Նիկոլ Փաշինյանը` պատասխանելով պատվիրակների հարցերին։

«Հայաստանում տեղի ունեցած հեղափոխությունը որևէ երկրի դեմ չէ, որևէ կազմակերպության դեմ չէ։ Հայաստանի ժողովուրդը հեղափոխությունն իրականացրել է հանուն իր ազատ ու երջանիկ ապագայի, և մենք մտադիր ենք մեր հարաբերությունները զարգացնել մեր բոլոր գործընկերների հետ»,– ասաց նա։

Փաշինյանը շեշտեց նաև, որ Հայաստանը ԵԱՏՄ անդամ է, այս պահին նախագահող է այդ կառույցում։

«Մենք մեզանից կախված ամեն ինչ անելու ենք, որ առավել արդյունավետ դարձնենք այդ կազմակերպությունը։ Ռուսաստանի հետ մեր հարաբերությունները կրում են ռազմավարական բնույթ, և մենք ամեն ինչ անելու ենք այդ հարաբերությունները զարգացնելու համար»,– ասաց նա։

Անդրադառնալով ՌԴ–ի հետ ռազմական համագործակցությանն ու ՀԱՊԿ–ին, Փաշինյանն ասաց, որ Հայաստանն ամեն ինչ անելու է այդ կառույցին իր անդամակցությունն առավել արդյունավետ դարձնելու համար։

Ինչ վերաբերում է ԵՄ–ի հետ հարաբերություններին, ՀՀ վարչապետն ընդգծեց, որ ԵՄ-ի հետ համապարփակ համագործակցության պայմանագրի բովանդակությունը լիարժեք համընկնում է Հայաստանի իշխանության որդեգրած բարեփոխումների օրակարգի հետ։

106
թեգերը:
«Թավշյա հեղափոխություն», Վլադիմիր Պուտին, Նիկոլ Փաշինյան, Ռուսաստան, Հայաստան
թեմա:
Հայաստան-Ռուսաստան համագործակցություն (126)
Ըստ թեմայի
Երկար հարց, կարճ պատասխան. Ղարաբաղյան հարցում Ռուսաստանի դիրքորոշումը չի փոխվել
Մեր հարևանների հետ հարաբերությունները պատկերացնում ենք խաղաղության շրջանակում. Փաշինյան
Կոչ եմ անում ԵԽԽՎ–ին, եվրոպական բոլոր կազմակերպություններին աջակցել ԼՂ ժողովրդին. Փաշինյան