ՀՀ և Չեխիայի պաշտպանության նախարարների ասուլիսը

Չեխիան ՀՀ-ին առաջարկելու բան ունի. նախարարը՝ պաշտպանության ոլորտի համագործակցության մասին

39
Չեխիան մեծ կարևորություն է տալիս Հայաստանի մասնակցությանը Կոսովոյի և Աֆղանստանի խաղաղապահ առաքելություններում։

ԵՐԵՎԱՆ, 9 ապրիլի — Sputnik. Չեխիան աջակցում է արցախյան հակամարտության խաղաղ կարգավորմանը։  Այս մասին Երևանում հրավիրված մամուլի ասուլիսի ժամանակ ասաց Չեխիայի պաշտպանության նախարար Լյուբոմիր Մետնարը։

Նա նշեց, որ արցախյան խնդիրը բանակցությունների ժամանակ քննարկվել է հայկական կողմի հետ։

Մետնարը նաև ընդգծեց, որ Հայաստանը Հարավային Կովկասում Չեխիայի կարևոր գործընկերն է։ Չեխիան նաև մեծ կարևորություն է տալիս Հայաստանի մասնակցությանը Կոսովոյի և Աֆղանստանի  խաղաղապահ առաքելություններում։

«Մեր օրակարգի կարևոր կետը երկկողմ ռազմական համագործակցության շրջանակի մշակումն է։ Այդ առումով կարևոր խթան ենք համարում ռազմատեխնիկական համագործակցության մասին այսօր ստորագրած համաձայնագիրը», – ավելացրեց նախարարը։

Նա վստահեցրեց, որ չեխական արդյունաբերությունը հայ գործընկերներին առաջարկելու բան ունի. դրանք ռազմատեխնիկայի ժամանակակից նմուշներն են։ Չեխիան հայկական կողմին առաջարկել է նաև չեխական բուհերում ռազմական բժիշկների վերապատրաստում կազմակերպել։

39
թեգերը:
ՀՀ Պաշտպանության նախարարություն (ՊՆ)
Ըստ թեմայի
Չեխիան Ադրբեջանին զենք չի վաճառել. պաշտպանության նախարարը` աղմկահարույց գործարքի մասին