Հայաստանի և Վրաստանի նախագահները

Զուրաբիշվիլիի այցը Հայաստան. գոհ են արդյո՞ք Երևանն ու Թբիլիսին

217
(Թարմացված է 00:08 15.03.2019)
Վրաստանի նախագահ Սալոմե Զուրաբիշվիլին առաջին պաշտոնական այցով Երևան էր ժամանել ու մի շարք հանդիպումներ է անցկացրել Հայաստանի ղեկավարության հետ։

Լաուրա Սարգսյան, Sputnik Արմենիա

Նախագահ Սալոմե Զուրաբիշվիլիի գլխավորած վրացական պատվիրակությունը գոհ է մնացել երևանյան այցից։ Հատկապես ոգևորել է Թբիլիսիի հետ համագործակցությունը ամրապնդելու ու խորացնելու Երևանի պատրաստակամությունը։ Հարաբերությունների հետագա զարգացումը կարևորել են ինչպես վարչապետ Նիկոլ Փաշինյանը, այնպես էլ նախագահ Արմեն Սարգսյանը։

Այս մասին Sputnik Արմենիայի հետ զրույցում ասաց Վրաստանի խորհրդարանի ազգությամբ հայ պատգամավոր Հենզել Մկոյանը, որը Երևան ժամանած պաշտոնական պատվիրակության կազմում էր։

Վրաստանի նախագահ Սալոմե Զուրաբիշվիլիի առաջին պաշտոնական երկօրյա այցը Հայաստան տեղի ունեցավ մարտի 13-14–ին։ Այն տարածաշրջանային էր, Վրաստանի նախագահը Բաքու գնալուց հետո էր Երևան եկել։

«Մեր պատվիրակությունը հատկապես տպավորված էր հայկական կողմի հայտարարություններից։ Նշվեց, որ առաջիկայում Վրաստանի ու Հայաստանի խորհրդարանների խոսնակների փոխադարձ այցեր են լինելու», – ասաց Մկոյանը։

Նա ընդգծեց, որ Երևան է ժամանելու Վրաստանի խորհրդարանի խոսնակ Իրակլի Կոբախիձեն, հետո Թբիլիսի է մեկնելու ՀՀ ԱԺ նախագահ Արարատ Միրզոյանը:

Նշվել է Հայաստանի կողմից որպես միջխորհրդարանական բարեկամության խմբի նախագահ ՀՀ ԱԺ փոխխոսնակ Լենա Նազարյանին նշանակելու որոշման մասին, իսկ Վրաստանի կողմից այդ գործառույթը կշարունակի իրականացնել Վրաստանի խորհրդարանի փոխխոսնակ Գեորգի Վոլսկին։

Երևանում համամի՞տ են Վրաստանի լավատեսության հետ

Իսկ Երևանում Վրաստանի նախագահ Սալոմե Զուրաբիշվիլիի այցի ու հնչեցրած հայտարարությունների մեջ ոչ մի արտառոց բան չեն տեսնում։

Վրաստանի հարցերով փորձագետ  Ջոնի Մելիքյանն ասում է, որ կողները տարբեր թեմաներ են քննարկել, այդ թվում` պրոբլեմատիկ, նաև կարևոր մեսիջներ են փոխանակել։

«Հայ-վրացական հարաբերությունների համատեքստում այցը կարելի է դրական գնահատել։ Կարևոր է, երբ պետությունների ղեկավարները հարևան երկրներ են այցելում ու տարբեր հարցեր են բարձրացնում։ Վրաստանի նախագահ Սալոմե Զուրաբիշվիլիի համար այցը ճանաչողական էր», – ասաց Մելիքյանը։

Նա մատնանշեց այն փաստը, որ Վրաստանի նախագահն իր լիազորությունների (որոնք արտաքին քաղաքականության մասով սահմանափակ են) շրջանակում  այնուամենայնիվ հնարավորություն ունի այս կամ այն հարցերը բարձրացնել։ Փորձագետը դրական է գնահատում այն, որ Զուրաբիշվիլիի` Փաշինյանի ու Սարգսյանի հետ հանդիպումների ժամանակ կողմերը շրջանցեցին այսպես կոչված սուր անկյունները։

Այնուամենայնիվ, փորձագետը նշեց, որ երկու կողմի համար նուրբ հարցը քննարկվել է Ազգային ժողովում վրացական պատվիրակության հետ հանդիպման ժամանակ։

Մասնավորապես` ՀՀ ԱԺ նախագահ Արարատ Միրզոյանն ընդգծել է, որ Բաքու կատարած այցելության ժամանակ Սալոմե Զուրաբիշվիլիի արած հայտարարությունը տարակուսանք է առաջացրել հայ հասարակության շրջանում։

Հիշեցնեն, որ Զուրաբիշվիլին Բաքվում Ադրբեջանի նախագահ Իլհամ Ալիևի հետ հանդիպման ժամանակ  խոսել էր երկրու երկրների տարածքային ամբողջականության մասին։

Թբիլիսիում զարմացած են

Վրաստանի նախագահի աշխատակազմի նախկին ղեկավար Պետրե Մամրաձեն մի փոքր մտահոգված է Վրաստանի նախագահի՝ Բաքվում արած հայտարարություններով։

Նա ընդգծեց, որ Վրաստանի նախագահը սահմանափակ լիազորություններ ունի, ու որ նա ո՛չ ներքին, ո՛չ արտաքին քաղաքականության հարցեր չի որոշում։

«Դա երկիրը ներկայացնող մարդ է, այսպես ասած որոշակի իրավիճակների արբիտր։ Լավ է, որ Զուրաբիշվիլին ծանոթանում է տարբեր պետությունների ղեկավարությունների հետ», – ասաց Մամրաձեն։

Նա ընդգծեց, որ Զուրաբիշվիլիի խոսքերը որևէ որոշակի կշիռ չունեն, դրանք մասնավոր անձի հայտարարությունների մակարդակի վրա են, ոչ ավելի։

Փաստերով

Եթե փաստերով խոսենք, Զուրաբիշվիլիի այցը ոչ միայն ճանաչողական էր, այլև հագեցած։ Երկու օրվա ընթացքում Վրաստանի նախագահը շատ բան է հասցրել։ Զուրաբիշվիլին Ծիծեռնակաբերդ է այցելել ու ծաղիկն էր է խոնարհել ի հիշատակ Հայոց Ցեղասպանության զոհերի։

Վրաց նախագահը Հայոց ցեղասպանության թանգարան–ինստիտուտ է այցելել ու Հուշամատյանում գրառում թողել, նաև Հիշատակի ծառուղում ծառ է տնկել ու «ԹՈՒՄՈ» ստեղծարարական տեխնոլոգիաների կենտրոն է այցելել։

Հարևան երկրի նախագահը հանդիպել է իր հայ գործընկերոջ, նաև ՀՀ վարչապետ Նիկոլ Փաշինյանի հետ։ Հանդիպումներ են կազմակերպվել ՀՀ ԱԺ խոսնակ Արարատ Միրզոյանի, Ամենայն Հայոց կաթողիկոս Գարեգին Բ–ի հետ։ Վրաստանի նախագահը հասցրել է Երևանում խոսել պետական սահմանի սահմանագծման մասին։ 

Վերջին անգամ Վրաստանի նախագահը Հայաստան էր այցելել 2014 թվականին։ Այդ ժամանակ պաշտոնը զբաղեցնում էր Գեորգի Մարգելաշվիլին։

217
թեգերը:
Իլհամ Ալիև, Ադրբեջան, Արմեն Սարգսյան, Հայաստան, Վրաստանի Հանրապետություն
Ըստ թեմայի
Վրաստանի նախագահը պատմել է, թե որ հայերով են հպարտանում վրացիները
«Արմեն Սարգսյանը միակն էր». ինչի համար է Զուրաբիշվիլին շնորհակալ Հայաստանի նախագահին
«Հանդիպումն արդյունավետ եմ համարում». Սարգսյանը` Զուրաբիշվիլու հետ բանակցության մասին
Հայերը և ադրբեջանցիները Վրաստանում խաղաղ ապրում են. Զուրաբիշվիլի
Սալոմե Զուրաբիշվիլին անդրադարձել է Հայաստանի ու Վրաստանի միջև սահմանագծման հարցին
Գագիկ Ծառուկյան

«Բարգավաճ Հայաստանը» հայտարարություն է տարածել

515
(Թարմացված է 14:06 07.07.2020)
ԲՀԿ–ն կոչով դիմել է իշխանությանը, բոլոր քաղաքական և հանրային շրջանակներին, քաղաքացիական հասարակությանը։

ԵՐԵՎԱՆ, 7 հուլիսի – Sputnik. ԲՀԿ քաղաքական խորհուրդը խստորեն դատապարտում է իշխանության կողմից ԲՀԿ նախագահի և կուսակցական գործիչների հանդեպ իրականացվող քաղաքական հետապնդման ու էժանագին մեթոդներով հաշվեհարդարի փորձերը:

Նշենք, որ սոցցանցում տարածվել է ԲՀԿ-ական պատգամավոր Գևորգ Պետրոսյանի և Ավան վարչական շրջանի ղեկավարի տեղակալ Ներսես Պողոսյանի հեռախոսազրույցը։ Պատգամավորի խոսքով` Պողոսյանը զանգել էր` զգուշացնելու, որ Պետրոսյանն այլևս Նիկոլ Փաշինյանի և Արարատ Միրզոյանի մասին գրառումներ չանի։ Գևորգ Պետրոսյանը Faebook–ում գրել էր, որ հեռախոսազրույցի հրապարակումը իշխանության ձեռքի գործն է։

«Ակնհայտ է, որ ամենը սկսվեց Գագիկ Ծառուկյանի` հունիսի 5-ի հայտնի ելույթից հետո, որտեղ նա մատնանշեց կառավարության ձախողումներն ու տապալումները՝ նշելով կոնկրետ ոլորտներ: Սոցիալ– տնտեսական խայտառակ ցուցանիշներ, բանկային «գերության» մեջ գտնվող հարյուր հազարավոր քաղաքացիների վիճակ, փլուզման եզրին կանգնած տնտեսության ամբողջական ճյուղեր, գործազրկության ահռելի աճ, համավարակի դեմ պայքարի տապալում, ռազմավարական դաշնակիցների հետ հարաբերություններում աններելի լարվածություն: Հենց այս խնդիրների բարձրաձայնումից և կառավարության կազմի 100 տոկոսի հրաժարականի պահանջից հետո իշխանությունների կողմից սանձազերծվեց քաղաքական հետապնդումների շարք «Բարգավաճ Հայաստան կուսակցության ներկայացուցիչների նկատմամբ»,– նշված է ԲՀԿ–ի հայտարարության մեջ:

ԲՀԿ–ականները նշում են, որ չունենալով քաղաքական հակափաստարկներ` իշխանությունն անցավ բարոյական բոլոր կարմիր գծերն ու այսօր բացահայտ ոտնահարում է մարդու իրավունքներն ու պատգամավորի, քաղաքացու անձնական կյանքի անձեռնմխելիության իրավունքը։ ԵԽ անդամ, միջազգային բազմաթիվ կառույցների անդամ Հայաստանում իշխանությունը կոպտորեն խոչընդոտում է իր մասնագիտական գործունեությունը կատարող պատգամավորների և քաղաքական գործիչների աշխատանքը՝ փորձելով լռեցնել՝ քաղաքական հաշվեհարդարներ տեսնելով, անձնական ձայնագրություններ հրապարակելով, ինչը օրենքի և միջազգային բազմաթիվ կոնվենցիաների կոպտագույն խախտում է։

«Մենք արձանագրում ենք, որ անկախ Հայաստանի պատմության մեջ երբեք չի եղել նման «խաղի կանոն» և քաղաքական ամենաբարդ հարաբերությունների դեպքում անգամ անձնական կյանքը, ընտանիքը, երեխաները եղել են անձեռնմխելի թեմաներ։ Երկրի, քաղաքացու առջև այս դժվարին ժամանակներում ծառացած սոցիալական կարևորագույն խնդիրները լուծելու փոխարեն իշխանությունն իր ամբողջ ռեսուրսն ու ֆեյք ինդուստրիան, որի վրա պետական հսկայական միջոցներ են ծախսվում, ուղղել է ԲՀԿ նախագահի և ԲՀԿ պատգամավորների հանդեպ անբարո քաղաքական հաշվեհարդարների կազմակերպմանը, որևէ բարոյական արգելքի, այդ թվում՝ ընտանիք ու անձնական կյանք մտնելու բարոյական արգելքի առաջ չկանգնելով»,– գրված է հայտարարության մեջ։

ԲՀԿ քաղաքական խորհուրդը կոչ է անում իշխանությանը՝ ձեռնպահ մնալ խուլիգանական արարքներից։ Իսկ միջազգային կառույցներին և իրավապաշտպան կազմակերպություններին հորդորում է անարձագանք չթողնել ՀՀ պատգամավորների, քաղաքական գործիչների հանդեպ իշխանության կողմից սանձազերծված այս անբարո արշավը, քանզի իշխանության ընտրած այս ճանապարհը ամենակարճ ճանապարհն է դեպի բռնապետություն։

«Բարգավաճ Հայաստան» կուսակցությունը կոչ է անում բոլոր քաղաքական և հանրային շրջանակներին, քաղաքացիական հասարակությանը, գիտակից հասարակությանը` նշելով, որ սա քաղաքական հայացքների խնդիր չէ, այլ արժանապատվության և մարդու անձնական կյանքի անձեռնմխելիության խնդիր:

«Բարձրաձայնեք ձեր վրդովմունքը, միասին մերժենք անհատի և ընտանիքների վարկաբեկման ճղճիմ փորձերը»,– նշել են ԲՀԿ–ականները։

Հիշեցնենք` ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը:
Նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16-ին ԱԺ–ն որոշեց Գագիկ Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի։

Հունիսի 21-ին Երևանի ընդհանուր իրավասության դատարանը մերժել էր Ծառուկյանի նկատմամբ կալանքը որպես խափանման միջոց ընտրելու՝ ԱԱԾ-ի միջնորդությունը:

Հունիսի 23-ին հայտնի դարձավ, որ դատախազությունը վերաքննիչ բողոք է ներկայացրել Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու որոշման դեմ։

Հունիսի 26-ին էլ ԲՀԿ առաջնորդի պաշտպանները վերաքննիչ բողոք ներկայացրին Ծառուկյանի նկատմամբ որպես խափանման միջոց կալանավորումը կիրառելու միջնորդությունը քննության առնելու մասին Երևան քաղաքի ընդհանուր իրավասության առաջին ատյանի դատարանի որոշման դեմ։

515
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, Հայաստան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
«Առինջ մոլի» աշխատակիցները գործադուլ կանեն. նրանք նամակ են գրել Ծառուկյանին. լուսանկար
Արարատ Միրզոյան. արխիվային լուսանկար

Կորոնավիրուսի դեմ պայքարը քննելու` ԲՀԿ-ի և ԼՀԿ-ի առաջարկն «Իմ քայլը» կքննարկի սեպտեմբերին

68
(Թարմացված է 23:26 02.07.2020)
Ընդդիմությունն առաջարկում էր կորոնավիրուսի քննիչ հանձնաժողով ստեղծել, որը կունենա 12 անդամ և կգործի կես տարի:

ԵՐԵՎԱն, 2 հուլիսի - Sputnik. Կորոնավիրուսի դեմ պայքարը քննելու` ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունների առաջարկը իշխանական «Իմ քայլը» կքննարկի սեպտեմբերին։ Այս մասին տեղեկացնում է ԱԺ մամուլի ծառայությունը՝ հղում տալով նախագահ Արարատ Միրզոյանին։

«Կորոնավիրուսի քննիչ հանձնաժողովի անդամների թիվը սահմանող նախագիծը կքննարկվի Ազգային ժողովի 2020թ.–ի սեպտեմբեր ամսվա առաջին հերթական նիստում», - ասվում է ԱԺ նախագահ Արարատ Միրզոյանի հայտարարության մեջ:

Նշենք, որ համաձայն կանոնակարգի՝ ԱԺ-ում նոր հանձնաժողով կարող է ստեղծվել պատգամավորների ընդհանուր թվի առնվազն մեկ քառորդի պահանջով․ այդ թվաքանակն ընդդիմադիր խմբակցություններն ապահովել են։

Հանձնաժողովը քննելու է նոր կորոնավիրուսի (COVID 19) տարածումը կանխելու, այդ վիրուսի դեմ պայքարի, համավարակի հետևանքների մեղմման կամ վերացման ուղղությամբ Հայաստանի Հանրապետության կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունը։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

68
թեգերը:
ընդդիմություն, ՀՀ Ազգային ժողով, ԱԺ, «Իմ քայլը» դաշինք, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ), Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ընդդիմությունը խաբկանքի մե՞ջ է. ինչ հարց է լուծում արտակարգ դրության երկարաձգումը
Ընդդիմության մեկ առաջնորդ ունենալու հարցում կարող է լինել տրիվիալ շահերի բախում. Մադոյան
Ընդդիմությունը բոյկոտել է ԱԺ արտահերթ նիստը. «Իմ քայլն» ամբողջ կազմով ներկա է
Տատյանա Բրուխունովա

Քանի՞ ամսական է երեխան. Եվգենի Պետրոսյանի երիտասարդ կինը պատասխանել է օգտատերերի հարցերին

0
(Թարմացված է 00:37 09.07.2020)
Պետրոսյանի նոր կնոջ անձը հանգիստ չի տալիս հումորիստի երկրպագուներին. հասարակությունը բաց չի թողնում ոչ միայն Բրուխունովայի ճաշակն ու զգեստները, այլև նրա անձը քննադատելու հնարավորությունը։

ԵՐԵՎԱՆ, 8 հուլիսի - Sputnik. Երգիծաբան Եվգենի Պետրոսյանի երիտասարդ կինը` Տատյանա Բրուխունովան, Instagram–ի իր էջի ուղիղ եթերում որոշել է պատասխանել իր անձնական կյանքին առնչվող մի քանի հարցի։ Բաժանորդներից մեկը հետաքրքրվել է, թե քանի ամսական է նրա և Պետրոսյանի երեխան։

«Դա անձնական հարց է, որևէ մեկին չի վերաբերում», – հայտարարել է նա։

Այդ թեման Բրուխունովային անկեղծության է դրդել։ Նա պատմել է, որ իրեն հաճախ են մոտենում մարդիկ, որոնք փորձում են խոսել իր անձնական կյանքի մասին։

«Ինձ փողոցում անծանոթ մարդիկ են մոտենում։ Թեև հետո ես իմանում եմ, որ իրենց վճարում են ինձ հալածելու համար։ Կեղտոտել են ձեռքերը, ինչ արած», – ասել է Պետրոսյանի կինը։

Սակայն որքան էլ Բրուխունովան բողոքի, մեծ հաշվով հասարակության կարծիքն իրեն չի հետաքրքրում։ Հաճախ նա անձամբ է բանավեճ հրահրում` պարծենում է թանկարժեք զգեստներով, ակնոցներով և պայուսակներով, ուղիղ եթեր դուրս գալիս սոցցանցերում։

«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով

Այս անգամ համացանցում քննարկում են Instagram–ում Բրուխունովայի արած նոր հրապարակումը. երկրպագուները սրամտում են և փորձում Պետրոսյանի սիրեցյալի նոր կերպարին բնութագրել։

View this post on Instagram

A post shared by Tatyana Brukhunova (@bruhunova) on

Նոր լուսանկարներում Տատյանան ինքնատիպ նկարով շրջազգեստ և շապիկ է հագել. լուսանկարն արված է այգում։ Բոլորից շատ երկրպագուների ուշադրությունը գրավել է Բրուխունովայի նարնջագույն գլխարկը, որը նա «2020 թվականի ամենանորաձև աքսեսուար» է հռչակել։ Բաժանորդները խիստ քննադատական մոտեցում են  ցուցաբերել. ոմանք նրան համեմատել են մուլտֆիլմի հերոս` Ֆունտիկ խոզուկի հետ, ոմանք` «խանում» անվանել, ոմանք էլ` խնդրել են հանել գլխարկն ու մոռանալ այն։

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

Դեկտեմբերի սկզբին Եվգենի Պետրոսյանն ամուսնացավ հինգերորդ անգամ։ Վերջերս տեղեկություն էր հայտնվել այն մասին, որ Պետրոսյանը երիտասարդ կնոջից երեխա ունի։ Սակայն մամուլում շրջանառվում է, որ երեխան ծնվել է Դուբայում, նրան լույս աշխարհ է բերել փոխնակ մայրը։ Արտսիտն ու իր երիտասարդ կինն այդ փաստը չեն հաստատում, սակայն չեն էլ թաքցնում։

View this post on Instagram

A post shared by ДНИ.РУ (@dniru) on

0
թեգերը:
Տատյանա Բրուխունովա, երեխա, օգտատեր, Եվգենի Պետրոսյան
Ըստ թեմայի
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ
«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով
Եվգենի Պետրոսյանը երիտասարդ կնոջից երեխա է ունեցե՞լ. հումորիստի ծանոթը փակագծեր է բացել