Սալոմե Զուրաբիշվիլի. Վրաստանի Հանրապետության նախագահ

«Սրտանց կը կարեկցիմ հայ ժողովուրդին». Վրաստանի նախագահի գրառումը Յուշամատեանին մէջ

75
Սալոմէ Զուրապիշվիլին, Տիգրան Աւինեանի եւ Հայկ Մարութեանի ուղեկցութեամբ այցելեց Ծիծեռնակաբերդ յուշահամալիր եւ յարգանքի տուրք մատուցեց Հայոց ցեղասպանութեան անմեղ զոհերուն յիշատակին` ծաղիկներ խոնարհելով անմար կրակին մօտ:

ԵՐԵՒԱՆ, 13 մարտի — Sputnik. Առաջին պաշտօնական այցով Հայաստան ժամանող Վրաստանի 5–րդ նախագահ Սալոմէ Զուրապիշվիլին Ծիծեռնակաբերդի մէջ գրառում  կատարած է Յուշամատեանին մէջ:

«Սրտանց կը կարեկցիմ հայ ժողովուրդին,  տեղի ունեցած ողբերգութեան համար: Մենք մեր սրտին մօտ կ’ընդունինք այդ ցաւն ու յարգանքի տուրք կը մատուցենք զոհուածներուն»,գրած է Զուրապիշվիլին:

Ի դէպ, հարեւան Վրաստանն առ այսօր չէ ճանչցած Հայոց ցեղասպանութիւնը:

Նշենք, որ ՀՀ նախագահի հրաւէրով երկօրեայ պաշտօնական այցով Հայաստան ժամանած Վրաստանի նախագահ Սալոմէ Զուրապիշվիլիի գլխաւորած պատուիրակութիւնը  Երեւանի «Զուարթնոց» օդակայանին մէջ դիմաւորած են փոխվարչապետ Տիգրան Աւինեանը եւ արտաքին գործոց փոխնախարար Շաւարշ Քոչարեանը:

Վրաստանի նախագահ Սալոմէ Զուրապիշվիլին, ՀՀ փոխվարչապետ Տիգրան Աւինեանի եւ Երեւանի քաղաքապետ Հայկ Մարութեանի ուղեկցութեամբ այցելեց Ծիծեռնակաբերդ յուշահամալիր եւ  յարգանքի տուրք  մատուցեց Հայոց ցեղասպանութեան անմեղ զոհերուն յիշատակին` ծաղիկներ խոնարհելով անմար կրակին մօտ:Այցի ծիրէն ներս նախատեսուած են Զուրապիշվիլիի հանդիպումները ՀՀ նախագահ Արմէն Սարգսեանի, վարչապետ Նիկոլ Փաշինեանի, ԱԺ խօսնակ Արարատ Միրզոյեանի հետ:

Վրաստանի նախագահն իր տարածաշրջանային շրջագայութիւնը սկսած է Ատրպէյճանէն:

Վրաստանի նախագահը Հայոց ցեղասպանութեան թանգարան հիմնարկին մէջ

Յիշեցնենք, որ Սալոմէ Զուրապիշվիլին Վրաստանի նախագահի բազմաթիւ թեկնածուներէն միակն էր, որ զանգուածային աջակցութիւն ստացաւ հայ համայնքին կողմէ:

Զուրապիշվիլիի մայրը եւ աշխարհահռչակ ֆրանսահայ շանսոնյէ Շառլ Ազնաւուրը ծանօթներ  եղած են պատանի հասակին: Սալոմէ Զուրապբիշվիլին պատմած է, թէ ինչպէս անոնք  օր մը պարած են Փարիզի մէջ:

75
թեմա:
Sputnik Արմենիան` արևմտահայերենով (159)
Ըստ թեմայի
YouTube-ի եւ Google-ի հայկականացումը. Կառավարութիւնը համամիտ է պլոկըրներուն հետ
Իրանի քանդակագործութեան մայրը. ինչպէս Լիլիթ Տէրեանը գրաւեց Թեհրանը
Որովհետեւ կը սիրէ ծովը. նաւատորմերու ապագայ կին նաւապետը կ՚երազէ Հայաստան գալ
Գարոլին Ռաֆայէլեանը ներառուած է Forbes-ի «Միլիարատէրեր 2019»-ի ցանկին մէջ