ԵԱՀԿ գործող նախագահ Միրոսլավ Լայչակ

Ղարաբաղյան բանակցությունների ձևաչափը պետք է բոլոր կողմերի համար ընդունելի լինի. Լայչակ

34
ԵԱՀԿ նախագահը խոսել է ղարաբաղյան կարգավորման բանակցությունների ձևաչափի հնարավոր փոփոխության մասին։

ԵՐԵՎԱՆ, 13 մարտի — Sputnik. Հայաստանի կառավարությունն ինքը պետք է որոշի ղարաբաղյան հակամարտության կարգավորմանն ուղղված բանակցությունների ձևաչափը։ Այսօր Երևանում կայացած ասուլիսի ժամանակ այս մասին ասաց ԵԱՀԿ գործող նախագահ, Սլովակիայի արտաքին գործերի նախարար Միրոսլավ Լայչակը։

Մեկնաբանելով բանակցությունների ձևաչափի հնարավոր փոփոխությունը` Սլովակիայի արտգործնախարարը նշեց, որ, անկասկած, Հայաստանի կառավարությունն ինքը պետք է որոշում կայացնի այդ հարցում, սակայն ցանկացած փոփոխություն պետք է ընդունելի լինի բոլոր կողմերի համար։

«Մենք բավականաչափ ժամանակ ենք տրամադրել այդ խնդիրների քննարկմանը։ Վստահ եմ` Հայաստանի կառավարությունը ճիշտ բանաձև ունի համապատասխան ձևաչափով բանակցությունները շարունակելու համար», – նշեց Լայչակը։

Հարցին` արդյո՞ք ԵԱՀԿ նախագահը մտածել է Արցախ այցելելու և սովորական մարդկանց կյանքը տեղում տեսնելու մասին, Լայչակը պատասխանեց, որ պատրաստ է անել ամեն ինչ` հակամարտության լուծմանն օգնելու համար։

«Ես լիովին վստահում եմ ԵԱՀԿ Մինսկի խմբի համանախագահներին ու պարոն Կասպրշիկին (ԵԱՀԿ գործող նախագահի անձնական ներկայացուցիչ. խմբ.): Ինչ անում եմ` նրանց հետ համակարգված եմ անում», – ավելացրեց նախարարը։

Հիշեցնենք` Նիկոլ Փաշինյանը ՀՀ վարչապետի պաշտոնը ստանձնելու առաջին իսկ օրերից հայտարարում է, որ բանակցություններին պետք է մասնակցի նաև Արցախը։ Վարչապետի շեշտում է, որ ինքը չի կարող խոսել Արցախի ժողովրդի անունից։

 

34
թեմա:
Ղարաբաղյան հակամարտություն (174)
Ըստ թեմայի
Մամեդյարովն ասել է` ինչն է արգելակում ղարաբաղյան գործընթացը
Գլխավոր խնդիրը Լեռնային Ղարաբաղի ճակատագիրն է. Կազիմիրով
Բաքուն պատրաստ է Ղարաբաղի հայերին ինքնակառավարման իրավունք տալ. Մամեդյարով
Պետք է լուծել Ղարաբաղի հարցը. Չավուշօդլուն պատասխանել է Փաշինյանին
Ինչպես պետք է կարգավորվի Ղարաբաղյան հակամարտությունը. պատասխանում է Սարգսյանը
«Լրացուցիչ ժամանակ կպահանջվի». Լավրովը` Ղարաբաղյան հակամարտության կարգավորման մասին
Հայաստանը ղարաբաղյան խաղաղ կարգավորման կողմնակից է. Միրզոյանը` Դաշնային Խորհրդում
Ռուսաստանն իրենից կախված ամեն ինչ կանի ղարաբաղյան հակամարտության լուծման համար. Զախարովա