Ռոբերտ Քոչարյան. ՀՀ երկրորդ նախագահ

Ռոբերտ Քոչարյանը դատի է տվել Արամ Մանուկյանին

409
Քոչարյանը դատարանից պահանջում է Արամ Մանուկյանին պարտավորեցնել հրապարակայնորեն հերքել իր հասցեին արված հայտարարությունն ու ներողություն խնդրել դրա համար։

ԵՐԵՎԱՆ, 5 Մարտ — Sputnik. ՀՀ երկրորդ նախագահ Ռոբերտ Քոչարյանը դատական հայց է ներկայացրել ընդդեմ ՀԱԿ փոխնախագահ Արամ Մանուկյանի:

Sputnik Արմենիայի այս տեղեկությունը հաստատեց Քոչարյանի փաստաբանների թիմի մամուլի քարտուղար Էլեն Առաքելյանը։

Նա նշեց, որ դատական հայցի մասին տեղեկատվությունն արդեն հրապարակված է դատական տեղեկատվական համակարգի datalex.am կայքում։

Ըստ հրապարակված տեղեկատվության Ռոբերտ Քոչարյանն Արամ Մանուկյանից պահանջում է «հրապարակայնորեն հերքել  զրպարտություն համարվող տեղեկատվությունը և վիրավորանքի համար հրապարակային ներողություն խնդրել»։

Թե ինչ վիրավորանքի ու զրպարտության մասին է հայցադիմումը մեր զրուցակիցը չմանրամասնեց։ Այդ մասին չի նշվում նաև  է դատական տեղեկատվական համակարգում հրապարակված տեղեկատվության մեջ։

Հայտնի է միայն, որ հայցադիմումը դատարանը վարույթ է ընդունել մարտի 3-ին։ Այն մակագրվել է դատավոր Լիլիթ Սարգսյանին։

409
թեգերը:
Հայ ազգային կոնգրես (ՀԱԿ), Ռոբերտ Քոչարյան
Ըստ թեմայի
Եվրամիությունը պատրաստ է ուժեղացնել Հայաստանի աջակցությունը բարեփոխումների հարցում. Տուսկ
Բլոգեր Նարեկ Մալյանի վրա հարձակումից հետո Սորոսի հիմնադրամը հայտարարություն է տարածել
Բռնության ցանկացած դրսևորում անթույլատրելի է. ՄԻՊ–ն անդրադարձել է Նարեկ Մալյանի դեպքին
Փաշինյանի կինը պատասխանել է իր բրյուսելյան այցը քննադատող ԶԼՄ–ներին