Արցախի Զինված ուժեր

Փաշինյանը Բրյուսելում պատմել է տարածաշրջանի վրա արցախյան հակամարտության ազդեցության մասին

222
Իրանի դեմ պատժամիջոցները բարդություն են ստեղծում Հայաստանի համար, նվազեցնում արտաքին հաղորդակցության երկու հնարավոր միջանցքներից մեկի հնարավորությունները։

ԵՐԵՎԱՆ, 4 մարտի — Sputnik. Սպառազինությունների մրցավազքը, պարտադրված Հայաստանին նրա հակառակորդների կողմից, ավելորդ խնդիրներ է ստեղծում տարածաշրջանի համար: Այս մասին երկուշաբթի օրը Եվրախորհրդարանի արտաքին գործերի հանձնաժողովում ունեցած ելույթի ընթացքում ասել է Հայաստանի վարչապետ Նիկոլ Փաշինյանը։

Նրա խոսքով` Հայաստանում բարեփոխումների ներուժը զսպում են Հարավային Կովկասի հակամարտությունները։ Առաջին հերթին արցախյան չլուծված հակամարտությունը և տարածաշրջանում լարվածության պահպանումը նվազեցնում են ինչպես մեր երկրի, այնպես էլ ամբողջ տարածաշրջանի ներդրումային գրավչությունը։

«Երկրորդ, սպառազինությունների մրցավազքը` պարտադրված մեր հակառակորդների կողմից, լրացուցիչ բարդություններ է ստեղծում տարածաշրջանի համար։ Հայաստանը ստիպված է իր սահմանափակ պաշարների զգալի մասը հատկացնել տարածաշրջանում խաղաղության պահպանմանը և բռնության նոր պոռթկումների կանխմանը», – ասել է Փաշինյանը։

Փակ սահմանները և տրանսպորտային շրջափակումը կրճատում են տնտեսության դիվերսիֆիկացիայի համար հնարավորությունները։ Իրանի դեմ պատժամիջոցները նույնպես բարդություն են ստեղծում Հայաստանի համար, նվազեցնում արտաքին հաղորդակցության երկու հնարավոր միջանցքներից մեկի հնարավորությունները։

«Կուզեի ընդգծել Եվրախորհրդարանի հավասարակշիռ մոտեցումը։ Կարևոր է, որպեսզի ԵԱՀԿ Մինսկի խմբերի ջանքերը աջակցություն ունենան», – նշել է վարչապետը։

Փաշինյանի խոսքով` հակամարտության լուծման համար անհրաժեշտ է հասկանալ Արցախի ժողովրդի` իր ճակատագիրը որոշելու իրավունքը։ Այդ տարածաշրջանի բնակչությունն ավելի քան երկու տասնամյակ դե ֆակտո անկախ է ապրում։ Մեծացել է մարդկանց մի ամբողջ սերունդ, որոնք չեն կարող պատկերացնել այլ կյանք, բացի անկախությունից։

«Ես չեմ ներկայացնում Լեռնային Ղարաբաղի բնակչությանը։ Ես` որպես Հայաստանի վարչապետ, ունեմ միայն ՀՀ բնակիչների մանդատը, բայց ոչ Արցախի հայերի, որոնք ունեն իրենց սահմանադրությունը և իրենց կառավարությունը», – ասել է Փաշինյանը։

Նրա խոսքով` խաղաղ բանակցությունները կարող են զգալի առաջընթաց տալ միայն այն ժամանակ, երբ Արցախի ներկայացուցիչները նստեն բանակցությունների սեղանի շուրջ, և նրանց ձայնը լսելի կլինի։

222
թեգերը:
Եվրախորհուրդ, Եվրամիություն, Նիկոլ Փաշինյան, Արցախ
Ըստ թեմայի
Արթուր Վանեցյանը խոսել է Ադրբեջանի սպառնալիքների մասին
Չի կարելի հավատալ Փաշինյանի հայտարարություններին. Քոչարյանը` Ղարաբաղյան խնդրի մասին
Բաքվում դժգոհ են Փաշինյանի` Իրան կատարած այցի արդյունքներից. բողոքի ակցիա է անցկացվել
Իրանը չի ուզում Հայաստանի և Ադրբեջանի հետ հարաբերությունները կապել արցախյան խնդրի հետ. ԱԳՆ
Վլադիմիր Գասպարյան

«Սթափվե՛ք, մենք արդեն անցնում ենք այս կարմիր գծերը». Վլադիմիր Գասպարյանը մտահոգված է

452
(Թարմացված է 12:40 25.05.2020)
Հայաստանի նախկին ոստիկանապետը կարծում է, որ կորոնավիրուսը ցույց տվեց իշխանությունների գաղափարական ու կառավարչական ֆիասկոն։

ԵՐԵՎԱՆ, 25 մայիսի – Sputnik. Հայաստանի նախկին ոստիկանապետ Վլադիմիր Գասպարյանը համոզված է` կան իրավիճակներ, երբ լռելը հանցագործություն է կամ առնվազն հանցակցություն: 

«Այսօր այդ վիճակում ենք: Իշխանությունների դիլետանտիզմն ու անճարությունը մեզ հասցրել են այն սահմանին, որից այն կողմ պետականության կորուստն է: Իսկ թե ինչ է նշանակում պետություն չունենալ, աշխարհում երևի ամենից լավ մենք գիտենք»,– Facebook–ի իր էջում գրել է նա։

Գասպարյանը նշել է` դա վերջին ութ հարյուր տարվա մեր պատմությունն է: Դա Արևմտյան Հայաստանի ու միլիոնուկես ժողովրդի, ապա Արևելյան Հայաստանի կեսի ու հարյուր հազարավոր հայ մարդկանց զոհաբերման իրողությունն է: Այո՛, հենց զոհաբերման: Որովհետև երկիրն ու ժողովրդին կարելի է զոհաբերել ոչ միայն դավաճանությամբ, այլև՝ տգիտությամբ ու եսասիրությամբ:

«Անցած դարի կորուստներից առաջ էլ այսօրվա պես է եղել, և օդում կրկին կախված է կորստի տագնապը: Նախորդ ողբերգությունների համար ազդակ եղան Առաջին աշխարհամարտն ու հաջորդած քաղաքական վերադասավորումները: Հիմա ազդակը կորոնավիրուսի համավարակն ու առաջիկա անխուսափելի վերադասավորումներն են: Ընդ որում` կորոնավիրուսը ոչ միայն ազդակ է, այլև յուրատեսակ լակմուսի թուղթ, որը պարզ ցույց է տալիս ցանկացած երկրի ուժն ու թուլությունը: Մեր դեպքում ցույց է տալիս իշխանությունների գաղափարական ու կառավարչական ֆիասկոն: Ու դրա պատճառը վիրուսը չէ: Վիրուսն ընդամենը բարձրացրել է վարագույրն, ու շատերի համար աննկատ մնացածն ի հայտ է եկել ողջ այլանդակությամբ. գաղափարախոսության, ինչպես ասում են՝ «իզմերի» բացակայություն, ցանկացած զարգացման զրոյացում, նախորդ երեսուն տարիներին պետության ու ժողովրդի կուտակած քաղաքական, տնտեսական, հոգևոր ռեսուրսների մսխում, հանրության մասնատում ու փոխադարձ թշնամանքի հրահրում, հրաժարում բնական դաշնակիցներից ու սիրախաղեր ավանդական թշնամու հետ...»,– գրել է նախկին ոստիկանապետը։

Գասպարյանի խոսքով` այս ամենը մեկին մեկ եղել է անցյալ դարասկզբին. նույն եսասիրությունը, ագահությունը, թեթևամտությունը, ինքնահավանությունը, անտարբերությունը: Մենք ասես կախարդական շրջանում լինենք: Տիգրան Մեծի Հայաստանից այս մի բուռն է մնացել: Եվ այսպես շարունակելու դեպքում սա էլ չի մնա: Կլինեն աշխարհով մեկ ցիրուցան հայեր, այն էլ՝ ընդամենը մեկ սերունդ տևողությամբ:

«Սա է իրականությունը, և սարսափելի է, որ այս իրականության մեջ ապրելով էլ՝ շարունակում ենք մեր դժբախտությունների մեղավոր կարգել անխտիր բոլորին: Բյուզանդացին է մեղավոր, թուրքը, բոլշևիկը, հարևան Պողոսը, իսկ մենք՝ որպես ժողովուրդ, իմաստուն ենք, ժողովրդի տերերն էլ՝ սուրբ...Այս ճանապարհը մեզ արդեն երկու անգամ տարել է ցեղասպանության դուռը, ու երրորդ անգամ ենք կանգնած նույն ճանապարհին: Մեզ այնպես ենք պահում, կարծես բնակչությամբ Չինաստանն ենք, տարածքով՝ Ռուսաստանը, տնտեսությամբ՝ Ամերիկան, աշխարհաքաղաքական դիրքով՝ Շվեյցարիան... Եվ այս մեծամտության պատճառով անընդհատ կորցնում ենք: Կորցնում ու այդպես էլ չենք հասկանում, որ այսօր էլ գոյամարտի մեջ ենք ու պիտի ապրենք այդ կանոններով: Վազգենն ասում էր՝ գոնե մի անգամ մի հոգնեք կես ճանապարհին ու կռիվը մինչև վերջ կռվեք: Ճի՛շտ էր ասում. հակառակ դեպքում՝ մեր պատմությունը միշտ պարտության պատմություն է լինելու...Եվ այդ վտանգը տեսանելի ու շոշափելի է: Հանգուցալուծումն էլ կարծես հեռու չէ, եթե այսպես շարունակենք: Իսկ ի՞նչ կարող ենք անել՝ գահավիժումը կանգնեցնելու համար»,– հարց է տալիս նախկին պաշտոնյան:

Ըստ նրա` պատմությունը հուշում է, որ պետք չէ հույսը դնել ժողովրդի հավաքական իմաստնության ու իշխանությունների բացառիկության վրա: Պատմությունը հակառակն է վկայում: Սարդարապատը հակառակ իշխանությունների կամքի ու փախչող բազմության «հավաքական իմաստնության» եղավ: Հաղթանակը կերտեցին կոնկրետ գաղափարներով, ծրագրերով ու հեռանկարներով կոնկրետ մարդիկ: Այսօր էլ պիտի ապավինենք այդպիսի սթափ նվիրյալների կամքին ու իմաստնությանը: Սակավ են, ճիշտ է, բայց ուժեղ են հոգով ու տեսնում են հեռանկարը:Մարմնից առաջ միշտ հոգին է պարտվում: Մարմնի պարտությունն ընդամենը վավերացնում է հոգու կորուստը: Հոգով չպարտվելու համար պետք է հասկանանք, որ հպարտությունը մահացու մեղք է, որ ինքն իր մեջ բաժանված տունը կանգուն մնալ չի կարող, իսկ անպտուղ ծառը կտրում են արմատից...

«Սթափվե՛ք: Մենք արդեն անցնում ենք այս կարմիր գծերը: Արդեն ձեռք ենք բարձրացրել Վեհափառի ու Եկեղեցու վրա, անվանարկել ենք Բանակը, Վազգենի ասած կռիվը ստորադասել ենք զանգվածային անկարգություններին, Շուշիի ազատագրման օրը դատել ենք Շուշին ազատագրողներին, վավերացրել ենք մեր երեխաներին այլասերման դատապարտող փաստաթղթեր...Սթափվե՛ք: Բազում են կոչվածները, ընտրյալները՝ սակավ: Եվ այդ սակավ մարդիկ պիտի վեր կենան, գտնեն իրար, ժողովրդին հանեն քնից, ծրագիր ու գործ առաջարկեն: Խնդիրը ապաշնորհների ու անճարակների խմբակը իշխանությունից հեռացնելը չէ: Մեր հասարակության մտածողությունն է գլխիվայր շրջված: Պետք է ոտքի դնել: Պետք է բացատրել, որ մարդու գլխավոր իրավունքը ոչ թե սեռը փոխելու ազատությունն է, այլ չմորթվելու իրավունքը: Պետք է հիշեցնել, որ ոսկե հորթին ծառայելը մահացու է: Պետք է փաստել, որ մեր դժբախտությունների պատճառը պետականության բացակայությունն է, և իրավունք չունենք այս վերջինն էլ կորցնել:Պիտի սթափվենք ու գործենք»,– ընդգծել է Գասպարյանը:

Նա համոզված է, որ այդ սակավ ընտրյալները, իր սիրած խոսքով՝ պետության մարդիկ, անպայման կգտնեն իրար, հոգով չպարտվածներն էլ կհետևեն նրանց, ու նորից իրավունք կունենանք ասելու՝ պատիվ ունեմ ու հանուն Հայաստանի Հանրապետության:

452
թեգերը:
Վլադիմիր Գասպարյան, Հայաստան
Ըստ թեմայի
Կգա ժամանակը, ինչ հարցի կուզեք` կպատասխանեմ. Սերժ Սարգսյան
Նավասարդ արքեպիսկոպոս Կճոյանն իրեն առաջադրված մեղադրանքը չի ընդունում. փաստաբան
Եթե չդադարեցվի հետապնդումը, կհրաժարվեմ իմ աշխատանքից. Արթուր Գևորգյանը դեռ սպասում է
Գևորգ Պետրոսյան

Պատրաստ եմ «վեթինգվել». Պետրոսյանը կարծում է`վեթինգը պետք է սկսել այսօրվա իշխանությունից

159
(Թարմացված է 00:48 25.05.2020)
Գևորգ Պետրոսյանն ափսոսում է, որ հնարավոր չէ ստուգել, թե ներկայիս իշխանության ներկայացուցիչներն ինչ էին ուտում նախկինում և հիմա ինչ են ուտում, ինչ էին հագնում նախկինում ու հիմա ինչ են հագնում։

ԵՐԵՎԱՆ, 24 մայիսի — Sputnik. ԱԺ ԲՀԿ խմբակցության պատգամավոր Գևորգ Պետրոսյանը հայտնել է, որ պատրաստ է «վեթինգվել»։ Պետրոսյանը Facebook սոցցանցի իր էջում գրառում է արել` ասելով, որ ով տեղից բարձրանում` դատավորների գույքային դրությունը ստուգելու մասին է խոսում։

«Ձեր գույքային դրությունը ստուգեք, նոր անցեք դատավորներին: Ոնց եմ ափսոսում, որ հնարավոր չի ստուգել, թե այսօրվա շատ «ընտրյալներն» ինչ էին ուտում նախկինում և հիմա ինչ են ուտում, ինչ էին հագնում նախկինում ու հիմա ինչ են հագնում։ Դե, փոխադրամիջոցների մասին էլ չխոսեմ»,–գրել է Պետրոսյանը։

Նրա խոսքով` վեթինգի գործընթացը պետք է սկսել այսօրվա իշխանության ներկայացուցիչներից` պահպանելով հերթականությունը՝ օրենսդիր, գործադիր, հետո նոր՝ դատական: Պետրոսյանը վստահեցնում է` առաջինը պատրաստ է «վեթթինգվել» ինքը։

Անդրադառնալով հանրաքվեի չեղարկմանը` ԲՀԿ–ական պատգամավորը նշել է, թե այն նշանդրեք չէ, որ չեղարկեն։ Պետրոսյանը կարծում է, որ ինչպես նշանակել են հանրաքվեն, այնպես էլ պետք է դրա տակից դուրս գան, եթե, իհարկե, կարող են։

Հիշեցնենք, որ ԱԺ «Իմ քայլը» խմբակցության պատգամավոր Վահագն Հովակիմյանը Sputnik Արմենիայի հետ զրույցում նշել էր, որ հանրաքվեի չեղարկման որոշումը պետք է կայացնի կառավարությունը կամ Ազգային ժողովը։

«Դատական համակարգը չպետք է մահակ դառնա ընդդիմադիրների դեմ». Մարոզյանը` վեթինգի մասին

Ինչ վերաբերում է վեթինգին ու գույքի բռնագանձմանը, ապա մայիսի 23-ից ուժի մեջ է մտել «Ապօրինի ծագում ունեցող գույքի բռնագանձման մասին» օրենքը։Այն թույլ է տալիս ուսումնասիրել գույքը, դրա ձեռքբերումը և օգտագործումը։ Եթե գույքի ձեռքբերումը չի հիմնավորվում օրինական եկամուտներով, ապա ներկայացվում է դրա բռնագանձման պահանջ, քանի որ այդ դեպքում գույքը համարվում է ապօրինի ծագում ունեցող և ենթակա է բռնագանձման։ Ուսումնասիրության ենթակա է 1991 թվականի սեպտեմբերի 21-ից հետո ձեռք բերված գույքը, բայց հիմնականում քննության է ենթարկվելու վերջին տասը տարում ձեռք բերված գույքի օրինականությունը:

159
թեգերը:
հանրաքվե, Բարգավաճ Հայաստան կուսակցություն (ԲՀԿ), Պատգամավոր, Գևորգ Պետրոսյան, Դատավոր, Հայաստան, Վեթինգ
Ըստ թեմայի
«Վեթինգի» մասին օրենքը դատական իշխանությունը որակական նոր հիմքերի վրա չի դնելու. Խաչիկյան
«Դատավորների համատարած վեթինգ հնարավոր չէ՝ առանց Սահմանադրությունը փոխելու»․ նախարար
«Մենք չենք կարծում, որ վեթինգի գործընթացը տապալվել է»․ Մակունց
Իլոն Մասկ

Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

0
(Թարմացված է 01:01 26.05.2020)
Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով` երեխային գրանցելու համար նրա անվան մեջ կարելի է կիրառել միայն լատինական տառեր։

ԵՐԵՎԱՆ, 25 մայիսի –Sputnik. Tesla և SpaceX ընկերությունների հիմնադիր, գործարար Իլոն Մասկն ու նրա կինը` կանադացի երգչուհի Գրայմսը, ստիպված են եղել փոխել իրենց նորածին որդու անունը` Կալիֆոռնիայի նահանգի օրենքի պահանջների պատճառով։ Երեխայի անվան հետ կապված նորությունը Instagram–ի իր էջում հայտնել է գործարարի կինը։

Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով երեխային գրացնելու համար նրա անվան մեջ կարելի է կիրառել միայն լատինական տառեր, ապաթարց և տրոհագիծ։

Սակայն Մասկն ու Գրեյմսը երեխային սովորական անունով չեն կնքել, նրանք պարզապես վերջին տառերը փոխարինել են «Xii»–ով։ Տղայի նոր անունը X Æ A-Xii է։

2019–ին Նարեներն ու Դավիթները «հաղթել» են բոլորին

Փոքրիկի մայրը կարծում է, որ նոր անունը նախորդից լավն է, միևնույն ժամանակ Գրեյմսը չի նշել, թե ինչպես է նոր անվանը վերաբերվում Կալիֆոռնիայի օրենսդրությունը։

Ձախողո՞ւմ, թե՞ շոուի մաս. Իլոն Մասկը ներկայացրել է իր նոր Cybertruck պիկապը. տեսանյութ

0
թեգերը:
անուն, երեխա, Իլոն Մասկ
Ըստ թեմայի
Իլոն Մասկը «հիանալի» է անվանել ռուսական ՌԴ-180 հրթիռային շարժիչը
Tesla-ի մեքենաներն ավելի խելացի են դարձել. ի՞նչ նորություն է մոգոնել Իլոն Մասկը
Հայրիկ է դարձել 6–րդ անգամ․ միլիարդատեր Իլոն Մասկը ցույց է տվել նորածին որդուն