Վալերիյ Օսիպյան. ՀՀ ոստիկանության պետ

Ու՞մ են փռել ասֆալտին. Օսիպյանը խոսեց իրավիճակի փոփոխության «արդյունքների» մասին

205
ՀՀ ոստիկանության պետ Վալերիյ Օսիպյանը հանդիպել է «Իմ քայլը» խմբակցության պատգամավորների հետ։ 2 ժամ տևած հանդիպումն անցել է դռնփակ։

ԵՐԵՎԱՆ, 28 փետրվարի — Sputnik. Հանցավորության դեպքերի աճ Հայաստանում կա, բայց ոչ մտահոգիչ չափերի։ Այս մասին այսօր ԱԺ–ում լրագրողների հետ ճեպազրույցում ասաց ՀՀ ոստիկանապետ Վալերիյ Օսիպյանը։

«Կոնկրետ սեփականության դեմ ուղղված հանցագործությունների աճ ունենք` բնակարանային գողությունների։ Բայց բավականին լուրջ ձեռքբերումներ ունենք անձի դեմ ուղղված հանցագործությունների, անչափահասների շրջանում կատարված հանցագործությունների նվազման մասով։ Ձեռքբերումներ ունենք կոռուպցիոն հանցատեսակների մասով»,– ասաց Օսիպյանը։

Հեղափոխությունից հետո կամ, ինչպես Օսիպյանը նշեց` «իրավիճակի փոփոխության արդյունքում», նրա դիտարկմամբ հասարակությունն ավելի շատ է դիմում ոստիկանություն։ Միայն կես տարվա կտրվածքով դիմումներն 2018թ–ին 2017–ի համեմատ ավելացել են։

Ինչ վերաբերում է գողությունների դեպքերի աճին, այստեղ Օսիպյանը համաձայնեց լրագրողների այն դիտարկմանը, թե այդ վիճակագրությունը սերտորեն կապված է համաներման հետ։

«Համաներումով ազատ արձակվածներից 58–ը 104 հանցագործության դեպք են կատարել»,– պաշտոնական տվյալները մեջբերեց ոստիկանապետը։

Օսիպյանը պատասխանեց նաև «ասֆալտին փռելու» օպերացիայի շարունակականության մասին հարցին` հայտարարելով, որ նման դեպք վերջին շրջանում եղել է։ Թե ում են փռել, ոստիկանապետը հրաժարվեց բացահայտել։

ՀՀ Ոստիկանապետ Վալերիյ Օսիպյանն ԱԺ էր հրավիրվել «Իմ քայլը» խմբակցության պատգամավորների հետ փակ հանդիպման։

«Իմ քայլը» հանդիպումների շարք է նախաձեռնել կառավարության անդամների ու գործադիր իշխանությանը ենթակա մարմինների ղեկավարների հետ։

205
թեգերը:
ՀՀ Ազգային ժողով, «Իմ քայլը» դաշինք, ՀՀ Ոստիկանություն, Վալերի Օսիպյան
Ըստ թեմայի
30 համաներվածները 42 նոր հանցագործություն են կատարել. Ոստիկանություն
Համաներման հակառակ երեսը. ինչո՞ւ է Հայաստանում աճում հանցագործությունների թիվը
Համաներում. ինչպե՞ս է այն ազդել Հայաստանում քրեական իրավիճակի վրա
Քրեական հեղինակություն Վստրեչի ապերը համաներումով ազատ արձակվեց դատարանի դահլիճից
Լևոն Տեր– Պետրոսյան

Պատերազմի ժամանակ ներքաղաքական պայքարը խելահեղություն է. Տեր-Պետրոսյանը` COVID-19-ի մասին

131
(Թարմացված է 17:06 05.06.2020)
Ըստ Լևոն Տեր–Պետրոսյանի`կորոնավիրուսը պատերազմ է, որի ժամանակ ներքաղաքական պայքարը խելահեղություն է, որը ոչ մի արդարացում չունի։

ԵՐԵՎԱՆ, 5 հունիսի — Sputnik. ՀՀ առաջին նախագահ Լևոն Տեր–Պետրոսյանն անդրադարձել է կորոնավիրուսային իրավիճակին և պարզագույն սիլլոգիզմ ներկայացրել, որը բաղկացած է 3 կետից.

  1. Կորոնավիրուսը պատերազմ է հայտարարել Հայաստանին,
  2. Պատերազմը վարելու բեռն ընկած է իշխանության ուսերին,
  3. Ով պայքարում է իշխանության դեմ, կամա թե ակամա դավաճանում է ազգին։ Պատերազմի ժամանակ ներքաղաքական պայքարը խելահեղություն է, որը ոչ մի արդարացում չունի։

Հիշեցնենք, Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է 183 մահվան դեպք։

131
թեգերը:
Պատերազմ, ընդդիմություն, Իշխանություն, Հայաստան, կորոնավիրուս, Լևոն Տեր–Պետրոսյան
թեմա:
Կորոնավիրուսը Հայաստանում և Արցախում
Ըստ թեմայի
«Հիվանդությունը կա, վիրուսը կա». ինչ է հորդորում կորոնավիրուսով վարակված տղամարդը
Ոստիկանությունում կորոնավիրուսով վարակվածների թիվը 100-ի է հասնում
ՀՀ–ում կորոնավիրուսով վարակված տարեցների խնամքը կկազմակերպվի մեկուսացված վայրում
Նիկոլ Փաշինյանի բրիֆինգը

Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները

620
(Թարմացված է 22:18 03.06.2020)
Հայաստանի քաղաքացիները մեծ մասը դժգոհ է կորոնավիրուսի դեմ պայքարի իշխանության գործողություններից, իսկ հակաճգնաժամային օգնությունը բոլորին չէ, որ հասել է։ Այս ֆոնին քաղաքական գործընթացները նոր երանգներ են ստացել։

Վերջին շրջանում իշխանությունը հաճախ էր խոսում հարկային մուտքերի աճի ու իրականացվող տնտեսական հեղափոխության մասին։ Հնարավոր է՝ այդ պատճառով է, որ կորոնավիրուսի համաճարակին ու գրեթե բոլոր ոլորտների կաթվածահար վիճակին բախվելիս, քաղաքացիները կառավարությունից իրական օգնություն էին ակնկալում։ Առաջին հերթին՝ նյութական, քանի որ շատերը  հատկապես՝ սպասարկման ոլորտում աշխատողները, բառացիորեն գոյատևման եզրին են հայտնվել։  

Կառավարությունը կարծես թե հայտարարել էր բնակչությանն ու բիզնեսին տրամադրվելիք մեծ դոտացիայի՝ 300 միլիոն դոլարի մասին։ Միջոցառումների փաթեթ էր մշակվել, որում մոտ 20 տարբեր թիրախային ծրագրեր կային։ Սակայն ինչ-որ պահի հասկանալի դարձավ, որ այդ ծրագրերը տեղում են դոփում։ Վարչապետն անձամբ հետևում էր դրանց իրականացմանը, կշտամբում էր նախարարներին, զանգում էր քաղաքացիներին։

Այդ պատճառով շատ արդիական է հարցը, թե ինչպես են քաղաքացիներն ընկալում իշխանության կողմից իրենց ցուցաբերված աջակցությունը։ Այսօր արդեն կարելի է գնահատել կառավարության հակաճգնաժամային միջոցառումները, քանի որ դրանց մեծ մասը միանգամյա էին ու ենթակա չէին երկարացման։

«Ժողովրդի ձայնը» փորձագիտական ակումբն առցանց հարցում է անցկացրել այդ թեմայով։ Դրան մասնակցել են 18 տարեկանից բարձր 1700 քաղաքացիներ։ Հարցման հիմք է հանդիսացել այն, որ բազում քաղաքացիներ ահազանգել են, թե այս կամ այն պատճառով կառավարությունից ոչ մի աջակցություն չեն կարողացել ստանալ։

«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան

Բավականին մտահոգիչ պատկեր ստացանք հարցումների արդյունքում։ Պարզվեց՝ քաղաքացիների 75%-ը զգալի տնտեսական խնդիրներ ունի (աշխատանքի, բիզնեսի կամ եկամտի կորուստ)։ Ստեղծված իրավիճակում իշխանության իրական օգնության վրա հույսը դրել են հարցման  մասնակիցների միայն 30%-ը (մնացածը հույսները դրել են իրենց, մտերիմների, մարդասիրական կազմակերպությունների և այլնի վրա)։ Հարցվածների 63%-ը ոչ մի օգնություն չի ստացել, ու միայն 9%-ն են հայտնել, որ գոհ են կառավարության հակաճգնաժամային միջոցառումներից։ Եվս մեկ հատկանշական թիվ՝ քաղաքացիների 56%-ը վստահ է, որ համաճարակը զսպելուն ուղղված կառավարության գործողություններն ակնհայտորեն բավարար չեն։

Ի՞նչ հետևանքներ կունենան այս տրամադրությունները։ Արմավիրի մարզի շուկայում տեղի ունեցած իրադարձությունները ցույց են տալիս, որ «հետհեղափոխական» շրջանը Հայաստանում ավարտվել է։

Եթե ծանր պահին քաղաքացիներին ոչ ոք չի աջակցում, նրանք փորձում են սեփական աշխատանքով ապահովել իրենց գոյությունը՝ անտեսելով համավարակի բերած սպառնալիքները։ Իսկ եթե մարդկանց արգելում են դա անել, նրանք  սկսում են նորից գիտակցել, որ հենց իրենք են իշխանություն տվողը և կարող են փողոց դուրս գալով ու ընտրություններին մասնակցելով, փոխանցել իրենց վստահության մանդատն այդ քաղաքական գործիչների։

Այժմ Հայաստանի քաղաքական կյանքում դեռ պահպանվում է մինչկորոնավիրուսային իներցիան։ Սակայն և՛ մեր հարցումը, և՛ տեղի ունեցած առանձին իրադարձությունները ցույց տվեցին, որ մեր երկրում աստիճանաբար վերակենդանանում է քաղաքական աշխուժությունը՝ կրքեր բորբոքվելով, ծրագրերի ու անձանց մրցակցություն բերելով։ Կորոնավիրուսի համաճարակն այդ անխուսափելի գործընթացի կատալիզատոր դարձավ։

Կամ–կամ. Փաշինյանը խոսեց կորոնավիրուսով պայմանավորված իրավիճակի շուրջ առկա ելքերի մասին

620
թեգերը:
համավարակ, ընդդիմություն, Իշխանություն, քաղաքականություն, կորոնավիրուս, Հայաստան
Ըստ թեմայի
Արցախում կորոնավիրուսով վարակվածների թիվը կրկին ավելացել է
Փարաքարում կորոնավիրուսից երիտասա՞րդ է մահացել. Մինասյանի խոսքով` մահացողը 62 տարեկան է
Կորոնավիրուսից մահացածների տվյալների հրապարակման դեպքով քրեական գործ է հարուցվել
ՊԵԿ

Փաշինյանն աշխատանքից ազատել է ՊԵԿ նախագահի տեղակալին

0
(Թարմացված է 20:28 05.06.2020)
ՊԵԿ նախագահ Դավիթ Անանյանի` աշխատանքից ազատման դիմում գրելուց հետո կառույցում այլ փոփոխություններ էլ են եղել։

ԵՐԵՎԱՆ, 5 հունիսի — Sputnik. ՀՀ վարչապետ Նիկոլ Փաշինյանի որոշմամբ` ՊԵԿ նախագահի տեղակալն ազատվել է պաշտոնից։

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 4-րդ մասով՝ Էդվարդ Հովհաննիսյանին ազատել ՀՀ պետական եկամուտների կոմիտեի նախագահի տեղակալի պաշտոնից»,–նշված է Փաշինյանի համապատասխան որոշման մեջ։

Նշենք, որ Հովհաննիսյանն այդ պաշտոնին էր նշանակվել 2019–ի հուլիսի 1-ին։

Հիշեցնենք` երեկ ՊԵԿ նախագահի պաշտոնից ազատման դիմում է ներկայացրել Դավիթ Անանյանը։ ՀՀ վարչապետ Նիկոլ Փաշինյանն այսօր հայտնել էր` առաջիկայում ՊԵԿ-ում և ընդհանրապես համակարգում կլինեն բովանդակային փոփոխություններ, որոնք սկսվել են ՊԵԿ նախագահի պաշտոնավարման ընթացքում և ավելի կխորանան։

ՊԵԿ նախագահ Դավիթ Անանյանն աշխատանքից ազատման դիմում է գրել

0
թեգերը:
Պետական եկամուտների կոմիտե (ՊԵԿ), Նիկոլ Փաշինյան
Ըստ թեմայի
«Կարգապահ հարկատուն ՊԵԿ–ի հետ պետք է խնդիր չունենա` անկախ վարակից». Գրիգորյան
Ո՞վ կփոխարինի ՊԵԿ նախագահ Դավիթ Անանյանին. «Ժողովուրդ»
ՊԵԿ-ում նոր փոփոխություններ են սպասվում. Փաշինյանը շնորհակալություն հայտնեց Անանյանին