Արարատ Միրզոյան

Սումգայիթում հայերի ջարդը էթնիկ զտումների հիմք է դարձել. Միրզոյանը` Մոսկվայում

137
(Թարմացված է 13:04 27.02.2019)
Սումգայիթի ջարդերի հետևանքով հայերը զանգվածային կերպով հեռացան Ադրբեջանից։

ԵՐԵՎԱՆ, 27 փետրվարի – Sputnik. Սումգայիթի կոտորածը սկիզբ դրեց լայնածավալ էթնիկական (հայերի – խմբ.) մաքրումներին։ Այս մասին այսօր Մոսկվայում Դաշնության Խորհրդի լիակազմ նիստում ասել է ՀՀ ԱԺ նախագահ Արարատ Միրզոյանը։

ԱԺ նախագահը նշել է, որ Հայաստանը դեմ է հակամարտությունները ռազմական ճանապարհով լուծելու փորձերին և ողջունում է այն նախաձեռնությունները, որոնք ուղղված են մոլորակի վրա կայուն խաղաղության հաստատմանը։

«Այս առումով ավելի ընդարձակ համագործակցության օրինակ կարող է ծառայել մեր մասնագետների խմբի մեկնումը Սիրիայի Արաբական Հանրապետություն», – ասել է ԱԺ խոսնակը։

Նրա խոսքով` հայկական մարդասիրական առաքելության նպատակն է աջակցել խաղաղության ու կայունության հաստատմանը` օգնելով սիրիական ժողովրդին վերականգնել գործունեությունը հակամարտությունից տուժած շրջաններում։ Միրզոյանը շնորհակալություն է հայտնել ռուսական կողմին հայկական հումանիտար օգնությունը Սիրիա հասցնելու հարցը կազմակերպելու համար։

«Մարդասիրական բաղադրիչն էլ ավելի կարևոր է դառնում այս օրերին, երբ ամբողջ աշխարհի հայերը հիշում են ավելի քան 30 տարի առաջ իրագործված Սումգայիթի կոտորածի զոհերին։ Այդ իրադարձությունները հիմք դրեցին լայնածավալ էթնիկական զտումներին», – ասել է Միրզոյանը։

Նա ընդգծել է, որ այդ ողբերգությունը հանգեցրել է նրան, որ հայերը զանգվածային կերպով դուրս են եկել Բաքվից, Սումգայիթից և այլ քաղաքներից։

137
թեգերը:
Արարատ Միրզոյան, Ադրբեջան, Ռուսաստան, Արցախ, Հայաստան
թեմա:
Ղարաբաղյան հակամարտություն (266)
Ըստ թեմայի
Սումգայիթի, Բաքվի ջարդեր. ինչպես հայ կինը լուծեց ամուսնու վրեժը
ԱԺ-ն հայտարարություն ընդունեց Սումգայիթի ջարդերի 30-րդ տարելիցի առիթով
Լիոնի հայերը հարգել են Սումգայիթի ջարդերի զոհերի հիշատակը