ՀՀ-ում ՌԴ արտակարգ և լիազոր դեսպան Սերգեյ Կոպիրկինը

ՌԴ դեսպան. բարձր ենք գնահատում ՀՀ մասնակցությունը Սիրիայում մարդասիրական առաքելությանը

81
Ժամանակակից աշխարհում կարևոր է ունենալ դաշնակցային պետությունների մշտական և հուսալի աջակցությունը, նշել է Կոպիրկինը։

ԵՐԵՎԱՆ, 21 փետրվարի — Sputnik. Մոսկվան բարձր է գնահատում Սիրիա Հայաստանի մարդասիրական առաքելություն ուղարկելը, ՌԴ դեսպանատանը պաշտպանի օրվա առթիվ կազմակերպած ընդունելության ժամանակ ասել է Ռուսաստանի արտակարգ և լիազոր դեսպան Սերգեյ Կոպիրկինը։

«Մենք բարձր ենք գնահատում այն, որ Հայաստանը մասնակցում է Սիրիայում մարդասիրական առաքելությանը։ Հայ մասնագետների ներկայությունը սիրիական բազմաչարչար հողի վրա հերթական անգամ հաստատում է մեր հարաբերությունների դաշնակցային հատուկ բնույթը», – ընդգծել է Կոպիրկինը։

Կոպիրկինի կարծիքով` ժամանակակից աշխարհում կարևոր է ունենալ դաշնակցային պետությունների մշտական և հուսալի աջակցությունը։ Ըստ նրա, հենց այդպիսի սերտ, խորը և ամուր են Ռուսաստանի և Հայաստանի կապերը։

«Դաշնակիցների միջև միայն ամուր և վստահելի հարաբերությունների շնորհիվ է հնարավոր դառնում համատեղ լուծել լուրջ հարցեր, որոնք ծառացել են համաշխարհային հանրության առաջ, ապահովել խաղաղությունն ու անվտանգությունը ինչպես աշխարհում, այնպես էլ տարածաշրջանում», – նշել է դեսպանը։

Հիշեցնենք, որ փետրվարի 8–ին Հայաստանը 83 հոգուց բաղկացած մասնագետների խումբ է ուղարկել Սիրիա։ Խմբի կազմում ներգրավված են հումանիտար ականազերծման մասնագետներ, բժշկական անձնակազմ և մասնագետների անվտանգությունն ապահովող բրիգադներ։

Նման առաքելություն Սիրիա ուղարկելու մասին հայտարարվել էր դեռ անցած տարվա սեպտեմբերին։ ՀՀ վարչապետ Նիկոլ Փաշինյանը Սիրիայում տարվող մարդասիրական գործողությունները իրենց մասշտաբով աննախադեպ հայ–ռուսական մարդասիրական նախագիծ էր անվանել։

81
թեգերը:
Հայաստան, Ռուսաստան, Սիրիա
Ըստ թեմայի
Սիրիա առաքելություն ուղարկելը Հայաստանի ինքնուրույն որոշումն է. Մորոզով
Վաշինգտոնը չեղարկե՞լ է Մնացականյանի այցը. ԱԳՆ–ն պարզաբանում է
«Իրականում». Սիրիայի հայ համայնքին հումանիտար օգնությունը կենսական անհրաժեշտություն էր
«Առաջարկում եմ ձևավորել պատգամավորական խումբ՝ Սիրիա մեկնելու նպատակով». Բաբաջանյան