ՀՀ պաշտպանության նախարար Դավիթ Տոնոյանը և ՀՀ ԶՈւ ԳՇ պետ Արտակ Դավթյանը Հայաստանում Ռուսաստանի դեսպանատանը

Ռուսական ներկայությունը նպաստում է տարածաշրջանի անվտանգությանը. Տոնոյան

118
Ինչպես նշեց նախարարը, 102-րդ ռազմակայանի անձնակազմը բազմիցս հաստատել է իր առջև դրված խնդիրները լուծելու բարեխիղճ մոտեցումն ու բարձր ռազմական պատրաստականությունը։

ԵՐԵՎԱՆ, 21 փետրվարի — Sputnik. Ռուսական ներկայությունը Հավաքական անվտանգության կովկասյան տարածաշրջանում խոչընդոտում է ռազմական գործողությունների վերսկսմանը, ասաց Հայաստանի պաշտպանության նախարար Դավիթ Տոնոյանը ՌԴ դեսպանատանը Հայրենիքի պաշտպանի օրվա կապակցությամբ հրավիրված ընդունելության ժամանակ։

«Հայաստանի տարածքում գտնվող ռուսական 102-րդ ռազմաբազայի անձնակազմը բազմիցս հաստատել է իր առջև դրված խնդիրները լուծելու իր բարեխիղճ մոտեցումն ու բարձր ռազմական պատրաստվածությունը։ Մեկ անգամ չէ, որ ասել եմ՝ ռուսական ներկայությունը հավաքական անվտանգության կովկասյան տարածաշրջանում կարևոր զսպող գործոն է ռազմական գործողությունների հավանական վերսկսման համար և նպաստում է տարածաշրջանում անվտանգության և իրավիճակի կայունությանը», - ասաց Տոնոյանը:

Այդ առումով նա կարևորեց Հավաքական անվտանգության կովկասյան տարածաշրջանում միասնական պաշտպանական համակարգ ստեղծելու և ՀՀ-ՌԴ Զինված ուժերի միասնական զորախմբի մասին երկկողմանի միջպետական համաձայնագրերի կարևորությունը: Դրանց կարևորությունը դժվար է գերագնահատել։ Նախարարը համոզված է, որ դրանց շնորհիվ հայ–ռուսական ներուժը տարածաշրջանում զգալիորեն աճել է։

Նա նշեց, որ փետրվարի 7-9–ին Ռուսաստան կատարած այցի ընթացքում ՌԴ պաշտպանության նախարար Սերգեյ Շոյգուի հետ ստորագրվել են ևս մի քանի փաստաթղթեր` ուղղված նշված համաձայնագրերի դրույթների իրագործմանը։

Նրա խոսքով` երկու երկրների հարաբերություններում կարևոր ասպեկտ է դարձել մարդասիրական ոլորտում գործակցությունը։ Հայ մասնագետները մեկնել են Հալեպ` մարդասիրական առաքելություններին մասնակցելու համար։ Դրա հետ կապված` Տոնոյանը երախտագիտություն է հայտնել ՌԴ ՊՆ ղեկավարությանը հայ մասնագետներին առաքելության վայր հասցնելու հարցում ցուցաբերած համակողմանի աջակցության համար։

Հայաստանի պաշտպանության նախարարը նշեց նաև ռուս սահմանապահների ամենօրյա բարեխիղճ գործունեությունը։

  • ՀՀ պաշտպանության նախարար Դավիթ Տոնոյանը Հայաստանում Ռուսաստանի դեսպանատանը
    ՀՀ պաշտպանության նախարար Դավիթ Տոնոյանը Հայաստանում Ռուսաստանի դեսպանատանը
    © Sputnik / Asatur Yesayants
  • Ալեն Սիմոնյանը և Արթուր Վանեցյանը Հայաստանում Ռուսաստանի դեսպանատանը
    Ալեն Սիմոնյանը և Արթուր Վանեցյանը Հայաստանում Ռուսաստանի դեսպանատանը
    © Sputnik / Asatur Yesayants
  • ՌԴ դեսպանատան ռազմական կցորդ, գնդապետ Անդրեյ Գրիշչուկը և ՀՀ պաշտպանության նախարարը
    ՌԴ դեսպանատան ռազմական կցորդ, գնդապետ Անդրեյ Գրիշչուկը և ՀՀ պաշտպանության նախարարը
    © Sputnik / Asatur Yesayants
  • Հայաստանում Ռուսաստանի արտակարգ և լիազոր դեսպան Սերգեյ Կոպիրկինը
    Հայաստանում Ռուսաստանի արտակարգ և լիազոր դեսպան Սերգեյ Կոպիրկինը
    © Sputnik / Asatur Yesayants
1 / 4
© Sputnik / Asatur Yesayants
ՀՀ պաշտպանության նախարար Դավիթ Տոնոյանը Հայաստանում Ռուսաստանի դեսպանատանը

«Սահմանին ծառայությունը միշտ եղել է ամենաբարդերից մեկը ինչպես խնդիրների բնույթով, այնպես էլ պայմաններով, որոնցում պետք է կատարել դրանք։ Եվ այսօր ինձ համար հաճելի է նշել, որ Հայաստանում ՌԴ Անվտանգության դաշնային ծառայության սահմանապահ վարչության անձնակազմը, շարունակելով նախորդների բարի ավանդույթները, արժանի կերպով լուծում է իր առջև դրված խնդիրները Հայաստանի ԱԱԾ սահմանապահ զորքերի հետ միասին։ Նա հուսալի պահպանում է հայ ժողովրդի խաղաղ աշխատանքը», – նշեց նախարարը։

Տոնոյանը համոզմունք հայտնեց, որ անվտանգության ոլորտում սերտ գործակցությունը կշարունակի ամուր և արդյունավետ լինել։

118
թեգերը:
Հայաստան, ՀՀ Պաշտպանության նախարարություն (ՊՆ), Ռուսաստան
Ըստ թեմայի
Հայ համայնքը հերքում է. Մոսկվայում տեղի ունեցած ծեծկռտուքին հայ չի մասնակցել
Անօթևան հերոսը. կրակից երեք երեխաների փրկած բազմազավակ հային փողոց են վռնդում
Սիրիա առաքելություն ուղարկելը Հայաստանի ինքնուրույն որոշումն է. Մորոզով
«Վերջապես». Ռուսաստան եկող զբոսաշրջիկների համար վիզային ռեժիմը կպարզեցվի