ՀՀ ԱԺ

Տիգրան Ավինյանը դժգոհ է պատգամավորներից. բովանդակային քննարկում այդպես էլ չեղավ

131
(Թարմացված է 18:11 13.02.2019)
ՀՀ փոխվարչապետ Տիգրան Ավինյանն այսօր իր կարծիքն է հայտնել ԱԺ պատգամավորների հետ կառավարության ծրագրի երկօրյա քննարկումների մասին։ Այդուհանդերձ, կառավարությունը դեռ սպասում է առաջարկների։

ԵՐԵՎԱՆ, 13 փետրվարի — Sputnik. Ազգային Ժողովում կառավարության գործունեության 5-ամյա ծրագրի բովանդակային քննարկում երկու օրվա ընթացքում այդպես էլ չեղավ։ Նման տեսակետ այսօր լրագրողների հետ զրույցում հայտնեց փոխվարչապետ Տիգրան Ավինյանը։

«Այս երկու օրվա ելույթներից ես մի բան հասկացա, որ այդպես էլ բովանդակային քննարկումներ չծավալվեցին և չեն ծավալվելու։ Կառավարության ծրագրի բովանդակության հետ կապված ընդդիմության կողմից կառուցողական առաջարկներ այս ֆորմատում չեմ լսել: Անընդհատ բանավեճի մեջ են`թիվ կա, թիվ չկա: Այն, ինչ գրված էր տնտեսության մոդելի առումով, մրցակցության, ներառականության, արտահանման ճյուղերի առումով, նման բովանդակային քննարկում տեղի չունեցավ, որի համար ես ցավում եմ»,– ասաց Ավինյանը։

Ավինյանը հիշեցրեց, որ ծրագրի համար ամբողջ պատասխանատվությունը կրում է կառավարությունը և ոչ թե Ազգային Ժողովը։ Այդուհանդերձ, կառավարությունը պատրաստ է քննարկել խորհրդարանական ուժերի ներկայացրած բոլոր առաջարկները։

Ազգային Ժողովի նիստում այսօր ԱԺ նախագահ Արարատ Միրզոյանը, փոխանցելով վարչապետի խոսքը, հայտարարեց, որ գործադիրը պատրաստ է քննարկել բոլոր խմբակցությունների ներկայացրած առաջարկները: Դրա համար անհրաժեշտ է դրանք գրավոր ձևակերպել և հանձնել ԱԺ–ի քարտուղարությանը։

131
թեգերը:
ՀՀ Ազգային ժողով, կառավարության ծրագիր, Տիգրան Ավինյան
Ըստ թեմայի
Անորոշ ձևակերպումներով կառավարության ծրագիրը նման է նախորդներին.պատգամավորն անհանգստացած է
Ատովմյան. «Կրկնում է ժամանակավոր կառավարության ծրագիրը»
Համեստությունը զարդարում է, բայց ոչ ծրագիրը. ո՞րն է կառավարության երկչոտության պատճառը