Կարո Փայլան

Եթե ցեղասպանությունը սուտ է, ինչո՞ւ է Էրդողանը 5 տարի շարունակ ցավակցում հայերին. Փայլան

4208
(Թարմացված է 16:25 07.02.2019)
Հայ պատգամավորն արձագանքել է Թուրքիայի նախագահի խոսնակի հայտարարությունը։

ԵՐԵՎԱՆ, 7 փետրվարի – Sputnik. Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանը հռետորական հարց է ուղղել Թուրքիայի նախագահ Ռեջեփ Թայիփ Էրդողանին։

«Եթե Հայոց ցեղասպանությունը քաղաքական սուտ է, ինչո՞ւ է նախագահը հինգ տարի շարունակ ապրիլի 24-ին ցավակցական ուղերձ հղում հայ ժողովդրին»,– Twitter–ի իր էջում գրել է նա։

​Հիշեցնենք, որ փետրվարի 5-ին Ֆրանսիայի հայ համայնքի ներկայացուցիչների հետ հանդիպմանը Ֆրանսիայի նախագահ Էմանուել Մակրոնը հայտարարել էր, որ ապրիլի 24-ը կդառնա «Հայոց ցեղասպանության հիշատակման ազգային օր»։ Մակրոնը նշել էր, որ իր այս նախաձեռնությունը կսկսի գործել հաջորդ ապրիլի 24-ից։

Սրան հաջորդել էր Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընի արձագանքը։

1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։

Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ նահանգների զգալի մասը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

4208
թեգերը:
Կարո Փայլան, Թուրքիա
թեմա:
Հայոց ցեղասպանություն (193)
Ըստ թեմայի
Փաշինյանը ոգեշնչել է Փայլանին. նա պատրաստ է պայքարել
Կարո Փայլանը Թուրքիայի մեջլիսում հայերեն է շնորհավորել Փաշինյանին. տեսանյութ
Կարո Փայլանի առաջարկը չի ընդունվել թուքական մեջլիսում