ՀՀԿ

ՀՀԿ–ի իրավաբանները պատրաստվում են պաշտպանել Սերժ Սարգսյանին. «Հրապարակ»

291
Թերթի տեղեկություններով` նախկին նախագահի պաշտպանությամբ զբաղվում են ՀՀԿ–ական նախկին նախարարներ Դավիթ Հարությունյանն ու Արփինե Հովհաննիսյանը։

ԵՐԵՎԱՆ, 7 փետրվարի — Sputnik. Օրերս մամուլը գրեց, որ փետրվարի 1-ին ՀՀ երրորդ նախագահ Սերժ Սարգսյանին հրավիրել են ՀՔԾ՝ հարցաքննության և մի քանի ժամ հարցաքննել Մարտի 1-ի գործով։ «Հրապարակ» օրաթերթի տեղեկություններով` դա Սերժ Սարգսյանի առաջին հարցաքննությունը չի եղել։ Նա նախկինում էլի էր նա ՀՔԾ հրավիրվել։

«Մեր տեղեկություններով՝ Սերժ Սարգսյանի համար պրոֆեսիոնալ իրավաբանների թիմ է ստեղծվել, որոնք այս օրերին կոնսուլտացիաներ են անցկացնում նրա հետ, թե ինչպես պահի իրեն հարցաքննության ժամանակ։ Թիմը գլխավորում են արդարադատության երկու նախկին նախարարներ Դավիթ Հարությունյանն ու Արփինե Հովհաննիսյանը, որոնք երկուսն էլ իշխանափոխությունից հետո լծվել են իրավապաշտպան գործունեության»,– հայտնում է թերթը` հավելելով, որ Սերժ Սարգսյանի «պաշտպանական» թիմը նախօրեին հավաքվել է ՀՀԿ գրասենյակում ու երկար քննարկում ունեցել Սերժ Սարգսյանի հետ։ Ներկա են եղել նաև այլ իրավաբաններ, փաստաբաններ։

Դավիթ Հարությունյանը, թերթի բնորոշմամբ, կցկտուր հերքել է այդ լուրը` ասելով. «Չէ, չեմ պատասխանի էդ հարցին։ Ընդհանրապես, Սերժ Սարգսյանին հարցաքննության կանչելու-չկանչելու վերաբերյալ որևէ մեկնաբանություն չունեմ։ Սխալ է քո ինֆորմացիան»։

Իսկ ՀՀԿ գրասենյակում քննարկումը, նրա խոսքով, եղել է այլ հարցերով։

291
թեգերը:
«Մարտի 1–ի» գործով դատավարություն, Սերժ Սարգսյան
թեմա:
«Մարտի 1»-ի գործը (216)
Ըստ թեմայի
Քոչարյանի պաշտպանների կողմից ՄԻԵԴ ներկայացված գանգատները գրանցվել են
Աղմկահարույց քրգործեր. արդյո՞ք ՄԻԵԴ–ը ՀՀ կառավարության դեմ հայցերի հոսք պիտի ակնկալի
Լևոն Տեր-Պետրոսյանը հաջորդ կադրին է «առաջ բրթում» գլխավոր դատախազի պաշտոնում. «Իրավունք»
Վերաքննիչ դատարանը չեղարկել է Մարտի 1–ի գործով քննչական խմբի նախկին ղեկավարի կալանավորումը