Ալեքսանդր Լուկաշենկո

ՀԱՊԿ քարտուղարի թեման չի փակվել. ինչու՞ է Լուկաշենկոն լռում. «Հրապարակ»

56
«Հրապարակ» թերթի զրուցակիցն ասել է, թե ինչու էր Լուկաշենկոն փիար ակցիա անում։

ԵՐԵՎԱՆ, 6 փետրվարի – Sputnik. 2-3 ամիս հետո ՀԱՊԿ նիստում (ժամկետները դեռ հայտնի չեն) ՀԱՊԿ քարտուղարի հարցը կրկին օրակարգ կմտնի: Այս մասին գրում է «Հրապարակ» օրաթերթը` հղում անելով իր աղբյուրին։

Թերթը հիշեցրել է` բայց չէ՞ որ ՀԱՊԿ անդամ երկրներն արդեն իսկ ասել են, որ պաշտպանում են Բելառուսի թեկնածու Զասին։

«Ոչ, դա ընդամենը փիար ակցիա էր Լուկաշենկոյի կողմից, դա Բատկայի երազանք-ճնշումն էր Պուտինի վրա` ցույց տալու, թե ինչ ազդեցություն ունի ՀԱՊԿ-ում Նազարբաև-Լուկաշենկո տանդեմը, նույնը` ԵԱՏՄ-ում։ Մի մոռացեք, որ Լուկաշենկոն ասել էր` մինչև դեկտեմբեր կլուծվի Զասի հարցը»,– պատասխանել է աղբյուրը, որի անունը չի նշվում։

Նրա խոսքով` դեկտեմբերն անցավ, հարցը չլուծվեց. այդ փաստաթուղթը ստորագրել են միայն Տաջիկստանն ու Բելառուսը, հարցի քննարկումը կշարունակվի մինչև պաշտոնական նշանակում։ Էտապներ կան, որոնցից չես կարող խուսափել, դա կարող է անգամ վերածվել լուրջ սկանդալի` հաշվի առնելով Ռուսաստան-Բելառուս հարաբերությունների վերջին թնջուկը` «հարկային մանյովրին»՝ 10 միլիարդին առնչվող։

«Կողմերից ոչ մեկը չի ցանկանում զիջել, Լուկաշենկոն այդ հարցում ևս բույանիտ արեց, հիմա լուռ հետ է քաշվել։ Բելառուսում այս տարի ընտրություններ են՝ և՛ խորհրդարանական, և՛ նախագահական, Ռուսաստանը կարող է քթից բերել։ Դրա համար է Բատկան լռում։ Այնպես որ պետք է սպասել, սրանք համալիր լուծման հարցեր են»,– ասել է թերթի զրուցակիցը:

Դեկտեմբերի 6–ին Լուկաշենկոն Բարձրագույն եվրասիական տնտեսական խորհրդի նիստից հետո լրագրողներին հայտնել էր, որ հաջողվել է պայմանավորվածություն ձեռք բերել ՀԱՊԿ գլխավոր քարտուղարի նշանակման մեխանիզմի վերաբերյալ։ Նա տեղեկացրել էր, որ կազմակերպությունը կգլխավորի Բելառուսի ներկայացուցիչ Ստանիսլավ Զասը։

ՀՀ վարչապետի պաշտոնակատարի մամուլի քարտուղարն այդ տեղեկությունը հերքել էր` պարզաբանելով, որ ՀԱՊԿ գլխավոր քարտուղարի հարցը չի որոշվել։

Հիշեցնենք, որ ՀԱՊԿ նախկին գլխավոր քարտուղար Յուրի Խաչատուրովը ՀՀ-ում հարուցված քրեական գործի շրջանակում պաշտոնանկ է արվել նոյեմբերի սկզբին: ՀԱՊԿ գլխավոր քարտուղարի պարտականությունները ստանձնել է Խաչատուրովի տեղակալ Վալերի Սեմերիկովը։

56
թեգերը:
Հավաքական անվտանգության պայմանագիր կազմակերպություն (ՀԱՊԿ), Հայաստան
Ըստ թեմայի
Ռուսաստանի փոխարտգործնախարարը խոսեց ՀԱՊԿ գլխավոր քարտուղարի մասին
Որոշումը պետք է ստորագրվի ՀԱՊԿ անդամ բոլոր երկրների կողմից. Զայնետդինով
ՀԱՊԿ գլխավոր քարտուղարը պետք է նշանակվի կոնսենսուսով. Երևանի հիշեցումը Լուկաշենկոյին
Տաջիկստանի նախագահը ստորագրեց ՀԱՊԿ գլխավոր քարտուղարի պաշտոնում Զասի նշանակման նախագիծը
Հայաստանը դարձել է «իզգոյ» ՀԱՊԿ–ում. Շարմազանով