Էլմար Մամեդյարովն ու Զոհրաբ Մնացականյանը

Անպայման կտեղեկացնեն. ՀՀ ԱԳՆ–ն` Մնացականյանի ու Մամեդյարովի հնարավոր հանդիպման մասին

25
Հայաստանի ու Ադրբեջանի արտգործնախարարների հանդիպումների մասին համակարգված տեղեկատվություն է տրամադրվում։

ԵՐԵՎԱՆ, 5 փետրվարի – Sputnik. ՀՀ ԱԳՆ մամուլի խոսնակ Աննա Նաղդդալյանը չհաստատեց ու չհերքեց Հայաստանի ու Ադրբեջանի արտգործնախարարների` Զոհրաբ Մնացականյանի ու Էլմար Մամեդյարովի հանդիպման հնարավորությունը Մյունխենում։

Փետրվարի 15–17 կկայանա Մյունխենի անվտանգության համաժողովը, որին կմասնակցի նաև ՀՀ արտգործնախարար Զոհրաբ Մնացականյանը։

«Ինչպես գիտեք, նախարար Մնացականյանը կմասնակցի Մյունխենի համաժողովին։ Մեր տվյալների համաձայն` համաժողովին կմասնակցի նաև Ադրբեջանի արտգործնախարարը», – ասաց Նաղդալյանը։

Նա ընդգծեց, որ երբ կողմերի միջև հանդիպման վերաբերյալ համաձայնություն է լինում, այդ մասին հայտարարվում է։ Եթե նման բան լինի, ԱԳՆ–ն անպայման կասի։

Ինչ վերաբերում է ղարաբաղյան կարգավորմանը, Նաղդալյանն ընդգծեց, որ Հայաստանն այդ հարցում հավատարիմ է մնում իր սկզբունքներին։ Նա ասաց, որ Հայաստանը Արցախի անվտանգության երաշխավորն է և ունի իր մասնակցությունը հակամարտության կարգավորման հարցում։ Արցախի անվտանգությունն ու կարգավիճակը Հայաստանի գերակա առաջնահերթություններն են։

Հիշեցնենք` Մնացականյանի ու Մամեդյարովի նախորդ հանդիպումը կայացել է հունվարին Փարիզում։ Նախապես չհայտարարված հանդիպումը կայացել է հունվարի 22–ին Դավոսում։

25
թեգերը:
Զոհրաբ Մնացականյան, Ադրբեջան, Հայաստան