Անգելա Մերկել

Անգելա Մերկելը հայերեն է գրել Փաշինյանի պատվին

740
Գերմանիայի կանցլերն իր Instagram-ում հայերեն է ողջունել Գերմանիա այցելած Նիկոլ Փաշինյանին։

ԵՐԵՎԱՆ, 2 փետրվարի — Sputnik. Գերմանիայի Դաշնային Հանրապետության կանցլեր Անգելա Մերկելը Instagram-ի իր էջում լատինատառ հայերեն գրել է «Բարի գալուստ»:

Գրառումն արվել է փետրվարի 1-ին` ՀՀ վարչապետի Նիկոլ Փաշինյանի հետ պաշտոնական հանդիպման օրը։ «Բարի գալուստ Բեռլին, վարչապետ Փաշինյան»,– գրել է նա:

Գրառման հաջորդ հատվածը գերմաներեն ու անգլերեն է։ «Հայաստանում լավատեսության ոգի կա: Երկու երկրներն էլ ցանկանում են ամրապնդել իրենց հարաբերություններն ու ավելի սերտորեն աշխատել բիզնեսի, գիտության, ժողովրդավարության ամրապնդման և շրջակա միջավայրի պահպանության ոլորտներում»,- ասված է Գերմանիայի կանցլերի գրառման մեջ։

Հունվարի 31-ից փետրվարի 1-ը ՀՀ վարչապետ Նիկոլ Փաշինյանը երկօրյա այցով գտնվում էր Գերմանիայում։ Փետրվարի 1-ին կայացել է Մերկելի և Փաշինյանի հանդիպումը:

Բանակցություններն ընթացել են ճաշի սեղանի շուրջ, որի ավարտին երկու երկրների ղեկավարները հանդես են եկել մամուլի ասուլիսով։

Հունվարի 31-ին Փաշինյանը հանդիպել է Բունդեսթագի նախագահ Վոլֆգանգ Շոյբլեի հետ, այցելել Կոնրադ Ադենաուեր հիմնադրամի գրասենյակ, հանդիպում ունեցել նաև գերմանահայ համայնքի հետ։

740
թեգերը:
Նիկոլ Փաշինյան, Անգելա Մերկել
Ըստ թեմայի
Անգելա Մերկելի կովկասյան ճանապարհորդությունը լուսանկարներով
Անգելա Մերկելը շփոթել է Հայաստանն ու Ադրբեջանը. տեսանյութ
Անգելա Մերկելին Բաքվից «ճանապարհել են» հայկական դրոշներով. տեսանյութ
Սելֆի և երեկոյան զբոսանք Երևանում. ի՞նչ տվեց Մերկելի այցը Հայաստանին
Անգելա Մերկելը շատ լավ հիշողություններ ունի Հայաստան կատարած իր վերջին այցից
Խենթ 2018-ը. Մակրոնի քոչարին, Տրյուդոյի գուլպաները, Մարկելի սելֆին ու Ֆրանկլին Գոնսալեսը
Անգելա Մերկելը շնորհավորել է Նիկոլ Փաշինյանին և ցանկություն հայտնել կրկին հանդիպելու
Հայաստանը չպետք է դիտարկվի որպես փախստականներ ներմուծող երկիր. Փաշինյանը` վիզաների մասին
Նիկոլ Փաշինյանի և Անգելա Մերկելի համատեղ մամուլի ասուլիսի տեսանյութը
Նիկոլ Փաշինյանը խիզախ քայլ է արել Արցախի կարգավորման հարցում. Մերկել