ԵՐԵՎԱՆ, 23 հունվարի — Sputnik. ՀՀ վարչապետ Նիկոլ Փաշինյանի որոշումներով ՀՀ կառավարության նախկին 3 անդամները նշանակվել են իրենց ղեկավարած գերատեսչություններում նախարարի առաջին տեղակալներ։
Ինչպես տեղեկացանք կառավարության պաշտոնական կայքից, Գարեգին Բաղրամյանը, վարչապետի որոշմամբ, նշանակվել է էներգետիկ ենթակառուցվածքների և բնական պաշարների նախարարի առաջին տեղակալ, Գեղամ Գևորգյանը՝ գյուղատնտեսության նախարարի առաջին տեղակալ, իսկ Գաբրիել Ղազարյանը` սպորտի և երիտասարդության հարցերի նախարարի առաջին տեղակալ:
Հիշեցնենք` կառավարության կառուցվածքում նախատեսվող փոփոխություններով, ներկայիս 17 նախարարությունների թիվը պետք է կրճատվի 12-ի։ Վերոհիշյալ նախարարությունները կրճատման համար նախատեսվող գերատեսչությունների թվում են։ Նիկոլ Փաշինյանը վերանշանակվելուց հետո այս նախարարություններում նախարարներ չի նշանակել։