Հայաստանի դեսպանի հավատարմագրերի հանձնումը Բելառուսի նախագահին

«Հայաստանը եղել և մնում է հուսալի գործընկեր». Բելառուսի նախագահ

52
(Թարմացված է 22:01 21.01.2019)
Բելառուսում ՀՀ դեսպանը իր հավատարմագրերն է հանձնել Ալեքսանդր Լուկաշենկոյին:

ԵՐԵՎԱՆ, 21 հունվարի — Sputnik. Այսօր՝ հունվարի 21-ին, Բելառուսի նախագահի նստավայրում՝ Անկախության պալատում, Բելառուսի Հանրապետությունում Հայաստանի Հանրապետության դեսպան Արմեն Ղևոնդյանն իր հավատարմագրերն է հանձնել Բելառուսի Հանրապետության նախագահ Ալեքսանդր Լուկաշենկոյին։

Այս մասին տեղեկանում ենք ՀՀ Արտաքին գործերի նախարարության մամուլի ծառայությունից:

Հանձնման արարողությանը հաջորդած խոսքում Բելառուսի նախագահը համառոտ ներկայացրել է երկրի ներքին և արտաքին քաղաքականության հիմնահարցերն ու հետագա զարգացման ուղղությունները։

Այնուհետև, Ալեքսանդր Լուկաշենկոն նշել է, որ Հայաստանը եղել և մնում է հուսալի գործընկեր, այդ թվում՝ ԵԱՏՄ և ՀԱՊԿ շրջանակներում, որպես հիմնական դաշինքների։ Անդրադարձ է կատարվել նաև Հայաստանի հետ առևտրատնտեսական հարաբերությունների ընդլայնման ուղղությամբ աշխատելու նպատակադրվածությանը և ցանկացած նախագծերում մասնակցելու պատրաստակամությանը, այդ թվում՝ ՀՀ տարածքում, որոնք կհետաքրքրեն հայ գործընկերներին։

52
թեգերը:
Հայաստան
Ըստ թեմայի
Վստահ եմ, որ Բելառուս-Հայաստան գործակցությունը կզարգանա. Լուկաշենկոն՝ Փաշինյանին
ՀԱՊԿ գլխավոր քարտուղարի պաշտոնակատարն ուղերձ է հղել Նիկոլ Փաշինյանին