Գևորգ Գորգիսյան

Իշխանությունը որոշել է ընդլայնել ԲՀԿ–ի հնարավորությունները. «լուսավոր» պատգամավոր

64
«Լուսավոր Հայաստան» խմբակցության պատգամավոր Գևորգ Գորգիսյանը քննադատել է «Իմ քայլը» դաշինքի դիրքորոշումը։

ԵՐԵՎԱՆ, 21 հունվարի — Sputnik. ԼՀԿ-ն շարունակում է դժգոհ մնալ ու համարում է, որ խայտառակություն էր այն, ինչ տեղի ունեցավ նախորդ շաբաթ։ Այսօր խորհրդարանում ճեպազրույցի ժամանակ այս մասին ասաց «Լուսավոր Հայաստան» խմբակցության քարտուղար Գևորգ Գորգիսյանը` մեկնաբանելով ԱԺ նախագահի երրորդ տեղակալի ընտրությունը։

«Լուսավորները» մինչև հիմա դժգոհ են ընդդիմադիր փոխխոսնակի ընտրությունից։ «Իմ քայլը» խմբակցության պատգամավորներն աջակցել էին ԲՀԿ թեկնածու Վահե Էնֆիաջյանին, իրենց որոշումն էլ հիմնավորել նրանով, որ Գագիկ Ծառուկյանի կուսակցությունն ընտրության արդյունքում երկրորդ տեղում է եղել։ Հետևաբար, պետք է հաշվի առնել ընտրողների կարծիքը։

«Իշխանությունը որոշել է ընդլայնել «Բարգավաճ Հայաստանի»` որպես ընդդիմության հնարավորությունները (եթե այն կարելի է դիտարկել որպես ընդդիմություն)։ Դրանից հետո մեր թեկնածուին` Մանե Թանդիլյանին, առաջադրեցին ֆինանսավարկային և բյուջետային հարցերի հանձնաժողովի նախագահի պաշտոնում։ Բայց մեկը մյուսին չի փոխարինում։ Մեր խմբակցությունն առանց այդ էլ պետք է մեկ հանձնաժողով գլխավորեր», – ասաց Գորգիսյանը։

Նշենք, որ ի նշան բողոքի «Լուսավոր Հայաստանը» դեմ քվեարկեց երեք փոխխոսնակներից մեկի` Ալեն Սիմոնյանի ընտրության ժամանակ։

ԱԺ նախագահ Արարատ Միրզոյանը երեք փոխխոսնակ ունի` Լենա Նազարյանը, Ալեն Սիմոնյանը («Իմ քայլը» դաշինք), Վահե Էնֆիաջյանը (ԲՀԿ)։

64
թեգերը:
Հայաստան
Ըստ թեմայի
Ինչո՞ւ «լուսավորները» զիջեցին «բարգավաճներին». փորձագետի կարծիքը
Սամվել Ալեքսանյանի հանված ցուցատախտակն ու շփոթված նոր պատգամավորները. խորհրդարանի նոր էջը
«Լուսավոր Հայաստանի» կռիվը ԲՀԿ-ի հետ չէ. ի՞նչ է պահանջում Մարուքյանն իշխանությունից