Արամ Սարգսյանը և Նիկոլ Փաշինյանը

«Հանրապետություն» կուսակցությունն աջակցելու է նորընտիր իշխանությանը

122
(Թարմացված է 17:33 19.01.2019)
«Հանրապետության» ներկայացուցիչ Արտակ Զեյնալյանը վերանշանակվել է արդարադատության նախարարի պաշտոնում:

ԵՐԵՎԱՆ, 19 հունվարի — Sputnik. «Հանրապետություն» կուսակցությունը աջակցելու է ՀՀ իշխանություններին: Այս մասին կուսակցությունը նշել է տարածած հայտարարության մեջ:

«2018-ի դեկտեմբերի 9-ին Հայաստանի Հանրապետությունում կայացել են ժողովրդավարական ընտրություններ, ժողովրդի կամքով ձևավորվել է օրենսդիր իշխանություն, ընտրություններում հաղթած քաղաքական ուժի ներկայացուցիչը նշանակվել է վարչապետ:

Արտաքին քաղաքականության մի շարք հարցերում հակադրվելով և ներկայացնելով իշխանությունից տարբերվող մեր հստակ տեսակետը՝ ներքին քաղաքական հարցերում ու հատկապես ժողովրդավարության զարգացման և բարեփոխումների խնդրում «Հանրապետություն» կուսակցությունն աջակցելու է ՀՀ նորընտիր իշխանությանը:

Վստահ ենք, որ իբրև արդարադատության նախարար՝ Արտակ Զեյնալյանը, իր մասնագիտական կարողություններով ու մարդկային կերպարով, կարող է և պարտավոր է իր նպաստը բերել արդարադատության համակարգի բարեփոխումներին»,-ասված է կուսակցության տարածած հայտարարության մեջ։

Հիշեցնենք՝ նախագահ Արմեն Սարգսյանի հրամանագրով «Հանրապետության» ներկայացուցիչ Արտակ Զեյնալյանը վերանշանակվել է արդարադատության նախարարի պաշտոնում:

122