ԵՐԵՎԱՆ, 19 հունվարի — Sputnik. ՀՀ վարչապետի առաջարկությամբ ու ՀՀ նախագահի հրամանագրով նշանակվել են կառավարության 12 անդամները։

© Sputnik / Asatur Yesayants

Փաշինյանը խոսել է ապագա կառավարության կառուցվածքի մասին

Արայիկ Հարությունյանը նշանակվել է կրթության և գիտության նախարար, Սուրեն Պապիկյանը` տարածքային կառավարման և զարգացման, Զոհրաբ Մնացականյանը` Արտաքին գործերի, Էրիկ Գրիգորյանը` բնապահպանության, Ֆելիքս Ցոլակյանը` արտակարգ իրավիճակների, Հակոբ Արշակյանը` տրանսպորտի, կապի և տեղեկատվական տեխնոլոգիաների, Տիգրան Խաչատրյանը` տնտեսական զարգացման և ներդրումների, Ատոմ Ջանջուղազյանը` ֆինանսների, Արսեն Թորոսյանը` առողջապահության, Արտակ Զեյնալյանը` արդարադատության, Զարուհի Բաթոյանը` աշխատանքի և սոցիալական հարցերի և Դավիթ Տոնոյանը` պաշտպանության նախարար։

Այսպիսով, նշված բոլոր պաշտոնյաները վերանշանակվել են իրենց նախկին պաշտոններում, նոր կառավարության անդամներից միայն Զարուհի Բաթոյանն է, որ մինչ այդ զբաղեցնում էր նույն նախարարության փոխնախարարի պաշտոնը։

Օրենքով գոյություն ունեցող 17 նախարարություններից 12-ը, փաստորեն, արդեն նորանշանակ ղեկավարներ ունեն, մյուս 5 նախարարությունները կառավարությունը մտադիր է օպտիմալացնել` կա՛մ կրճատել, կամ միավորել այն նախարարությունների հետ։

Բայց դրա համար անհրաժեշտ է փոփոխություններ կատարել «Կառավարության կառուցվածքի ու գործունեության մասին օրենքում»։

© Sputnik / Asatur Yesayants

Կառավարությունը դեռ չի որոշել` ինչ կրճատի. Արարատ Միրզոյանի հայտարարությունը

Նիկոլ Փաշինյանը դեռևս դեկտեմբերի 10-ին արտասահմանյան լրատվամիջոցների հետ հանդիպման ժամանակ հայտնել էր, որ նախարարությունների թիվը կառավարությունում պետք է կրճատվի` 17-ից դառնալով 12։

Բայց Սահմանադրության համաձայն, վարչապետը պարտավոր է նշանակվելուց հետո հնգօրյա ժամկետում հանրապետության նախագահին առաջարկել կառավարության անդամների թեկնածությունները։ Սահմանադրությունը կառավարության կազմավորման համար առավելագույնը 15- օրյա ժամկետ է նախատեսում:
Նիկոլ Փաշինյանը վարչապետի պաշտանում նշանակվել է հունվարի 14-ին, հետևաբար այդ ժամկետը լրանում է հունվարի 29-ին։

ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4700 մարդ, կատարվել է 736590 (+2951) թեստավորում, առողջացել են վարակվածներից 163738-ը (+227)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։