Անդրանիկ Քոչարյան

«Մարտի 1»–ի գործով մասնագետը կգլխավորի ԱԺ պաշտպանության հարցերի հանձնաժողովը

277
Ովքեր կղեկավարեն ԱԺ մշտական հանձնաժողովները: Նախագահների թեկնածուները հայտնի են:

ԵՐԵՎԱՆ, 15 հունվարի — Sputnik. ԱԺ-ը փակ գաղտնի քվեարկությամբ կընտրի խորհրդարանական 11 մշտական հանձնաժողովների նախագահներին: Դրանցից 8-ի նախագահների թեկնածուներին առաջադրել է «Իմ քայլը» խմբակցությունը: Նրանք են՝ Առողջապահության և սոցիալական հարցերի հանձնաժողով՝ Նարեկ Զեյնալյան, Արտաքին հարաբերությունների հանձնաժողով՝ Ռուբեն Ռուբինյան, Գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողով՝ Մխիթար Հայրապետյան, եվրոպական ինտեգրման հարցերի հանձնաժողով՝ Արման Եղոյան, պաշտպանության և անվտանգության հարցերի հանձնաժողով՝ Անդրանիկ Քոչարյան։

Նշենք, որ Անդրանիկ Քոչարյանը ներկայացրել է Հայ ազգային կոնգրեսը (Լևոն Տեր–Պետրոսյանի կուսակցությունը) 2008 թվականի մարտի 1-2-ի իրադարձություններն ուսումնասիրող փաստահավաք խմբում։ Իսկ 90–ականների վերջին Քոչարյանը զբաղեցրել է պաշտպանության փոխնախարարի պաշտոնը։

պետական-իրավական հարցերի հանձնաժողով՝ Վլադիմիր Վարդանյան, Տարածքային կառավարման, տեղական ինքնակառավարման, գյուղատնտեսության և բնապահպանության հարցերի հանձնաժողով՝ Վարազդատ Կարապետյան, Տնտեսական հարցերի հանձնաժողով՝ Բաբկեն Թունյան: Տարածաշրջանային և Եվրասիական ինտեգրման հարցերի ու մարդու իրավունքների պաշտպանության և հանրային հարցերի մշտական հանձնաժողովների նախագահների թեկնածուներին առաջադրել է «Բարգավաճ Հայաստանը»: Նրանք են՝ համապատասխանաբար՝ Միքայել Մելքումյանն ու Նաիրա Զոհրաբյանը: Ֆինանսավարկային և բյուջետային հարցերի հանձնաժողովի նախագահի պաշտոնում «Լուսավոր Հայաստանն» առաջադրել է Մանե Թանդիլյանին: Հանձնաժողովների նախագահների ընտրությունը կիրականացվի փակ գաղտնի ընթացակարգով: Մինչ այդ, սակայն, պատգամավորները հարցերով դիմում են թեկնածուներին: Նրանք ներկայացնում են իրենց տեսակետը ղեկավարելիք բնագավառի վերաբերյալ:

Հիշեցնենք` այսօր խորհրդարանի նիստի ժամանակ ԱԺ նախագահ Արարատ Միրզոյանը հայտարարել էր, որ հանձնաժողովների նախագահների պաշտոնները բաշխվել են խորհրդարանական երեք ուժերի քննարկումների արդյունքում ձեռք բերված կոնսենսուսով: Այսպիսով, ԱԺ մշտական հանձնաժողովներից 8-ը ղեկավարելու են «Իմ քայլը» խմբակցության, 2-ը՝ «Բարգավաճ Հայաստանի», 1-ը՝ «Լուսավոր Հայաստանի» ներկայացուցիչները:

277
թեգերը:
Բարգավաճ Հայաստան կուսակցություն (ԲՀԿ), «Լուսավոր Հայաստան» կուսակցություն, «Իմ քայլը» դաշինք, ՀՀ Ազգային ժողով, Հայաստան
թեմա:
7–րդ գումարման Ազգային ժողով (79)
Ըստ թեմայի
Ազգային ժողովն ընտրեց փոխնախագահներին
Վահե Էնֆիաջյանը զրկվեց օծանելիքից ու դրամապանակից
«Բարգավաճ Հայաստանը» քննարկումներ է ունեցել «Եդինայա Ռոսիա» կուսակցության հետ
Հրայր Թովմասյան. արխիվային լուսանկար

Հանրաքվեն կչեղարկվի. Հրայր Թովմասյանը և ՍԴ դատավորները կշարունակեն պաշտոնավարել

269
(Թարմացված է 12:13 03.06.2020)
Ազգային ժողովի պատգամավորները քիչ առաջ քվեարկեցին ՍԴ–ում փոփոխություններին առնչվող հանրաքվեն չեղարկելու մասին օրինագծի համար։

ԵՐԵՎԱՆ, 3 հունիսի – Sputnik. Ազգային ժողովն այսօր երկրորդ և վերջնական ընթերցմամբ ընդունեց «Հանրաքվեի մասին» սահմանադրական օրենքում փոփոխություններ և լրացումներ կատարելու մասին» օրենսդրական փաթեթը:

Նախագծին կողմ քվեարկեց 82, դեմ ՝ 17 պատգամավոր։

Փոփոխությունները հնարավորություն են տալիս չեղյալ հայտարարել սահմանադրական փոփոխությունների վերաբերյալ հանրաքվեն և նախագահ Հրայր Թովմասյանի և 6 անդամների լիազորությունների դադարեցման հարցի լուծման իրավունքը տալ խորհրդարանին:

«Լուսավոր Հայաստանը», ինչպես ավելի վաղ հայտարարել էր, չմասնակցեց քվեարկությանը, «Բարգավաճ Հայաստանը» դեմ քվեարկեց։

Հարությունյան. «ԱԺ–ի կողմից հանրաքվեի չեղարկումը հակասահմանադրական է»

Հիշեցնենք՝ սահմանադրության փոփոխությունների հանրաքվեով առաջարկվում էր դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ կորոնավիրուսի հետ կապված արտակարգ դրության հայտարարման պատճառով:

ՍԴ ճգնաժամի հանգուցալուծումը կարող է լինել առանց հանրաքվեի․ Ռուբեն Ռուբինյան

269
թեգերը:
Սահմանադրական դատարան, Սահմանադրական փոփոխությունների նախագիծ, հանրաքվե, ԱԺ, Հրայր Թովմասյան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը
Ըստ թեմայի
Հրայր Թովմասյանն իր աշխատավարձն ու պարգևավճարները կտրամադրի բուժաշխատողներին
Հրայր Թովմասյանի գործով ցուցմունք է տվել Տիգրան Մուկուչյանը. «Ժողովուրդ»
Թովմասյանն ընդդեմ Փաշինյանի. վարչապետի պաշտպանը դատարանում ասաց` օրենքը կոպտորեն խախտվել է
Արթուր Վանեցյան

Ինչու է Արթուր Վանեցյանը որոշել մտնել քաղաքականություն. նա ներկայացրել է իր դիրքորոշումը

342
(Թարմացված է 20:53 30.05.2020)
Արթուր Վանեցյանը խոստովանել է` երբեք չի մտածել, որ մի օր կդառնա որևէ կուսակցության անդամ, առավել ևս՝ կգլխավորի որևէ կուսակցություն։ Նա խոսել է իր պատկերացրած իշխանության, Արցախյան հիմնախնդրի, տնտեսության գահավիժման, այլ երկրների հետ հարաբերությունների մասին։

ԵՐԵՎԱՆ, 30 մայիսի – Sputnik. Ազգային անվտանգության ծառայության նախկին ղեկավար Արթուր Վանեցյանն այսօր «Հայրենիք» կուսակցության համագումարում խոսել է Հայաստանի քաղաքականության, տնտեսության, իշխանության սխալների ու իր պատկերացրած հայրենիքի մասին։

Ո՞վ ենք մենք և ո՞ւր ենք գնում

Վանեցյանն ասել է, որ տեսնում է պետության համար լուրջ ռիսկեր, բարդ խնդիրներ, վտանգավոր սխալներ, որոնք ամեն օր են արվում։

«Ցավոք, իրականանում են իմ վատագույն կանխատեսումները։ Հիմա էլ պնդում եմ, որ անհրաժեշտ է իրականացնել մեծ աշխատանք՝ ավելի վատ զարգացումներից խուսափելու համար։ Հենց դա՛ ինձ ստիպեց զբաղվել քաղաքականությամբ։ Իրական քաղաքականությամբ»,–ասել է Վանեցյանը։

Նա բացատրել է, որ իր պատկերացրած իրական քաղաքականությունը պատասխանատվությունն է՝ ընդդեմ ինֆանտիլիզմի, ազնվությունն է ընդդեմ ստի և մանիպուլյացիայի,կարգապահությունն է ընդդեմ ամենաթողության, միասնականությունն ընդդեմ պառակտման, համակարգն ընդդեմ քաոսի, կայունությունն ընդդեմ անորոշության պրոֆեսիոնալիզմն ընդդեմ դիլետանտիզմի, պրագմատիզմն ընդդեմ պոպուլիզմի։

«Մեզ պետք են իշխանություններ, որոնք զերծ կմնան կեղծ և ֆեյքային օրակարգերից, գործելաոճից և գործիքակազմից։ Մեզ պետք է իշխանություն, որը «ինտերնետային լայվի» ռեժիմից կտեղափոխվի իրական կյանքի մարտահրավերների հաղթահարման ռեժիմ:

Մեր ժողովրդին անհրաժեշտ է այնպիսի իշխանություն, որը ոչ թե կբաժանի, այլ կհամախմբի հասարակությանը՝ երկրի զարգացման ծրագրերը կյանքի կոչելու համար։ Իշխանություն, որը լուծում կտա ճգնաժամերին, այլ ոչ թե հենց ինքը կստեղծի խառնաշփոթ ու ճգնաժամեր։ Մեր Հայրենիքին անհրաժեշտ են ոչ թե կեղծ փրկիչներ, այլ՝ իրական առաջնորդներ»,–ասել է Վանեցյանը:

Արցախի մասին

Վանեցյանի խոսքով`անվտանգության ապահովման խնդիրը մեր երկրի համար մշտական առաջնահերթություն է լինելու, որովհետև խաղաղությունը աշխատանք է, պատերազմին պատրաստ լինելն ու պատերազմին դիմակայելը` աշխատանք։ Հայրենիքի անվտանգության մակարդակի բարձրացումը պահանջում է ամենօրյա, ամենժամյա գրագետ աշխատանք՝ բազմաթիվ ուղղություններով։

«Արցախի ժողովրդի ինքնորոշման իրավունքը անքակտելի է և չի կարող կախվածության մեջ դրվել որևէ երրորդ կողմի համաձայնությունից կամ բարի կամքից: Դա իրավունք է և պետք է իրացվի ողջ ծավալով:Հայաստան-Արցախ փոխհարաբերությունները պետք է հիմնված լինեն ազգային տեսլականի, փոխադարձ վստահության և համագործակցության վրա: Հայաստանի կողմից միանշանակ պետք է հարգվի Արցախի սուբյեկտայնությունը: Հայաստանը պետք է ներդնի իր ջանքերը՝ Արցախի անկախության միջազգային ճանաչման համար: Հայաստանը եղել է և լինելու է Արցախի անվտանգության երաշխավորը»,–ասել է Վանեցյանը։

Արցախի հարցի լուծման միակ ճանապարհն, ըստ նրա, խաղաղ բանակցություններն են, բացառապես ԵԱՀԿ Մինսկի խմբի շրջանակներում։

Վանեցյանը վստահ է, որ ո՛չ Արցախը, ո՛չ Հայաստանը Ադրբեջանի ճնշման առաջ չեն ընկրկելու, և այդ սպառնալիքը որևէ կերպ չի նպաստելու հարցի համապարփակ և ամբողջական լուծմանը: Հայաստանի և Արցախի հետ սպառնալիքի լեզվով խոսել հնարավոր չէ:

«Արցախի ժողովուրդը վաղուց ինքնորոշվել է։ Պատերազմով չկա լուծում։ Պատերազմով հնարավոր չէ հասնել խաղաղության և տարածաշրջանային կայունության։ Մենք մեր բանակի մարտունակությամբ, տնտեսության հզորացմամբ և ներքին համերաշխությամբ՝ այս գաղափարը պետք է հասանելի դարձնենք միջազգային հանրությանը և Ադրբեջանին։ Արցախյան հիմնահարցի կարգավորումը պետք է հիմնված լինի ոչ թե փուլային, այլ՝ փաթեթային տարբերակի վրա»,–շեշտել է նա:

Հարևանների մասին

ԱԱԾ նախկին պետն ավելի քան վստահ է, որ Իրանի և Վրաստանի հետ Հայաստանի Հանրապետության հարաբերությունները պետք է լինեն փայլուն։

«Մենք ունակ ենք տնտեսական և քաղաքական հարաբերություններում կամուրջ հանդիսանալ մեր հարևանների և մեր գործընկեր երրորդ երկրների միջև։ Մինչդեռ վերջին զարգացումները վկայում են, որ մեր ավանդական դաշնակից պետությունների հետ հարաբերությունները սկսել են վատթարանալ, ինչն անթույլատրելի է»,–ասել է Վանեցյանը։

Նրա խոսքով`մենք այնքան ենք կենտրոնացել մեր ներսում կատարվող իրադարձությունների վրա, որ կարծես թե մոռացել ենք, որ հետևողական աշխատանք է պահանջվում միջազգային գործընկերների հետ։ Աշխատանք՝ բոլոր մակարդակներում։ Անհրաժեշտ է իրականացնել ամենօրյա աշխատանք մեր միջազգային գործընկերների հետ բազմակողմ ձևաչափերով՝ ՀԱՊԿ-ում, ԵԱՏՄ-ում, ԵԽԽՎ-ում, ԵՄ-ում և այլ կառույցներում։

Ինչպես պետք է Հայաստանը զարգացնի հարաբերությունները

Վանեցյանը կարծում է, որ մենք պետք է լիարժեք օգտագործենք հնարավորությունները, որ մեզ տալիս են ԵԱՏՄ-ն ու ՀԱՊԿ-ը։

«Մենք պետք է զարգացնենք Ռուսաստանի Դաշնության հետ ռազմավարական գործընկերությունը՝ առավել խորքային և փոխշահավետ արդյունք ստանալու նպատակով։ Մենք ունենք զգալի հնարավորություններ Իրանի հետ մեր հարաբերությունները խորացնելու համար։ Անկախ միջազգային հարաբերությունների կոնյուկտուրայից՝ Իրանը մեր վաղեմի բարեկամ պետությունն է, մեր անմիջական հարևանը և Հայաստանի համար շատ կարևոր գործընկեր»,– նշել է նա։

Միաժամանակ, մեր մյուս կարևորագույն գործընկերների՝ Ամերիկայի Միացյալ Նահանգների, եվրոպական և այլ երկրների, հատկապես՝ Չինաստանի, Հնդկաստանի հետ մեր հարաբերությունները պետք է ունենան ծրագրային և համակարգված բնույթ և հրատապ բարձրացվեն նոր մակարդակի։

Տնտեսությունը գահավիժում է

Վանեցյանը նշել է, որ վերջին ամիսներին մեր տնտեսության վիճակը, տնտեսության կառավարիչների անկարողությունը մտան յուրաքանչյուրիս տուն։

«Փաստորեն՝ բոլորի համար ակնառու լուրջ մարտահրավերի դեպքում հերթական անգամ վերահաստատվեց այն, ինչ ասել էի ժամանակին` որոշումների տարերայնություն, գործողությունների հախուռնություն, առաջնայինը երկրորդայինից չտարբերելը։ Ցավոք, այսօր տնտեսությունը գահավիժում է։ Բնակչության սոցիալական վիճակը շարունակաբար վատանում է։ Մարդու համար օրվա ապրուստի միջոց գտնելը դարձել է ամենաբարդ խնդիրը։ Այսօր Հայաստանում մարդիկ լավ չեն ապրում, իսկ ինձ համար հստակ է՝ Հայաստանում մարդը պետք է լավ ապրի։ Սա համարեք իմ գլխավոր նպատակը, որը սահմանել եմ ինձ համար, եթե կուզեք՝ իմ երազանքը։ Վստահեցնում եմ, ջանք չեմ խնայելու և հասնելու ենք այդ երազանքին»,– ասել է նա։

Վանեցյանը խոստացել է առաջիկայում ձևակերպված մոտեցումներ հանրության ներկայացնել Հայաստանի զարգացման բոլոր ուղղությունների վերաբերյալ։

«Իհարկե, կարող ենք շատ երկար խոսել նոր կորոնավիրուսի պայմաններում առաջացած մարտահրավերներից և դրանց հետևանքներից, բայց բոլորս էլ հասկանում ենք, որ այդ խնդիրները հաղթահարելու համար պետք է լինել իշխանություն՝ կոմպետենտ և ժողովրդի հանդեպ ազնիվ իշխանություն։ Իսկ իրավիճակը իսկապես մտահոգիչ է և պահանջում է գրագետ ու օպերատիվ կառավարում։Ամփոփելով ելույթս՝ նշեմ. որևէ քաղաքական ուժ իրավունք չունի հավակնել նրան, թե ինքն է միակ ճշմարիտը, իսկ դրա առաջնորդը՝ ազգի փրկիչ կամ մարգարե։ Այսօր Հայաստանի Հանրապետությունում կառավարող քաղաքական միավորը չունի և չի էլ ուզում ունենալ բավարար կադրային և մասնագիտական ներուժ պետության առջև ծառացած մարտահրավերները արդյունավետ հաղթահարելու համար»,– ասել է նա։

Վանեցյանի խոսքով` իրենք հետամուտ են լինելու համազգային համախմբմանը և հակաճգնաժամային համաձայնության կառավարության ձևավորմանը։

Նա իր ելույթն ավարտել է հետևյալ խոսքերով` Հայաստանը պետք է զարգանա և հզորանա, մենք կարող ենք, ու հենց մենք էլ դա անելու ենք։

342
թեգերը:
Արթուր Վանեցյան, Արցախ, Հայաստան
Ըստ թեմայի
Կադրային փոփոխություններ ԱԱԾ-ում․ ինչ է ուզում Փաշինյանը, և ինչ կապ ունի դրա հետ Վանեցյանը
«Անհրաժեշտ է նոր՝ հակաճգնաժամային կառավարություն». Արթուր Վանեցյանի առաջարկը
Ինչու Փաշինյանն ու Հարությունյանը չքննարկեցին Արցախի խնդիրը, կամ նոր հարաբերություններ
Երևանի մետրոպոլիտեն. արխիվային լուսանկար

4 ամսվա ընթացքում ընդամենը 12 հազար քաղաքացի է կորցրել աշխատանքը. ՊԵԿ փոխնախագահ

0
(Թարմացված է 13:40 03.06.2020)
Պետական եկամուտների կոմիտեի նախագահի տեղակալ Արթուր Մանուկյանի խոսքով` կորոնավիրուսի տնտեսական հետևանքների չեզոքացման 5-րդ միջոցառման շահառու են եղել 14.964 ձեռնարկություն, որոնց ընդհանուր առմամբ վճարվել է 2,2 միլիարդ դրամ։

ԵՐԵՎԱՆ, 3 հունիսի — Sputnik. ՊԵԿ փոխնախագահ Արթուր Մանուկյանն այսօր հրավիրված ասուլիսի ժամանակ հայտարարեց, որ 4 ամսվա ընթացքում Հայաստանում 12.000 քաղաքացի կորցրել է աշխատանքը։

«Աշխատողներին աշխատանքից ազատելու առումով այդքան էլ վատ պատկեր չունենք։ 4 ամսվա տվյալներով` ընդամենը 12.000 աշխատող է կորցրել իր աշխատանքը։ Շատ ավելի մեծ տոկոս է կազմում այն աշխատողների թիվը, որոնք կան, բայց փաստացի աշխատավարձ չեն ստացել»,–ասաց նա։

Մանուկյանը նշեց` կորոնավիրուսի տնտեսական հետևանքների չեզոքացման 5-րդ, 10-րդ և 18-րդ սոցիալական փաթեթները նախատեսված են ձեռնարկությունների համար, որպեսզի նրանք կարողանան իրենց աշխատողներին վճարել:

«Կառավարության 5-րդ ծրագրի շահառուներն են եղել 14.964 ձեռնարկություն, որոնց ընդհանուր առմամբ վճարվել է 2,2 միլիարդ դրամ: Ըստ մեր գնահատականների, ձեռնարկությունները, որոնք դարձան այս ծրագրի շահառուները, կարող էին վճարել յուրաքանչյուր հինգերորդ աշխատողի ամբողջ աշխատավարձը»,-ասաց ՊԵԿ փոխախագահը:

Նա հիշեցրեց` որպեսզի ձեռնարկությունները դառնային այդ 3 ծրագրերի շահառուներ, կարանտինի ժամանակ չպետք է աշխատանքից հեռացնեին աշխատողներին:

Հիշեցնենք, որ մարտի 16-ից Հայաստանում գործում է արտակարգ դրություն, որը երկարաձգվել է մինչև հունիսի 13-ը:

Մայիսի 18-ից հանրապետությունում գործում է հասարակական տրանսպորտը։ Բացվել են նաև առևտրի կենտրոնները, ամբողջովին հանվել է հանրային սննդի օբյեկտների շահագործման արգելքը, որոնք մինչ այդ կատարում էին միայն առաքման ծառայություն։

0