Սեյրան Օհանյան

Մեղադրանքը չեմ ընդունում. Սեյրան Օհանյանը մատնացույց է արել Սահմանադրությունը խախտողներին

272
(Թարմացված է 12:04 15.01.2019)
Նախկին նախարարը հիշեցրել է, որ արդարադատությունը չեն իրականացնում պատվերով կամ փողոցի ազդեցության ներքո։

ԵՐԵՎԱՆ, 15 հունվարի — Sputnik. ՀՀ նախկին պաշտպանության նախարար Սեյրան Օհանյանը «Ով է խախտում սահմանադրությունը» վերնագրով ֆեյսբուքյան իր գրառման մեջ անդրադարձել է «Մարտի 1–ի» գործով իր հանդեպ մեղադրանք առաջադրելու, արդարադատության նորովի դրսևորումներին և դրանից բխող վտանգներին։

Նախկին նախարարը Մարտի 1-ի գործով քննության շրջանակներում իրավագիտորեն ոչինչ չասող մեղադրանքները, ուղղորդվող դատական գործընթացները, մարդու իրավունքների և հիմնարար ազատությունների կոպիտ խախտումները համարում է ոտնձգություն երկրի մայր օրենքի նկատմամբ:

«Իմ նկատմամբ դրա վառ ապացույցն են` «Մարտի 1-ի» գործով ԱԱԾ և ՀՔԾ պետերի հայտնի հեռախոսազրույցի ձայնագրությունը, որով ապացուցվում են ԱԱԾ պետի կոնկրետ հանձնարարականը, երկու պետերի փոխադարձ պայմանավորվածությունները, 2018 թ․դեկտեմբերի 20-ին իմ՝ որպես ՀՀ քաղաքացու նկատմամբ ազատ տեղաշարժվելու իրավունքի՝ առանց հիմքերի և բացատրության ապօրինի սահմանափակումը (ՀՀ Սահմանադրության գլուխ 2 հդվ. 40),

դրանով իսկ նաև մասնավոր կյանքի, պատվի ու բարի համբավի անձեռնմխելիության իրավունքի ոտնահարումը (ՀՀ Սահմանադրության գլուխ 2 հդվ․ 31), 2018 թ․դեկտեմբերի 26-ին Մարտի 1-ի գործով անհեթեթ մեղադրանքի առաջադրումը»,–նշում է Սեյրան Օհանյանը և հարց բարձրացնում, արդյո՞ք Սահմանադրությունը ոտնահարողներն իրավունք ունեն արդարադատություն իրականացնելու Հայաստանի և Արցախի պաշտպանության և կայացման գործում զգալի ավանդ ունեցող գեներալ-գնդապետների, նախագահի և այլոց նկատմամբ։

«Այս ամենը ես որակում եմ Մարտի 1-ի ցավալի դեպքերի բացահայտումը դեպի փակուղի տանող բացահայտ ինքնանպատակ ճանապարհ, իսկ գործի շրջանակներում առաջադրվող մեղադրանքների տրամաբանությունը հուշում է, որ բացառված չեն նոր «ստեղծագործական մոտեցումները»։

Տպավորություն ունեմ, որ կան ընդհատակյա գործիչներ, որոնք, տիրապետելով տարբեր մանիպուլյատիվ հնարքների, խաղալով ժողովրդի զգացմունքների հետ, Մարտի 1-ի ողբերգությունը և զոհերի հիշատակը օգտագործում են իրենց իսկ դավադիր և հեռահար, անհայտ նպատակների համար»,–գրել է Սեյրան Օհանյանը։

Սեյրան Օհանյանը հիշեցնում է իր անցած մարտական ուղին և անհասկանալի ու տագնապալի համարում դեպի անհայտություն տանող այս իրավիճակը։ Նա զգուշացնում է, որ այս կարգի ապօրինությունները ոտնձգություն են մեր ժողովրդի նորագույն պատմության արժանիքների և ձեռքբերումների նկատմամբ և խարխլում են պետականության հիմքերը, կասկածի տակ դնում երկրի ամրապնդման ու զարգացման ուղղությամբ տարվող ջանքերը։

«Ինչպես մեղադրանքի առաջադրման ժամանակ, այնպես էլ հիմա պնդում եմ, որ այն անհիմն է, և չեմ ընդունում։

Չէի ցանկանա՝ մեր դատաիրավական համակարգը դառնա ուղղորդվող և հակասահմանադրական գործունեությամբ զբաղվի»,–գրել է Օհանյանը։

Նախկին նախարարը հիշեցրել է, որ արդարադատությունը չեն իրականացնում պատվերով կամ փողոցի ազդեցության ներքո։ Արդարադատությունն իրականացնում են դատաիրավական համակարգի լավագույն մասնագետների անկախ և անաչառ գործունեությամբ։

Հիշեցնենք, որ հունվարի 14–ին ՀՀ պաշտպանության նախկին նախարար Սեյրան Օհանյանին Մարտի 1-ի գործի շրջանակներում մեղադրանք է առաջադրվել:

272
թեգերը:
«Մարտի 1–ի» գործով դատավարություն
թեմա:
«Մարտի 1»-ի գործը (282)
Սերժ Սարգսյան

ՀՀԿ–ն հայտարարություն է տարածել և պահանջում է անհապաղ ազատ արձակել բոլոր ձերբակալվածներին

1
(Թարմացված է 21:01 22.04.2021)
ՀՀԿ գործադիր մարմինը համերաշխություն ու աջակցություն է հայտնում Սյունյաց աշխարհի հայրենակիցներին։

ԵՐԵՎԱՆ, 22 ապրիլի – Sputnik. Հայաստանի հանրապետական կուսակցությանը մտահոգել են ՀՀ վարչապետ Նիկոլ Փաշինյանի սյունիքյան այցն ու դրան հաջորդած դեպքերը։

«Խստորեն դատապարտում ենք երկրում շարունակական տեռորի, քաղաքական հետապնդումների, հիմնարար իրավունքների և ազատությունների աղաղակող ոտնահարումների ցանկացած դրսևորում և պահանջում ենք անհապաղ ազատ արձակել բոլոր ձերբակալվածներին»,– նշված է հայտարարության մեջ։

ՀՀԿ–ն շեշտում է` Սյունիքը եղել և մնում է Հայաստանի Հանրապետության ինքնիշխանության և պետականության կենսական հանգույցը, արժանապատիվ գոյության բացառիկ գրավականներից մեկը։

«Տարածաշրջանային որևէ նախագիծ չի կարող իրականացվել Հայաստանի, Արցախի և հայ ժողովրդի կենսական շահերի հաշվին և դրանց անտեսմամբ։

Վերջին զարգացումները ևս մեկ անգամ ապացուցում են, որ կապիտուլյանտ իշխանությունների շարունակվող պաշտոնավարումը անմիջական սպառնալիք է մեր ազգային շահերին։ Մեր համերաշխությունն ու աջակցությունն ենք հայտնում Սյունյաց աշխարհի մեր հայրենակիցներին»,– եզրափակել է ՀՀԿ–ն։

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Խուլիգանության հոդվածով այսօր բերման են ենթարկել Սյունիքի 16 բնակչի։

«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները

Ցուցարարներն այս պահին բողոքի ակցիա են անում ի պաշտպանություն ձերբակալված սյունեցիների։

1
թեգերը:
Հայաստանի Հանրապետական կուսակցություն (ՀՀԿ), Հայաստան
Ըստ թեմայի
Դուք իրավասու չեք կոնկրետ գործերով գնահատական տալ. ՄԻՊ–ի կոշտ արձագանքը Սյունիքի դեպքերին
Ինչո՞ւ է Փաշինյանն ամեն գնով այցելում Սյունիք, կամ ե՞րբ սյունեցին կտոնի իր հաղթանակը
«Սյունեցիներն ունեն այդ իրավունքը». բողոքի ակցիա` ի պաշտպանություն ձերբակալվածների
Արծվիկ Մինասյան

Բողոքի ակցիայի մասնակիցները Դավթյանին 20 րոպե ժամանակ տվեցին. պահանջում են` ցած իջնի

50
(Թարմացված է 20:11 22.04.2021)
ՀՅԴ-ական Արծվիկ Մինասյանը հայտնեց, որ գլխավոր դատախազ Արթուր Դավթյանին ուղղված երեք պահանջ ունեն։

ԵՐԵՎԱՆ, 22 ապրիլի - Sputnik. Ի պաշտպանություն ձերբակալված սյունեցիների բողոքի ակցիա անողները քայլերթով շարժվեցին դեպի դատախազություն` բողոքի ակցիան այնտեղ շարունակելու։

ՀՅԴ–ական Արծվիկ Մինասյանն ասաց` վարչապետ Նիկոլ Փաշինյանի ցուցումով մարդկանց բերման ենթարկելու փաստին հակառակվելու փոխարեն քննչական կոմիտեն սկսեց կյանքի կոչել այն։ Մինասյանի խոսքով` իրենք պահանջում են ազատ արձակել ձերբակալված սյունեցիներին, ինչպես նաև քրեական գործ հարուցել պաշտոնական լիազորություններն անցնելու և խոշտանգման համար։

«Եվ այս ամենից հետո որոշ պատգամավորներ` Արփի Դավոյանը, Հրաչյա Հակոբյանը, Ալեն Սիմոնյանը և Արմեն Խաչատրյանն արդարացնում են ձերբակալություններն ու բռնությունը։ Դատախազությունը պարտավոր է քրեական գործ հարուցել նաև այս անձանց նկատմամբ։ Մենք պահանջում ենք, որ գլխավոր դատախազը 20 րոպեի ընթացքում իջնի և հանդիպի մեզ հետ»,–ասաց Մինասյանը։

Նշենք, որ իմքայլական Հրաչյա Հակոբյանը լրագրողների հետ զրույցում, անդրադառնալով Սյունիքի երեկվա դեպքերին, ասել էր, թե «պետք է այ տենց ստորանալով բերման ենթարկվեն»։

Իսկ Արփի Դավոյանը վստահեցրել էր` Սյունիքում ոչ ոք անպատիժ չի մնա, իսկ ինչ վերաբերվում է Ալեն Սիմոնյանին, ապա նա էլ Շուռնուխում ուղեկցել է Փաշինյանին ու այցելել շուռնուխցիների տներ։

Իսկ ահա Արմեն Խաչատրյանը կրկին լրագրողների հետ զրույցում, անդրադառնալով Սյունիքի դեպքերին, ասել էր, թե սյունեցին չի կարող խուլիգան լինել, և չի մերժում վարչապետին։

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Խուլիգանության հոդվածով այսօր բերման են ենթարկել Սյունիքի 16 բնակչի։

«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները

50
թեգերը:
Արծվիկ Մինասյան, Բողոքի ակցիա, Երևան, Հայաստան
Ըստ թեմայի
Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ
Տեղեկություն կա, որ Սյունիքի նախկին մարզպետին և նրա կնոջը ձերբակալելու են. հայտարարություն
Սյունիքի սահմանին փոխհրաձգություն է եղել. Կապանի համայնքապետ
Սյունեցու վախն անհիմն չէ, կամ ադրբեջանցիները Մեղրիով կարող են տեղաշարժվել 2 նախապայմանով