ԵՄ

Հայաստան- ԵՄ համաձայնագիրը դարձյալ հետաձգվում է

107
Եվրամիության հետ համաձայնագրի վավերացումն այս տարի իրատեսական չէ: Համոզված է ԱԺ նախագահը:

ԵՐԵՎԱՆ, 14 հունվարի — Sputnik. Հայաստան- ԵՄ համաձայնագրի վավերացումը 2019թ.-ին ԵՄ անդամ բոլոր երկրների կողմից իրատեսական չէ: Այսօր, լրագրողների հետ զրույցում ասաց ԱԺ նորընտիր նախագահ Արարատ Միրզոյանը: Բայց և հավելեց, որ կա որոշակի պատուհան և, լավ աշխատելու, ջանքեր գործադրելու դեպքում, հնարավոր է այս տարի հստակ արդյունք լինի։

«Պայմանավորված է վավերացնող երկրների քանակով։ Բացի այդ, խորհրդարանը նոր է մտնում լիազորությունների մեջ, իսկապես մարդիկ նոր են»,- ասաց նա՝ անդրադառնալով ձգձգման պատճառներին,- «Եթե 6-րդ գումարման խորհրդարանը շարունակեր աշխատանքը, ապա մի քիչ ավելի սահուն կընթանար այդ գործընթացը»:

Ինչ վերաբերում է ԵՄ-Ադրբեջան համաձայնագրի կնքմանը խոչընդոտելու հարցում ՀՀ նորընտիր խորհրդարանի դերին, ԱԺ նախագահը համոզված է, որ նոր խորհրդարանն իր ձեռքի տակ ունի այն բոլոր գործիքները, որոնք ուներ նախորդ խորհրդարանը, հետևաբար, պետք է ջանքեր գործադրի:

«Բայց պետք է հաշվի առնենք, որ օրինակ, այսօր առաջին օրն է, և պատվիրակություններ դեռ ձևավորված չեն, որոշ ձևաչափերի դեպքում այցեր և հանդիպումներ միջազգային գործընկերների հետ սպասվում են, ենթադրենք, 2 ամսից։ Մարդկանց ժամանակ է պետք այդ կապերը հաստատելու և աշխատանքն անելու համար»,- ասաց նա:

107
թեգերը:
Եվրամիություն, Հայաստան
Ըստ թեմայի
Փաշինյանը ՀՀ տնտեսության համար ճիշտ մա՞րդ է. հարցին պատասխանել է Ռուբեն Վարդանյանը
ՀՀ անվտանգությանն օժանդակող ռուսական նոր նախագիծը գործարկվել է
Anonymous-ը՝ ՀՀ-ում բրիտանացիների աշխատանքի մասին. հաքերները նոր փաստաթղթեր են հրապարակել