ԱԺ

Խորհրդարանը նոր նախագահ է ընտրում

187
Արարատ Միրզոյանն առաջադրվեց ԱԺ նախագահ։

ԵՐԵՎԱՆ, 14 հունվարի — Sputnik. «Իմ քայլը» խմբակցությունն ԱԺ նախագահի պաշտոնում առաջադրեց ՀՀ առաջին փոխվարչապետի պաշտոնակատար Արարատ Միրզոյանի թեկնածությունը: Թեկնածությունն առաջադրելով՝ խմբակցության ղեկավար Լիլիթ Մակունցը ներկայացրեց նաև նրա կենսագրության որոշ փաստեր։

Մասնավորապես՝ նշեց, որ 2000 թվականին ավարտել է ԵՊՀ պատմության ֆակուլտետի բակալավրիատը, 2002 թվականին՝ նույն ֆակուլտետի մագիստրատուրան, 2004 թվականին՝ ՀՀ Պետական կառավարման ակադեմիան, 2005 թվականին՝ ՀՀ ԳԱԱ Հայոց ցեղասպանության թանգարան-ինստիտուտի ասպիրանտուրան, որտեղ պաշտպանել է թեկնածուական ատենախոսություն և ստացել գիտությունների թեկնածուի աստիճան։

Աշխատել է «Ավրորա մրցանակ և 100 կյանք» նախաձեռնության հետազոտական խմբի ղեկավար «Հայաստանի զարգացման նախաձեռնություններ» (IDEA) հիմնադրամում, «Բազմակուսակցական ժողովրդավարության Նիդեռլանդական հիմնադրամում» (NIMD) որպես քաղաքական և ռազմավարական պլանավորման փորձագետ, «Ընտրական համակարգերի միջազգային հիմնադրամում» (IFES) որպես ընտրողների իրազեկման ծրագրի համակարգող:

Եղել է գիտաշխատող ՀՀ ԳԱԱ Հայոց ցեղասպանության թանգարան-ինստիտուտում:

Աշխատել է Հայաստանի ազգային արխիվում որպես արխիվագետ:

Դասախոսել է Երևանի պետական համալսարանում։

Այլ թեկնածություն պատգամավորները չառաջադրեցին: Հայտարարվեց կես ժամ ընդմիջում՝ ԱԺ նախագահի քվեարկության համար:

Հիշեցնենք, որ այսօր կայանում է ՀՀ ԱԺ 7–րդ գումարման 1–ին նիստը։

187
թեգերը:
Արարատ Միրզոյան, ՀՀ Ազգային ժողով
Ըստ թեմայի
Ընդդիմությունը նույնքան կարևոր է, որքան առողջ քաղաքական իշխանությունը. Կարեն Սիմոնյան
Այսօրվանից սկսվում է հույսերի և խոստումների արդարացման, ամենօրյա աշխատանքի փուլը. Սարգսյան
Խորհրդարանում մեկնարկել է 7-րդ գումարման ԱԺ անդրանիկ նիստը