Նիկոլ Փաշինյանը պատասխանում է լրագրողների հարցերին. 7-ը հունվարի 2019 թ.

Նիկոլ Փաշինյանը պատասխանեց երրորդ փոխխոսնակի մասին հարցին

124
Նիկոլ Փաշինյանի գլխավորած «Իմ քայլը» դաշինքից փոխխոսնակ կդառնան Լենա Նազարյանը և Ալեն Սիմոնյանը։ Խորհրդարանի երրորդ փոխխոսնակի հարցը դեռ բաց է։

ԵՐԵՎԱՆ, 7 հունվարի — Sputnik. Երրորդ փոխխոսնակի հարցը չի քննարկվել ԱԺ «Իմ քայլը» դաշինք ապագա խմբակցության նիստում, սակայն վարչապետի պաշտոնակատարն այդ մասին ունի իր կարծիքը։

«Դաշինքում այդ հարցի քննարկմանը դեռ չենք հասել: Ինձ թվում է, որ պետք է սկզբունք գործի, ինստիտուցիոնալ սկզբունք: Այն խմբակցությունը, որն ավելի շատ ձայներ է ստացել ժողովրդի կողմից, նրա ներկայացուցիչն էլ պետք է փոխնախագահի պաշտոնը զբաղեցնի: Հակառակ դեպքում տրամաբանությունը չի հասկացվի», – լրագրողներին ասաց Փաշինյանը ձևավորվող խմբակցության նիստից հետո։

Նիստում քննարկվել է խմբակցության կանոնադրությունը։ Փաշինյանը, պատասխանելով լրագրողներին հարցին, նշեց, որ կառավարության կազմը չի քննարկվել։

Հիշեցնենք, որ ավելի վաղ հայտնի էր դարձել, որ «Իմ քայլը» դաշինքը ԱԺ խոսնակի պաշտոնում առաջարկել է առաջին փոխվարչապետի պաշտոնակատար Արարատ Միրզոյանի թեկնածությունը։ Լենա Նազարյանին և Ալեն Սիմոնյանին առաջարկել են որպես ԱԺ փոխխոսնակներ։

«Լուսավոր Հայաստան» ընդդիմադիր կուսակցությունից փոխխոսնակի պաշտոնի համար առաջադրվել է Մանե Թանդիլյանի թեկնածությունը։ ԲՀԿ-ում քննարկումները շարունակվում են, լուրեր են պտտվում, որ դա կարող է լինել Նաիրա Զոհրաբյանը։

124
թեգերը:
Նիկոլ Փաշինյան
Ըստ թեմայի
«Կարագանդայի միջադեպը չի կարող ունենալ ազգամիջյան կոնտեքստ». Փաշինյան
Կառավարությունը համաձայնե՞լ է, որ աջ ղեկով մեքենաները ներկրվեն ՀՀ. ներմուծողների պատասխանը
Քննարկել են հայերի մասնակցությամբ վեճի մանրամասները. ի՞նչ է Կասիմովը խոստացել Օսիպյանին
Իրավիճակը գերզգայուն է. ՀՀ–ի և Ղազախստանի ԱԳՆ ղեկավարները խոսել են Կարագանդայի դեպքի մասին