Նիկոլ Փաշինյանը պատասխանում է լրագրողների հարցերին. 7-ը հունվարի 2019 թ.

Գազի գնի շուրջ բանակցությունները շարունակվելու են. Փաշինյան

237
Վարչապետի պաշտոնակատար Նիկոլ Փաշինյանը լրագրողների հետ ճեպազրույցում անդրադարձել է գազի գնի բարձրացման հարցին:

ԵՐԵՎԱՆ, 7 հունվարի — Sputnik. Գազի գնի փոփոխությունը Հայաստանի նոր իշխանության պարտությունը չէ:

Այս մասին  լրագրողների հետ ճեպազրույցում ասաց ՀՀ վարչապետի պաշտոնակատար Նիկոլ Փաշինյանը:

«Չենք կարող գազի գնի հարցը դիտարկել այդ կոնտեքստում: Մենք շարունակելու ենք բանակցությունները և դիրքորոշում ենք արտահայտելու, ամեն ինչ անելու ենք մեր երկրի շահերը պաշտպանելու համար»,- ասաց Փաշինյանը:

Վարչապետի պաշտոնակատարը նաև հայտարարեց, որ իրանական կողմի հետ ևս բանակցությունները գազի գնման շուրջ շարունակվում են, քանի դեռ փոխընդունելի լուծում չի գտնվել:

Հունվարի 3-ին Ռուսաստանում նախագահ Վլադիմիր Պուտինի և ՀՀ վարչապետի պաշտոնակատար Նիկոլ Փաշինյանի հանդիպումների արդյունքում որոշում է կայացվել առ այն, որ գազը ՀՀ է մատակարարվելու հազար խմ–ի դիմաց 165 դոլարով՝ ներկայիս 150-ի փոխարեն։

Սակայն, ինչպես հայտարարել է Նիկոլ Փաշինյանը, սպառողների համար գազի գինն այս տարի շարունակելու է մնալ անփոփոխ:

 

237
թեգերը:
գազի սակագին, Նիկոլ Փաշինյան
Ըստ թեմայի
Կառավարությունից պարզաբանել են, թե ինչի հաշվին կպահպանվի գազի սակագինը բնակչության համար
Ով և որքան է վճարում Հայաստանում գազի համար. համեմատություն Եվրոպայի, ՌԴ–ի և Բելառուսի հետ
Հայաստանի գազի «անսքող» գինը. ինչի՞ շուրջ են Ռուսաստանի հետ բանակցությունները
Հարկային մանևրումներ հայկական ձևով, կամ 2018թ.-ի կարևոր տնտեսական 10 իրադարձությունները