Նիկոլ Փաշինյան

Ծառուկյան–Մարուքյան պատերազմը. Փաշինյանը մնաց առանց ընդդիմությա՞ն

968
(Թարմացված է 20:20 17.12.2018)
Երկու կուսակցություններ` «Բարգավաճ Հայաստանն» ու «Լուսավոր Հայաստանը», որոնք խորհրդարան են անցել և զբաղեցրել համապատասխանաբար երկրորդ և երրորդ տեղերը, իսկական պատերազմ են սկսել միմյանց դեմ։

ԵՐԵՎԱՆ, 17 դեկտեմբերի — Sputnik, Աշոտ Սաֆարյան. Հայաստանի ներքաղաքական դաշտը ուրախ ժամանակներ է ապրում։ Երկու կուսակցություններ` «Բարգավաճ Հայաստանն» ու «Լուսավոր Հայաստանը», որոնք խորհրդարան են անցել և զբաղեցրել համապատասխանաբար երկրորդ և երրորդ տեղերը, իսկական պատերազմ են սկսել միմյանց դեմ։ Իրավիճակը նույնքան անհեթեթ է, որքան ողբերգական։ Իրենց ուղիղ գործառույթները կատարելու` գործող իշխանություններին որևէ քաղաքական հակակշիռ ստեղծելու փոխարեն նրանք խորտակում են իրար և միմյանց վրա ցեխ շպրտում անձնական վիրավորանքների, կոմպրոմատների և այլ՝ պակաս քաղաքական մեթոդների տեսքով։

Այս «գզվռտոցի» համար առիթ է հանդիսացել դեկտեմբերի 5-ին տեղի ունեցած հեռուստաբանավեճը, որին ներկա էին ընտրություններին մասնակցող բոլոր քաղաքական ուժերի առաջին դեմքերը։ Հիշեցնենք, որ բանավեճի ընթացքում «Լուսավոր Հայաստան» կուսակցության առաջնորդ Էդմոն Մարուքյանն իր «բարգավաճ» օպոնենտ Գագիկ Ծառուկյանից հարցրեց, թե ինչու է նա, լինելով խոշոր գործարար, մնում քաղաքականության մեջ և, ըստ էության, կարող է տանել այն ձայները, որոնք տեսականորեն կարող էին լինել «Լուսավոր Հայաստանինը»։ Ի պատասխան Ծառուկյանը փորձել էր Մարուքյանին կշտամբել նրանում, որ վերջինս ժամանակին փորձել է օգտվել իր ֆինանսական հնարավորություններից՝ քաղաքական կարիերա կառուցելու համար։ Դրանով երկու առաջնորդների բանավեճն ավարտվեց։ Սակայն ընտրություններից հետո իրենց սրերը խաչեցին Ծառուկյանի և Մարուքյանի համախոհները։

ԲՀԿ ներկայացուցիչ Վահե Էնֆիաջյանը Մարուքյանին հանցագործ էր անվանել, ասելով, որ նա 2012 թվականին փաստաթղթեր է կեղծել՝ նպատակ ունենալով ապացուցել նստակեցության ցենզը։ Դա անհրաժեշտ էր խորհրդարանական ընտրություններին մասնակցելու համար։ Օրենքի համաձայն պատգամավոր պետք է դառնա քաղաքացին, որը վերջին 5 տարին մշտապես բնակվել է Հայաստանում։  Սակայն Մարուքյանը, ինչպես պնդում է ԲՀԿ անդամը, 2009 թվականի հունիսից մինչև 2010 թվականի օգոստոսը ապրել և աշխատել է ԱՄՆ–ում։ Էնֆիաջյանի վարկածով՝ արդարադատությունից Մարուքյանին հաջողվել էր խուսափել  բացառապես նախկին նախագահ Սերժ Սարգսյանի փեսայի`  Միքայել Մինասյանի աջակցության շնորհիվ։ Ցուցաբերած այդ օգնությունը վկայում է, որ Մարուքյանի կուսակցությունը ժամանակին «նախագծվել է» Մինասյանի կողմից։

«Լուսավոր Հայաստանի» առաջնորդը պատասխանը չուշացրեց՝ Facebook-ի ուղիղ եթերում «բարգավաճներին» նախազգուշացնելով զերծ մնալ իր հետ պատերազմելուց։

«Որոշել եք մեզ պատերա՞զմ հայտարարել։ Մենք ձեզ կվերացնենք։ Մոռացե՞լ եք, թե ով եք դուք, և ով մենք... Օրինակ, հիմա մարտի 1-ի գործով քննություն է գնում։ Փոխանակ գնաք և ցուցմունք տաք, այնպես ինչպես մարդկանց համազգեստ էիք բաժանում, «Լուսավոր Հայաստանի» հետ պայքարի վրա եք գումար ծախսում։ Նայեք ձեր և իմ քաղաքական կենսագրությանը», – ասել էր Մարուքյանը։

Սրանով նա ակնարկում էր, որ Ծառուկյանն ու նրա թիկնազորի անդամները մասնակից են եղել Երևանում 2008 թվականի մարտի 1-2-ին ցույցերը ուժային միջոցներով ցրելուն։ Այն ժամանակ զանգվածային անկարգությունների հետևանքով 10 մարդ էր մահացել։

Մարուքյանը խոստացել է նաև Ծառուկյանին հանգիստ չթողնել. նոր խորհրդարանում նա ամեն օր ստուգելու է, թե արդյո՞ք գործարարը ներկայանում է նիստերին, թե ոչ։

Մարուքյան–Ծառուկյան և Մարուքյան–Էնֆիաջյան վեճին զուգահեռ, սոցցանցերում և լրատվամիջոցներում իսկական պատերազմ է ընթանում մանիպուլյացիայի, բամբասանքի և սպեկուլյացիայի ողջ զինանոցի օգտագործմամբ։ Պարզել թե ո՞վ է ճիշտ, ո՞վ մեղավոր, տեղեկատվական այս խառնաշփոթի մեջ անհնար է։

Քաղտեխնոլոգ Արմեն Բադալյանի կարծիքով՝ կուսակցությունների հակադրությունը երկուսին էլ էական հեղինակային և քաղաքական վնաս է հասցնում։

«Պատկերավոր ասած՝ նրանք կռվում են միմյանց հետ, իշխանության հետ պատերազմելու փոխարեն։ Նման պայմաններում երկու ուժերն էլ ավտոմատ կերպով իրենց ընդդիմադիր գործառույթները փոխանցում են արտախորհրդարանական ուժերին, այդ թվում նաև ՀՀԿ–ին։ Ծառուկյան–Մարուքյան դիմակայությունը ուժերի վերականգնման հնարավորություն է տալիս այն ուժերին, որոնք ջախջախիչ պարտություն են կրել խորհրդարանական ընտրություններում», – Sputnik  Արմենիայի հետ զրույցում ասաց փորձագետը։

Եթե խորհրդարանի ներսում չհաջողվի արդյունավետ  և առողջ ընդդիմություն ձևավորել, ապա այն կստեղծվի արտախորհրդարանական ուժերի հաշվին։ Նման իրավիճակ ձեռնտու չէ ո՛չ «մենամարտողներին», ո՛չ իշխանությանը, կարծում է Բադալյանը։

«Այդ մարդիկ չեն հասկանում, որ իրավիճակը հիմա փոխվել է։ Նախկին իշխանության ժամանակ առաջատար ընդդիմադիր ուժի կարգավիճակի համար մղվող նրանց պատերազմը, գուցե, և որևէ իմաստ ունենար։ Բայց հիմա լրիվ այլ հանգամանքներ են և խնդիրներ։ Խաղի կանոններն այլևս այն չեն, և շարունակելով «ոչնչացնել» միմյանց, նրանք ոչնչացնում են իրենք իրենց», – ասում է քաղտեխնոլոգը։

Նա ենթադրում է, որ գործող իշխանությունների և Նիկոլ Փաշինյանի համար իրավիճակը որոշակի առումով շահավետ է։

Բացի այդ «Իմ քայլը» դաշինքը բացարձակ մեծամասնություն է խորհրդարանում, նա նաև գործունեության համար բավական հարմարավետ պայմաններ է ստացել շնորհիվ այն հանգամանքի, որ այն ուժերը, որոնք կոչված են «համակարգային» ընդդիմություն լինելուն, պատերազմում են միմյանց հետ։ Փաշինյանն ու իր համախոհները, համենայնդեպս, այս պահին կարող են չմտահոգվել, որ խորհրդարան անցած մյուս երկու ուժերը իրենց համար կարող են ինչ–որ խնդիրներ ստեղծել։

968
թեգերը:
Ազգային ժողովի ընտրություններ, Էդմոն Մարուքյան, Գագիկ Ծառուկյան, Նիկոլ Փաշինյան
թեմա:
ԱԺ արտահերթ ընտրություններ 2018 (357)
Ըստ թեմայի
«Բարգավաճ Հայաստանը» լինելու է ժողովրդի ձայնը խորհրդարանում. Ծառուկյան
Կիսաընդդիմություն. ո՞վ կլինի Փաշինյանի օպոնենտը
«Լուսավոր Հայաստանը» կլինի 2-րդ ուժը նոր ԱԺ–ում. Sputnik-ի հյուրն է Էդմոն Մարուքյանը
Նախընտրական մեմերը սոցցանցերում. Գվատեմալայի քաղաքացուց մինչև «կլասիկ» Մարուքյան
«Ես քո կլասիկ ցավը տանեմ». Էդմոն Մարուքյանն անակնալ նվեր է գտել գրասեղանին
Նիկոլ Փաշինյան

«Առաջ կմղենք համագործակցության օրակարգը». Փաշինյանը շնորհավորել է Իրանի նորընտիր նախագահին

34
(Թարմացված է 18:49 19.06.2021)
Օգտվելով առիթից՝ Նիկոլ Փաշինյանն ընդգծել է Իրանի կարևոր դերակատարությունը տարածաշրջանում կայունության և խաղաղության պահպանման գործում։

ԵՐԵՎԱՆ, 19 հունիսի – Sputnik. ՀՀ վարչապետի պաշտոնակատար Նիկոլ Փաշինյանը շնորհավորական ուղերձ է հղել Էբրահիմ Ռայիսիին Իրանի Իսլամական Հանրապետության նախագահ ընտրվելու կապակցությամբ: Տեղեկությունը հայտնում է վարչապետի մամուլի ծառայությունը։

Փաշինյանը վստահություն է հայտնել, որ Ռայիսիի պաշտոնավարման առաջիկա տարիները նոր էջ կբացեն Իրանի ժողովրդի և հայ-իրանական բարեկամական հարաբերությունների պատմության մեջ՝ ի նպաստ երկու երկրների զարգացման, առաջընթացի և բարօրության։

Օգտվելով առիթից՝ Փաշինյանն ընդգծել է Իրանի Իսլամական Հանրապետության կարևոր դերակատարությունը տարածաշրջանում կայունության և խաղաղության պահպանման գործում և միաժամանակ վերահաստատել տարածաշրջանային մարտահրավերները համատեղ ջանքերով չեզոքացնելու Հայաստանի Հանրապետության պատրաստակամությունը։

«Լիահույս եմ նաև, որ ձեր պաշտոնավարման ընթացքում կարձանագրվեն նոր ձեռքբերումներ մեր երկու բարեկամ երկրների միջև հարաբերություններում։ Վստահ եմ, որ համատեղ ջանքերով մեզ կհաջողվի էլ ավելի առաջ մղել մեր երկկողմ համագործակցության օրակարգը՝ հարստացնելով այն նորանոր ծրագրերով և նախաձեռնություններով»,– ասել է Փաշինյանը։

Նա Իրանի նորընտիր նախագահին քաջառողջություն, արդյունավետ աշխատանք, իսկ Իրանի բարեկամ ժողովրդին խաղաղություն և բարօրություն է մաղթել։

Նշենք, որ Իրանում նախագահական ընտրություններն անցկացվել են երեկ`հունիսի 18–ին։

Ի սկզբանե յոթ թեկնածու էր մրցում Իրանի ղեկավարի պաշտոնի համար, բայց նրանցից երեքը հետ էին վերցրել իրենց թեկնածությունը: Պայքարը ծավալվել էր Իրանի դատական իշխանության ղեկավար Էբրահիմ Ռայիսիի, երկու այլ պահպանողական քաղաքական գործիչների՝ Ընդունված որոշումների նպատակահարմարության խորհրդի քարտուղար Մոհսեն Ռեզայի և Իրանի խորհրդարանի փոխնախագահ Հոսեյն Գազիզադե Հաշեմիի, ինչպես նաև բարեփոխիչ և Իրանի Կենտրոնական բանկի նախկին ղեկավար Աբդոլնասեր Հեմաթիի միջև:

Նախնական տվյալներով` նախագահական ընտրություններում Էբրահիմ Ռայիսիին կողմ է քվեարկել ընտրողների ավելի քան 62 տոկոսը՝ 28,6 միլիոնից 17,8 միլիոնը: Ռայիսիի բոլոր մրցակիցներն արդեն ընդունել են նրա հաղթանակը։

Իրանը կարող է զսպել Սյունիքում ադրբեջանա-թուրքական ակտիվության ճիգերը. Միսակյան

34
թեգերը:
Իրանի Իսլամական Հանրապետություն, Նիկոլ Փաշինյան, Հայաստան
Սերժ Սարգսյան

Ձեր քվեարկությունից է կախված՝ Արցախը կմնա հայկակա՞ն, թե՞ ոչ. Սերժ Սարգսյան

85
(Թարմացված է 23:19 18.06.2021)
ՀՀ երրորդ նախագահը խոստանում է, որ եթե իրենց դաշինքն իշխանության գա, ապա անհապաղ գաղտնազերծվելու են ճանապարհների ապաշրջափակման գործընթացում իշխանությունների ստանձնած պարտավորությունները։

ԵՐԵՎԱՆ, 18 հունիսի - Sputnik. Մեզանից յուրաքանչյուրի ընտրությունից է կախված՝ արդյոք Սյունիքը, Տավուշը, Գեղարքունիքն ու Վայոց Ձորը կլինե՞ն պաշտպանված, թե՞ ոչ, Արցախը կմնա հայկակա՞ն, թե՞ ոչ։ ՀՀ երրորդ նախագահ Սերժ Սարգսյանը նախընտրական ամփոփիչ խոսքով դիմել է ՀՀ քաղաքացիներին՝ նշելով, որ «Պատիվ ունեմ» դաշինքը կարող է ապահովել անվտանգ, խաղաղ, արժանապատիվ, ազգային և աշխարհի հետ համաքայլ զարգացող, ուժեղ Հայաստանի Հանրապետություն։

«Դուք եք որոշելու, թե ինչպիսին է լինելու մեր պետության ապագան կամ առանց չափազանցության՝ պետություն այլևս լինելո՞ւ է, թե՞ ոչ: Ես ապավինում եմ ձեր ողջամտությանը, ես ուզում եմ հավատալ, որ ձեզ համար միևնույն չէ, թե որքան երիտասարդ կյանքեր զոհաբերվեցին, որպեսզի մեր պապերի այս սրբազան հողի վրա մենք բոլորս շարունակենք սերնդեսերունդ ապրել ազատ, անկախ, հզոր պետության մեջ, որպեսզի ստիպված չլինենք դեգերել օտար ափերում՝ թողած մեր հողն ու ջուրը, որպեսզի մեր եկեղեցիների զանգերը ղողանջեն և կիրակնօրյա պատարագի կանչեն, այլ ոչ թե պատերազմ գուժեն»,- նշել է ՀՀ երրորդ նախագահը։

Նա դիմել է նաև այն քաղաքացիներին, որոնք դեռ չեն կողմնորոշվել իրենց ընտրության հարցում։ Առաջարկել է, որ իրենք իրենց հարց տան՝ ինչի՞ համար էին երեք տարի առաջ իրենք դուրս եկել փողոց, իրենց ինչե՞ր էին խոստացել, և ի՞նչ ստացան:

«Խոսեք պատերազմից վերադարձած ձեր ընկերների, հարևանների ու բարեկամների հետ, լսեք նրանց պատմությունները և կհամոզվեք, թե ինչ անհեթեթ ձևով են պատերազմ վարել այս տգետ և դավաճան իշխանությունները, ինչի պատճառով այսքան զոհեր ու տարածքային կորուստներ ունեցանք: Կրկին վստահել սրանց՝ նշանակում է սեփական ձեռքերի մեջ ձգել նռնակի օղակը, գնալ ինքնաոչնչացման»,- հայտարարել է Սերժ Սարգսյանը։

ՀՀ սահմանների անձեռնմխելիությունը Ռուսաստանի համար «կարմիր գիծ է». Փաշինյան

Նա ընդգծել է՝ այս  կործանարար ընթացքը պետք է կանգնեցնել,  բարձրանալ ծնկած վիճակից, ուղղել մեր մեջքը, օր ու գիշեր նվիրումով աշխատել, որ կարողանանք ապրել ու ապրեցնել, շենացնել մեր երկիրը:

ՀՀ երրորդ նախագահը թվարկել է մի քանի խնդիրներ, որոնք «Պատիվ ունեմ» դաշինքը պետք է լուծի՝ իշխանության գալու դեպքում։

Դրանց թվում են՝ կառավարության կառուցվածքի վերանայումը` առնվազն գյուղատնտեսության, մշակույթի, սփյուռքի նախարարությունների վերականգնում, 44-օրյա պատերազմի հանգամանքները հետաքննող հանձնաժողովի  ստեղծում, Հայաստանի զինված ուժերի արդիականացման նոր ծրագրի մշակում  և այլն։

ՀՀ երրորդ նախագահը նաև խոստանում է՝ «Պատիվ ունեմ»-ի իշխանության գալու դեպքում

պետք է անհապաղ գաղտնազերծվեն ճանապարհների ապաշրջափակման գործընթացի վերաբերյալ նախկին իշխանությունների կողմից ստանձնած պարտավորություններն ու այդ գործընթացում հայկական շահը ներառվի։

«Ես ուզում եմ հունիսի 21-ին գլուխս բարձր գնալ Եռաբլուր, գնալ Ստեփանակերտի հուշահամալիր-պանթեոն և իմ մարտական ընկերներին ասել, որ հայրենիքը, որի համար իրենց կյանքը տվեցին, փրկված է, փրկված է վախկոտ, դավաճան, օտարի շահերը սպասարկող իշխանություններից, և մենք պատվով պահելու ենք մեր հող հայրենին»,- ամփոփել է իր ելույթը ՀՀ երրորդ նախագահ Սերժ Սարգսյանը։

Աննախադեպ խորհրդարան, եթե… ​, կամ քարոզարշավի վերջին օրն ամենաշատը հնչող բառը

Հիշեցնենք, որ Հայաստանում հունիսի 7–ից մեկնարկել է նախընտրական քարոզարշավը։ ԱԺ արտահերթ ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

85
թեգերը:
Արցախյան պատերազմ, Արցախ, Ազգային ժողովի ընտրություններ, «Պատիվ ունեմ» դաշինք, Հայաստան, Սերժ Սարգսյան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանն ասաց` որոնք են երկրի առաջ ծառացած 4 հիմնական խնդիրները
«Քարոզարշավը հաղթարշավ դարձավ». «Հայաստան» դաշինքի քայլերթը` Երևանում. տեսանյութ
«Գինի լիցն» ու հանրահավաքը. Սիրուշոն երգեց՝ ի աջակցություն «Հայաստանի»

Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ

0
(Թարմացված է 22:01 19.06.2021)
  • Նուբարաշենի աղբավայր
  • Փրկարարների հերթական ջոկատը մոտենում է Նուբարաշենի աղբավայրին
  • ԱԻՆ աշխատակից
  • ԱԻՆ–ի ավտոմեքենա
  • ԱԻՆ աշխատակիցը պատրաստվում է մարել հրդեհի հերթական օջախը
  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
  • Sputnik Արմենիայի թղթակիցը զրուցում է ԱԻՆ աշխատակցի հետ
  • Հրդեհի օջախներ
  • ԱԻՆ աշխատակիցները պատրաստվում են մարել հրդեհի հերթական օջախը
  • ԱԻՆ աշխատակիցը մարում է հրդեհը
  • ԱԻՆ աշխատակից
  • ԱԻՆ աշխատակիցները մարում են հրդեհի օջախը
  • ԱԻՆ աշխատակիցը մարում է հրդեհի օջախը
  • Ինչ տեսք ունի Երևանը Նուբարաշենի աղբավայրից
Հայաստանի ամենախոշոր աղբավայրում բռնկված հրդեհը մարել են, բայց հրշեջ–փրկարարները շարունակում են հերթապահել տարածքում:

ՀՀ արտակարգ իրավիճակների նախարարության հրշեջ-փրկարարները 10 օր շարունակ 24-ժամյա ռեժիմով աշխատում էին Հայաստանի ամենամեծ աղբավայրում և մարում էին հրդեհի օջախները։

Միայն 10 անց նրանց հաջողվեց վերջնականապես մարել հունիսի 8-ին բռնկված հրդեհը։ Հրշեջ–փրկարարների աշխատանքին խանգարում էին մի շարք գործոններ ՝ չոր եղանակը, քամին, ինչպես նաև տեղանքի դժվարամատչելիությունը։

Sputnik Արմենիայի նկարահանող խումբն այցելել էր աղբավայր և սեփական աչքերով տեսել, թե ինչպես են հրշեջները պայքարում կրակի դեմ։ 

Հիշեցնենք` հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված էին Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

0
  • Նուբարաշենի աղբավայր
    © Sputnik / Aram Nersesyan

    Նուբարաշենի աղբավայր

  • Փրկարարների հերթական ջոկատը մոտենում է Նուբարաշենի աղբավայրին
    © Sputnik / Aram Nersesyan

    Փրկարարների հերթական ջոկատը մոտենում է Նուբարաշենի աղբավայրին

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ–ի ավտոմեքենա
    © Sputnik / Aram Nersesyan

    ԱԻՆ–ի ավտոմեքենա

  • ԱԻՆ աշխատակիցը պատրաստվում է մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցը պատրաստվում է մարել հրդեհի հերթական օջախը

  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
    © Sputnik / Aram Nersesyan

    ԱԻՆ աշխատակիցները մարում են Նուբարաշենի աղբավայրում բռնկված հրդեհը

  • Sputnik Արմենիայի թղթակիցը զրուցում է ԱԻՆ աշխատակցի հետ
    © Sputnik / Aram Nersesyan

    Sputnik Արմենիայի թղթակիցը զրուցում է ԱԻՆ աշխատակցի հետ

  • Հրդեհի օջախներ
    © Sputnik / Aram Nersesyan

    Հրդեհի օջախներ

  • ԱԻՆ աշխատակիցները պատրաստվում են մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցները պատրաստվում են մարել հրդեհի հերթական օջախը

  • ԱԻՆ աշխատակիցը մարում է հրդեհը
    © Sputnik / Aram Nersesyan

    ԱԻՆ աշխատակիցը մարում է հրդեհը

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ աշխատակիցները մարում են հրդեհի օջախը
    © Sputnik / Aram Nersesyan

    ԱԻՆ աշխատակիցները մարում են հրդեհի օջախը

  • ԱԻՆ աշխատակիցը մարում է հրդեհի օջախը
    © Sputnik / Aram Nersesyan

    ԱԻՆ աշխատակիցը մարում է հրդեհի օջախը

  • Ինչ տեսք ունի Երևանը Նուբարաշենի աղբավայրից
    © Sputnik / Aram Nersesyan

    Ինչ տեսք ունի Երևանը Նուբարաշենի աղբավայրից

թեգերը:
Լուսանկար, հրշեջ, Նուբարաշենի աղբավայր, Հայաստան