Ալեքսանդր Լուկաշենկո

«Սերժն ասաց` ոչ, մենք դրան չենք գնա». Լուկաշենկոն խոսել է ղարաբաղյան հակամարտության մասին

223
Լուկաշենկոն ասել է, թե ղարաբաղյան հակամարտության լուծման հարցում ինչ առաջարկներ են արել Ռուսաստանն ու Բելառուսը։

ԵՐԵՎԱՆ, 14 դեկտեմբերի — Sputnik. Բելառուսի նախագահ Ալեքսանդր Լուկաշենկոն ռուս լրագրողներին ասել է, թե ղարաբաղյան հակամարտության լուծման ինչ տարբերակներ են քննարկվել Երևանում կայացած հանդիպմանը։ Այս մասին հայտնում է ԲԵԼՏԱ–ի թղթակիցը։

Լուկաշենկոն նշել է, որ այդ հարցը քննարկվել է Երևանում ՀԱՊԿ գագաթնաժողովներից մեկի ժամանակ, երբ Հայաստանի նախագահը Սերժ Սարգսյանն էր։ Բելառուսի առաջնորդի խոսքով` այդ ժամանակ Բելառուսը և Ռուսաստանը կոնսոլիդացված դիրքորոշում են որդեգրել` խոստանալով անհրաժեշտության դեպքում ռազմական ստորաբաժանում մտցնել՝ որոշակի երաշխիքներ ապահովելու համար:

«Անկեղծ ասացի՝ լսիր, ինչպես իրենք են ասում, օկուպացրել եք 7 շրջան: Եվ մենք Պուտինի հետ կոնսոլիդացված դիրքորոշում ենք որդեգրել (դա եղել է Երևանում, ՀԱՊԿ հանդիպմանը), ասացի` Սերժ, տուր այդ 5 շրջանները: Ի՞նչ իմաստ ունի դրանք չվերադարձնելը, երբ դատարկ են: Նա ասաց. «Եթե ես վերադարձնեմ, նրանք ճանապարհը կփակեն, կշրջափակեն Ղարաբաղը և այլն: Ես ու Պուտինը հստակ խոստացանք, որ զորքեր կմտցնենք և դա թույլ չենք տա (ադրբեջանցիների ներկայությամբ է ասվել): Նա ասաց. «Ոչ, մենք դրան չենք գնա, մենք դա չենք ուզում»»-ասել է Բելառուսի նախագահը։

Լուկաշենկոն նշել է, որ այդ պատասխանը զարմացրել է իրեն։

«Այդ 5 շրջանները դատարկ են: Դա առաջին քայլն է: Այդ դեպքում և՛ Ադրբեջանը, և՛ Հայաստանը կլինեին ՀԱՊԿ-ում և ԵԱՏՄ-ում: Դա պայմանն է եղել, որի դեպքում Ադրբեջանը կարող է անդամակցել կազմակերպությանը: Ինչո՞ւ հրաժարվեցիք: Լավ, Բելառուսը թողնենք, Ռուսաստանն էր երաշխավոր հանդես գալիս, որ երբեք այնտեղ պատերազմ չի լինի, եթե ազատվեն այդ շրջանները, որոնք դուք կճանաչեք ադրբեջանական: Խոսքը Ղարաբաղի մասին չէ», – հավելել է նա։

Լուկաշենկոն ընդգծել է խաղաղ կարգավորման կարևորությունը, այդ թվում` որպես կարևոր գործոն արտասահմանյան ներդրումներ ներգրավելու համար։

Պետության ղեկավարն առաջին անգամ պատմել է ևս մեկ չկայացած նախագծի մասին։ Նրա խոսքով` խոսքը վերաբերել է Ադրբեջանից Վրաստան խողովակաշար կառուցելուն, և Լուկաշենկոն այդ մասին խոսել է այդ երկրների ղեկավարության հետ. «Նրանք խողովակաշար էին կառուցում։ Կարծես գազի։ Եվ այն շրջանցում էր Հայաստանը»։

Լուկաշենկոն հայտնել է, որ այն ժամանակ ինքը շփումներ է ունեցել Ադրբեջանի նախագահ Իլհամ Ալիևի հետ, որպեսզի նա խոսի ՀՀ նախագահ Սերժ Սարգսյանի հետ, և խողովակաշարն անցնի Հայաստանի տարածքով, ինչը շահավետ կլինի երկու կողմերի համար:

«Ասաց`ես առաջարկել եմ, պետք է լուծել այդ խնդիրները, ես խողովակն էլ կանցկացնեմ և կօգնեմ վերականգնել Հայաստանը: Այն ժամանակ նրանք անհամար փող ունեին: Դրանից հետո ես գնացի Սերժ Ազատիչի մոտ և փոխանցեցի այդ ամենը: Նրանք էլի հրաժարվեցին: Բայց ի վերջո ամեն ինչ խաղաղությամբ է ավարտվելու»,- նշել է Լուկաշենկոն։

Ռուսաստանի ԱԳՆ ղեկավար Սերգեյ Լավրովն այսօր Բաքվում ասել է, որ զգացել է Ադրբեջանի նախագահ Իլհամ Ալիևի` Հայաստանի հետ ղարաբաղյան հակամարտության վերաբերյալ բանակցությունները վերսկսելու տրամադրվածությունը։ Փաշինյանն օրերս հայտարարել է, որ Հայաստանը կողմ է Լեռնային Ղարաբաղի հակամարտության խաղաղ լուծմանը, սակայն դրա համար պետք է ճանաչել Ղարաբաղի ինքնորոշման իրավունքը։

1992թ–ից հակամարտության խաղաղ կարգավորման բանակցությունները վարում է ԵԱՀԿ Մինսկի խումբը։

223
թեգերը:
Սերժ Սարգսյան
թեմա:
Ղարաբաղյան հակամարտություն (277)
Ըստ թեմայի
Լուկաշևիչը խոսել է ղարաբաղյան հակամարտության կարգավորման գործընթացի մասին
Քննարկման դիմաց հող հանձնելն անհնար է․ Զատուլինը` ղարաբաղյան կարգավորման մասին
Զոհրաբ Մնացականյանը և Ֆեդերիկա Մոգերինին քննարկել են ղարաբաղյան հակամարտության խնդիրները