«ԵԼՔ» խմբակցության պատգամավորները. 30 ապրիլի 2018 թ.

Կիսաընդդիմություն. ո՞վ կլինի Փաշինյանի օպոնենտը

488
(Թարմացված է 23:19 10.12.2018)
ԲՀԿ–ն և «Լուսավոր Հայաստանը» կկարողանան որոշումների վրա ազդել միայն սահմանադրական օրենքների քննարկման դեպքում, հենց այդ ժամանակ էլ կերևա իրենց ընդդիմադիր լինելու աստիճանը։

ԵՐԵՎԱՆ, 10 դեկտեմբերի — Sputnik. ՀՀ վարչապետի պաշտոնակատար Նիկոլ Փաշինյանի «Իմ քայլը» դաշինքի հիմնական ընդդիմախոս և քննադատ ՀՀԿ–ն դուրս մնաց ԱԺ–ի մանդատների համար մղվող մրցապայքարից։

Նախընտրական քարոզարշավի ընթացքում խորհրդարան անցած երկու ուժերը` ԲՀԿ–ն և «Լուսավոր Հայաստանը» որպես ընդդիմություն իրենց ներկայացնել չէին շտապում։ Հաճախ հնչում էր «այլընտրանք» բառը։

Ընտրությունների արդյունքները հրապարակելուց հետո «Լուսավոր Հայաստանի» առաջնորդ Էդմոն Մարուքյանը հայտարարեց, որ իր ուժը ինստիտուցիոնալ ընդդիմություն կլինի 7-րդ գումարման խորհրդարանում և պատրաստ է համագործակցել արտախորհրդարանական ուժերի հետ։

Sputnik Արմենիան փորձագետների հետ զրուցել է նոր հայկական ընդդիմության ապագայի մասին։

Քաղաքագետ Նարեկ Գալստյանը նշեց, որ «այլընտրանք» բառը քաղաքագիտական տերմինաբանության մեջ այդքան էլ հիմնավորված չէ։  Այն ուժերը, որոնք կառավարություն կազմելուն չեն մասնակցի, այսպես թե այնպես, ընդդիմություն են լինելու։

«Եթե նրանք ուզում են գործոն դառնալ երկրի քաղաքական դաշտում, նրանք ընդդիմություն կլինեն։ Այլ հարց է, թե նրանք չափավո՞ր, թե՞ ռադիկալ ընդդիմություն կլինեն» – նշեց Գալստյանը։

Նա չի կարծում, որ երկու ուժերից որևէ մեկն իրեն խորհրդարանում ներկայացնելու է որպես ռադիկալ ուժ։ Խոսքը, ըստ ամենայնի, չափավոր  ընդդիմության մասին է լինելու։ Այլ հարց է, թե որքան արդյունավետ կլինի նրանց գործունեությունն այդ դաշտում։

Երկու կուսակցություններից ոչ մեկը օրենսդրական գործընթացների վրա էական ազդեցություն չի կարողանա ունենալ։ Սակայն բացառիկ դեպքեր կլինեն, կապված սահմանադրական օրենքների փոփոխման հետ, երբ կպահանջվի ձայների 2/3–ը։

«Այդ ժամանակ նրանք կկարողանան քաղաքական առևտուր անել, պնդել իրենց դիրքորոշումը։ Այդ ժամանակ պարզ կլինի նրանց իրական ընդդիմադիր լինելը», – ասաց Գալստյանը։

Նա չի կարծում, որ ապագայում ռադիկալ ընդդիմության անհրաժեշտություն կառաջանա։  Հայաստանին, քաղաքագետի կարծիքով, կառուցողական ընդդիմադիր ուժ է պետք։

Չէ՞ որ և՛ իշխանամետ, և՛ ընդդիմադիր ուժերը առաջնային օրակարգ ունեն` երկրի դեմ ծառացած խնդիրների լուծում։ Միայն դրանից հետո, երկրորդական օրակարգի շրջանակում նրանք պետք է հետևեն նեղ կուսակցական շահերին։

Գալստյանը հույս հայտնեց, որ ՀՀԿ–ին փոխարինած «Իմ քայլը» որպես դոմինանտ քաղաքական ուժ նպաստելու է կուսակցությունների միջև երկխոսության ձևավորմանը, այլ ոչ թե առճակատմանն ու նրա կողմից դիկտատի։

ԱՊՀ երկրների ինստիտուտի հայաստանյան մասնաճյուղի տնօրեն, քաղաքագետ Ալեքսանդր Մարկարովը նույնպես կարծում է, որ ելնելով ներկայիս քաղաքական իրավիճակից, քաղաքական ուժերից ոչ մեկը չի ցանկանում հանդես գալ որպես ընդդիմություն «Իմ քայլը» դաշինքի նկատմամբ, որը մեծ լեգիտիմություն և զգալի սոցիալական ու քաղաքական կապիտալ ունի։

«Մյուս կողմից, մեծամասնություն ստացած քաղաքական ուժը հայտարարում է, որ կոալիցիոն գործընկերներ նրան պետք չեն», – ասաց Մարկարովը։

«Ծառուկյան» դաշինքի մոտ ավանդույթ է ձևավորվել իրեն ներկայացնելու որպես այլընտրանք։ Քաղաքականության մեջ, սովորաբար այդպիսի բան չի լինում, սակայն նման հայտարարություններ այնուամենայնիվ հնչում են։

Նրանք շարունակելու են այն քաղաքականությունը, որն առաջարկում էին մինչ այդ` շեշտը դնելով սոցիալական քաղաքականության կոնկրետ ուղղությունների վրա, առաջարկելով սոցիալական լարվածության նվազեցման և քաղաքացիների կյանքի բարելավման տարբեր ճանապարհներ։

«Դա ընդդիմություն անվանելը դժվար է։ Որոշակի հարցերի վերաբերյալ նրանք անհամաձայնություն են արտահայտելու, սակայն ամենակարևորն այն է, թե ինչպես նրանք կքվեարկեն։ Դա ակնհայտ ցուցանիշ է», – նշեց Մարկարովը։

Ինչ վերաբերում է «Լուսավոր Հայաստանին», ապա նրա նախընտրական քարոզարշավը կառուցվում էր ոչ որպես «Իմ քայլը» դաշինքի ռադիկալ ընդդիմություն։

Նա կարծես թե աջակցում է իշխանությունների քաղաքականությանը, սակայն միևնույն ժամանակ նաև ընդդիմություն է։

Սա, Մարկարովի խոսքով, ձեռնտու է իշխանությանը, քանի որ ընդդիմությունը նրան այդքան էլ ուժեղ չի քննադատում և լուրջ խնդիրներ չի ստեղծում։  Հարմար սպարինգ–պարտնյոր լինելը ձեռնտու է այս պարագայում նաև «ընդդիմությանը»։

«Խորհրդարանում դա դրսևորվելու է տակտիկական տարաձայնությունների,  սակայն միևնույն ժամանակ՝ ռազմավարական գործընկերության տեսքով», – նշեց Մարկարովը։

Այլ հարց է` արտախորհրդարանական ընդդիմությունը։ Կարճ, սակայն խիստ նախընտրական քարոզարշավի ժամանակ ՀՀԿ–ն իրեն ներկայացնում էր որպես միակ իրական ընդդիմություն։ Սակայն հարց է առաջանում, արդյո՞ք նրանք կկարողանան պահպանել իրենց համախմբվածությունը և հանդես գալ որպես գործող իշխանություններին քննադատող հիմնական  ուժ։

Մյուս կուսակցությունները նույնպես փորձում են իրենց ներկայացնել որպես այլընտրանք կամ ընդդիմություն գործող վարչապետի նկատմամբ։

Այս հարցում շատ բան կախված է նրանից, որքանով հաջող քաղաքականություն կտանի իշխանությունը, և ինչպես նրա հասցեին հնչած քննադատությունը կազդի հասարակական կարծիքի վրա։

Նշենք, որ ԿԸՀ–ի նախնական տվյալներով, ԱԺ արտահերթ ընտրության քվեարկությանը մասնակցել են 1 միլիոն 260 հազար 840 քաղաքացի կամ ընտրողների 48.63%–ը։ Հայաստանի Հանրապետական կուսակցությունը ստացել է ձայների 4.70%–ը, «Քաղաքացու որոշում» սոցիալ–դեմոկրատական կուսակցությունը` 0.68%–ը, «Հայ Յեղափոխական դաշնակցություն» կուսակցությունը` 3.89%–ը, «Իմ քայլը» դաշինքը` 70.43%–ը, «Լուսավոր Հայաստան» կուսակցությունը`  6.37%–ը, «Քրիստոնեա-ժողովրդական վերածնունդ» կուսակցությունը` 0.51%–ը, «Ազգային առաջընթաց» կուսակցությունը` 0.33%–ը, «Մենք» դաշինքը` 2. 00%–ը, «Օրինաց երկիր» կուսակցությունը` 0.99%, «Սասնա ծռեր» համահայկական կուսակցությունը` 1.82%–ը, «Բարգավաճ Հայաստան» կուսակցությունը` 8.27%–ը։

488
թեգերը:
Հայաստանի Հանրապետական կուսակցություն (ՀՀԿ), Հայաստան, Ազգային ժողովի ընտրություններ, Բարգավաճ Հայաստան կուսակցություն (ԲՀԿ)
թեմա:
ԱԺ արտահերթ ընտրություններ 2018 (357)
Ըստ թեմայի
Բոզոյան. «Քաղաքական վերնախավում դժգոհության ալիք է լինելու իշխանությունների նկատմամբ»
Ձևավորվում է ԱԺ` առանց հստակ գաղափարական դիմագծի. ՀՅԴ–ն հայտարարություն է տարածել
«Բարգավաճ Հայաստանը» լինելու է ժողովրդի ձայնը խորհրդարանում. Ծառուկյան
Բարսեղյան. «Արձանագրվել են նաև քրեական բնույթի հանցագործություններ»
Նիկոլ Փաշինյանի բրիֆինգը

Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները

482
(Թարմացված է 22:18 03.06.2020)
Հայաստանի քաղաքացիները մեծ մասը դժգոհ է կորոնավիրուսի դեմ պայքարի իշխանության գործողություններից, իսկ հակաճգնաժամային օգնությունը բոլորին չէ, որ հասել է։ Այս ֆոնին քաղաքական գործընթացները նոր երանգներ են ստացել։

Վերջին շրջանում իշխանությունը հաճախ էր խոսում հարկային մուտքերի աճի ու իրականացվող տնտեսական հեղափոխության մասին։ Հնարավոր է՝ այդ պատճառով է, որ կորոնավիրուսի համաճարակին ու գրեթե բոլոր ոլորտների կաթվածահար վիճակին բախվելիս, քաղաքացիները կառավարությունից իրական օգնություն էին ակնկալում։ Առաջին հերթին՝ նյութական, քանի որ շատերը  հատկապես՝ սպասարկման ոլորտում աշխատողները, բառացիորեն գոյատևման եզրին են հայտնվել։  

Կառավարությունը կարծես թե հայտարարել էր բնակչությանն ու բիզնեսին տրամադրվելիք մեծ դոտացիայի՝ 300 միլիոն դոլարի մասին։ Միջոցառումների փաթեթ էր մշակվել, որում մոտ 20 տարբեր թիրախային ծրագրեր կային։ Սակայն ինչ-որ պահի հասկանալի դարձավ, որ այդ ծրագրերը տեղում են դոփում։ Վարչապետն անձամբ հետևում էր դրանց իրականացմանը, կշտամբում էր նախարարներին, զանգում էր քաղաքացիներին։

Այդ պատճառով շատ արդիական է հարցը, թե ինչպես են քաղաքացիներն ընկալում իշխանության կողմից իրենց ցուցաբերված աջակցությունը։ Այսօր արդեն կարելի է գնահատել կառավարության հակաճգնաժամային միջոցառումները, քանի որ դրանց մեծ մասը միանգամյա էին ու ենթակա չէին երկարացման։

«Ժողովրդի ձայնը» փորձագիտական ակումբն առցանց հարցում է անցկացրել այդ թեմայով։ Դրան մասնակցել են 18 տարեկանից բարձր 1700 քաղաքացիներ։ Հարցման հիմք է հանդիսացել այն, որ բազում քաղաքացիներ ահազանգել են, թե այս կամ այն պատճառով կառավարությունից ոչ մի աջակցություն չեն կարողացել ստանալ։

«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան

Բավականին մտահոգիչ պատկեր ստացանք հարցումների արդյունքում։ Պարզվեց՝ քաղաքացիների 75%-ը զգալի տնտեսական խնդիրներ ունի (աշխատանքի, բիզնեսի կամ եկամտի կորուստ)։ Ստեղծված իրավիճակում իշխանության իրական օգնության վրա հույսը դրել են հարցման  մասնակիցների միայն 30%-ը (մնացածը հույսները դրել են իրենց, մտերիմների, մարդասիրական կազմակերպությունների և այլնի վրա)։ Հարցվածների 63%-ը ոչ մի օգնություն չի ստացել, ու միայն 9%-ն են հայտնել, որ գոհ են կառավարության հակաճգնաժամային միջոցառումներից։ Եվս մեկ հատկանշական թիվ՝ քաղաքացիների 56%-ը վստահ է, որ համաճարակը զսպելուն ուղղված կառավարության գործողություններն ակնհայտորեն բավարար չեն։

Ի՞նչ հետևանքներ կունենան այս տրամադրությունները։ Արմավիրի մարզի շուկայում տեղի ունեցած իրադարձությունները ցույց են տալիս, որ «հետհեղափոխական» շրջանը Հայաստանում ավարտվել է։

Եթե ծանր պահին քաղաքացիներին ոչ ոք չի աջակցում, նրանք փորձում են սեփական աշխատանքով ապահովել իրենց գոյությունը՝ անտեսելով համավարակի բերած սպառնալիքները։ Իսկ եթե մարդկանց արգելում են դա անել, նրանք  սկսում են նորից գիտակցել, որ հենց իրենք են իշխանություն տվողը և կարող են փողոց դուրս գալով ու ընտրություններին մասնակցելով, փոխանցել իրենց վստահության մանդատն այդ քաղաքական գործիչների։

Այժմ Հայաստանի քաղաքական կյանքում դեռ պահպանվում է մինչկորոնավիրուսային իներցիան։ Սակայն և՛ մեր հարցումը, և՛ տեղի ունեցած առանձին իրադարձությունները ցույց տվեցին, որ մեր երկրում աստիճանաբար վերակենդանանում է քաղաքական աշխուժությունը՝ կրքեր բորբոքվելով, ծրագրերի ու անձանց մրցակցություն բերելով։ Կորոնավիրուսի համաճարակն այդ անխուսափելի գործընթացի կատալիզատոր դարձավ։

Կամ–կամ. Փաշինյանը խոսեց կորոնավիրուսով պայմանավորված իրավիճակի շուրջ առկա ելքերի մասին

482
թեգերը:
համավարակ, ընդդիմություն, Իշխանություն, քաղաքականություն, կորոնավիրուս, Հայաստան
Ըստ թեմայի
Արցախում կորոնավիրուսով վարակվածների թիվը կրկին ավելացել է
Փարաքարում կորոնավիրուսից երիտասա՞րդ է մահացել. Մինասյանի խոսքով` մահացողը 62 տարեկան է
Կորոնավիրուսից մահացածների տվյալների հրապարակման դեպքով քրեական գործ է հարուցվել
Հրայր Թովմասյան. արխիվային լուսանկար

Հանրաքվեն կչեղարկվի. Հրայր Թովմասյանը և ՍԴ դատավորները կշարունակեն պաշտոնավարել

703
(Թարմացված է 12:13 03.06.2020)
Ազգային ժողովի պատգամավորները քիչ առաջ քվեարկեցին ՍԴ–ում փոփոխություններին առնչվող հանրաքվեն չեղարկելու մասին օրինագծի համար։

ԵՐԵՎԱՆ, 3 հունիսի – Sputnik. Ազգային ժողովն այսօր երկրորդ և վերջնական ընթերցմամբ ընդունեց «Հանրաքվեի մասին» սահմանադրական օրենքում փոփոխություններ և լրացումներ կատարելու մասին» օրենսդրական փաթեթը:

Նախագծին կողմ քվեարկեց 82, դեմ ՝ 17 պատգամավոր։

Փոփոխությունները հնարավորություն են տալիս չեղյալ հայտարարել սահմանադրական փոփոխությունների վերաբերյալ հանրաքվեն և նախագահ Հրայր Թովմասյանի և 6 անդամների լիազորությունների դադարեցման հարցի լուծման իրավունքը տալ խորհրդարանին:

«Լուսավոր Հայաստանը», ինչպես ավելի վաղ հայտարարել էր, չմասնակցեց քվեարկությանը, «Բարգավաճ Հայաստանը» դեմ քվեարկեց։

Հարությունյան. «ԱԺ–ի կողմից հանրաքվեի չեղարկումը հակասահմանադրական է»

Հիշեցնենք՝ սահմանադրության փոփոխությունների հանրաքվեով առաջարկվում էր դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ կորոնավիրուսի հետ կապված արտակարգ դրության հայտարարման պատճառով:

ՍԴ ճգնաժամի հանգուցալուծումը կարող է լինել առանց հանրաքվեի․ Ռուբեն Ռուբինյան

703
թեգերը:
Սահմանադրական դատարան, Սահմանադրական փոփոխությունների նախագիծ, հանրաքվե, ԱԺ, Հրայր Թովմասյան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը
Ըստ թեմայի
Հրայր Թովմասյանն իր աշխատավարձն ու պարգևավճարները կտրամադրի բուժաշխատողներին
Հրայր Թովմասյանի գործով ցուցմունք է տվել Տիգրան Մուկուչյանը. «Ժողովուրդ»
Թովմասյանն ընդդեմ Փաշինյանի. վարչապետի պաշտպանը դատարանում ասաց` օրենքը կոպտորեն խախտվել է
Ախտահանում են ԱԺ նիստերի դահլիճը. արխիվային լուսանկար

Ազգային ժողովը պատրաստ է հեռավար նիստերի և քննարկումների․ լուսանկարներ

0
(Թարմացված է 22:28 04.06.2020)
Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակակիր դեռևս չկա։

ԵՐԵՎԱՆ, 4 հունիսի - Sputnik. Կորոնավիրուսային համավարակով պայմանավորված՝ ԱԺ-ում պատրաստվում են հեռավար աշխատանքի անցնել։ ՀՀ ԱԺ աշխատակազմի ղեկավար Տիգրան Գալստյանը Facebook–ի իր էջում հրապարակել է լուսանկարներ։
«ՀՀ Ազգային ժողովը պատրաստ է հեռավար նիստերի և քննարկումների», - գրել է Գալստյանը։

Լուսանկարներում երևում են մեծ հեռուստաէկրաններ, որոնք տեղադրված են նիստերի և քննարկումների դահլիճներում։

Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակակիր դեռևս չկա։

Հեռավար աշխատանքի պրակտիկան երկրում լայնորեն կիրառվել է կրթական համակարգում, ինչպես նաև մասնավոր ընկերությունների շրջանում։

Կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

«Անպայման հետևեք ցուցումներին». հայտնի է Արմեն Գրիգորյանի կորոնավիրուսի թեստի պատասխանը

0
թեգերը:
համավարակ, Հայաստան, կորոնավիրուս, ԱԺ
թեմա:
Կորոնավիրուսը Հայաստանում և Արցախում
Ըստ թեմայի
ՀՀ կառավարությունը կարող է անցնել հեռավար աշխատանքի
Հեռավար կրթությունը Հայաստանում կարող է շարունակվել նաև աշնանը
ՌԴ ընկերությունների 25%-ն ուզում է, որ աշխատակիցների մի մասը շարունակի հեռավար աշխատել