ԲՀԿ-ն առողջացման ծրագիր է ներկայացնում. «Չենք թողնի, որ մարդիկ խորտակվեն». Ծառուկյան
ԵՐԵՎԱՆ, 2 դեկտեմբերի — Sputnik. Երիտասարդների համար հնարավորություններ է պետք ստեղծել:
©
Sputnik / Asatur Yesayants
Այս մասին Արմավիրում անցկացված հանրահավաքի ժամանակ հայտարարեց ԲՀԿ նախագահ Գագիկ Ծառուկյանը:
ԲՀԿ նախագահը նշեց, որ ուսանողը գիշեր-ցերեկ պարապում է, ընդունվում է համալսարան, բայց դուրս է մնում վճարել չկարողանալու պատճառով: «Առաջարկում եմ, որ ուսանողների համար ով կարողանում է վճարի, թող վճարի, չեն կարողանում վճարեն, պայմանագիր կապենք, սովորեն, հետո 15 տարում աշխատավարձից գումարները պահեն: Համ իրենք երջանիկ կլինեն, համ ծնողները»,- ասաց Գ. Ծառուկյանը:
Գագիկ Ծառուկյանն ասաց, որ երիտասարդների համար պետք է հնարավորություն ստեղծել ամուսնանալու, լուծելու բնակարանների հարցը, «ամսական 65,000 դրամ վճարեն բնակարանի համար և հետո դառնան սեփականատեր»:
«Մենք բոլորս ճարտար խոսում ենք, բայց պետք է քայլեր կատարել, գործ անել, որ մարդիկ չգնան, մնան»,- շեշտեց Ծառուկյանը:
©
Sputnik / Asatur Yesayants
ԲՀԿ առաջնորդի խոսքով՝ հիվանդանոցներում անգամ բանկեր են բացել, որ գրավ դնեն, վիրահատություն անցկացնեն. «Հիվանդանոցը կա՛մ պետք է անվճար դարձնել, կա՛մ էլ «վաուչերի» կերպով դարձնել, որ մարդիկ խնդրողի դերում չլինեն: Չլուծվող խնդիր չկա»:
Ըստ նրա՝ հարկերից պետք է ազատվի ՓՄՁ-ն, որպեսզի բնակչության 450,000 ընտանիքի համար հնարավորություններ բացվեն: «Մենք պետք է լիարժեք ժողովրդի կյանքով ապրենք, մարդկանց դեմքին ժպիտ պետք է լինի, մարդու վիճակը հասկացող պետք է լինի: Գազը չեն միացնում, չի բավարարում, երեխաները մրսում են, բայց չեն միացնում, վարկի տակ են, հազիվ պարտքերն են փակում»,- նշեց նա՝ հավելելով, որ իրենք առողջացման ծրագիր են ներկայացնում, չեն թողնի, որ մարդիկ «խորտակվեն»:
թեգերը:
Փաշինյանն ԱԺ–ում է, բայց խուսափում է խոսել. նրան ուղղված հարցերին պատասխանում է Ավինյանը
ԵՐԵՎԱՆ, 3 մարտի - Sputnik. Չնայած ՀՀ վարչապետ Նիկոլ Փաշինյանն Ազգային ժողովում է, սակայն խուսափում է պատասխանել պատգամավորների հարցերին։ Նշենք, որ այս պահին ԱԺ–ում կառավարության անդամների հետ հարցուպատասխանն է ընթանում։
Նախ ԼՀԿ–ական պատգամավոր Արկադի Խաչատրյանը հետաքրքրվեց Փաշինյանից, թե ի վերջո ինչու էր արվել «Իսկանդերների» հետ կապված հայտնի հայտարարությունը։
«Լուսավոր Հայաստան» կուսակցության առաջնորդ Էդմոն Մարուքյանն էլ հետաքրքրվեց` Փաշինյանն ունի՞ ապացույցներ մարտի 1-ին արված հայտարարության վերաբերյալ, թե ԶՈւ ԳՇ պետ Օնիկ Գասպարյանը վարչապետի հրաժարականն է պահանջել Սերժ Սարգսյանի հրամանով։
Երկու հարցերին էլ «պատասխանեց» փոխվարչապետ Տիգրան Ավինյանը` ասելով, թե երկու հարցերի առնչությամբ էլ հնչել են անհրաժեշտ բոլոր պատասխանները, և եթե կարիք լինի, վարչապետը նորից կանդրադառնա այդ հարցերին։
Մարուքյանն իր զարմանքը հայտնեց, թե ինչու Փաշինյանն ինքը հարցին չի պատասխանում, սակայն փոխվարչապետը շրջանցեց այս հարցը։
Դրանից հետո ԼՀԿ–ական պատգամավոր Անի Սամսոնյանը նույնպես հարց ուղղեց Փաշինյանին` շեշտելով, որ հենց նրան է ուզում հարցն ուղղել` հետաքրքրվելով, թե ինչու է բանակի ղեկավարությունը պահանջում Փաշինյանի հրաժարականը, այդ ի՞նչ կարմիր գիծ է հատել նա։ Հարցին կրկին պատասխանեց փոխվարչապետը` հավելելով, որ հարցերին պատասխանողի ընտրությունն իրենց իրավասությունն է։ Ավինյանը նշեց, որ ԳՇ պետն ու նրա ենթակաները քաղաքականության հետ չպիտի կապ ունենան։ «Քաղաքական հայտարարություններ անելը չի մտնում նրանց իրավասության մեջ, քանի որ ԳՇ հիմնական խնդիրը պետք է լինի մեր սահմանների պաշտպանությունն ու մեր անվտանգության ապահովումը»,–ասաց նա։
Իսկ ինչ վերաբերում է սահմանները հատելու մասին հարցին, Ավինյանը նշեց, որ իրենք թաքուն չեն գործում, թաքուն գործում են ընդդիմադիր ուժերը։
Սամսոնյանն էլ հակադարձեց, թե գուցե Ավինյանն ուզում է վարչապետ դառնալ, դրա համա՞ր է հարցերին պատասխանում Փաշինյանի փոխարեն։
Հիշեցնենք, որ այս պահին Բաղրամյան պողոտայում ընթանում է Հայրենիքի փրկության շարժման հանրահավաքը։
Բացի ՍԴ դիմելուց, նախագահի ցանկացած այլ քայլ հակասահմանադրական կլինի. Արծվիկ Մինասյան
(Թարմացված է 17:05 03.03.2021)
Արծվիկ Միասնյանը կարծում է, որ Օնիկ Գասպարյանին աշխատանքից ազատելու օրենքի վիճարկումը նախագահի կողմից քիչ է` նախագահը պետք է դիմի ՍԴ։ԵՐԵՎԱՆ, 3 մարտի - Sputnik. ՀՀ նախագահը պետք է հետևողական լինի իր որոշման մեջ։ Բաղրամյան պողոտայում մեկնարկած Հայրենիքի փրկության շարժման հանրահավաքի ժամանակ ասաց ՀՅԴ ԳՄ ներկայացուցիչ Արծվիկ Մինասյանը` մանրամասներ հայտնելով այսօր նախագահի հետ կայացած հանդիպումից։
Նախագահի հետ հանդիպմանը մասնակցել են «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։
«Սա մեկ անձի հարց չէ, միայն ԳՇ պետ Օնիկ Գասպարյանի հարցը չէ` ամբողջ ժողովուրդն է ոտքի կանգնել։ Այս վճռականությունը փոխանցեցինք նախագահին նրա հետ հանդիպման ժամանակ։ Բացի այդ, մենք ասել ենք նաև, որ իրավական առումով նախագահը չի կարող անգործություն դրսևորել առանց հիմնավորման»,–ասաց Մինասյանը։
Նրա խոսքով` օրենքի վիճարկումը միայն քիչ է` նախագահը պետք է դիմի ՍԴ։ Մինասյանը կարծում է, որ նախագահի ցանկացած այլ քայլ հակասահմանադրական կլինի. այլ տարբերակ չի կարող լինել, քան ՍԴ դիմելը։
Մինասյանը շեշտեց, որ դավաճանը պետք է կրի իր պատիժն ու դատվի։
Հիշեցնենք, որ ԱԺ–ում կառավարության հետ հարցուպատասխանի ժամն է։ Վարչապետ Նիկոլ Փաշինյանը նույնպես ԱԺ–ում է։
Ինչպես է Նիկոլ Փաշինյանը կառավարությունից մեկնում Ազգային ժողով. տեսանյութ