Հայկական բանակը կարող է հետ մղել տարածաշրջանային սպառնալիքները. Սիվկով
(Թարմացված է 18:07 02.12.2018)
Ռուսաստանը հնարավոր ամեն ինչ անում է՝ ղարաբաղյան հակամարտության անցումը թեժ փուլ կանխելու համար։ԵՐԵՎԱՆ, 2 դեկտեմբերի — Spunik, Աշոտ Սաֆարյան․ Հայաստանը բավական հզոր զինված ուժեր ունի, որոնք կարող են հետ մղել տարածաշրջանային բնույթի սպառնալիքները։ Այդ մասին Sputnik Արմենիային տված հարցազրույցում հայտարարեց ռազմական քաղաքագետ, Հրթիռային և հրետանային գիտությունների ռուսական ակադեմիայի թղթակից անդամ Կոնստանտին Սիվկովը։
Նա համոզված է, որ Ռուսաստանը հնարավոր ամեն ինչ անում է ղարաբաղյան հակամարտության անցումը դեպի թեժ փուլ կանխելու համար։
«Ես գիտեմ, որ Հայաստանում բավական բացասաբար են վերաբերվում Ռուսաստանի և Ադրբեջանի սերտ հարաբերություններին, այդ թվում՝ ռուսական սպառազինություն Բաքու առաքելուն։ Բայց պետք է նշել, որ Ռուսաստանը զուգահեռ շատ ավելին է անում հանուն Հայաստանի անվտանգության։ Ռուսաստանը Հայաստանի տարածքում պահում է իր ռազմակայանը։ Դա անվտանգության շատ լուրջ երաշխիք է, որը համեմատելի չէ Ադրբեջան զենք առաքելու հետ», - ասաց ռազմական փորձագետը։
Նրա կարծիքով՝ Հայաստանի դեմ Ադրբեջանի լայնամասշտաբ ագրեսիայի դեպքում Ռուսաստանը կօգտագործի իր ռազմական ուժը իր դաշնակցի անվտանգությունը պաշտպանելու համար, Ադրբեջանը դա «շատ լավ հասկանում է»։
Բաքուն երկակի քաղաքականություն է վարում՝ մի կողմից երկխոսություն վարելով Ռուսաստանի հետ, մյուս կողմից նայելով Արևմուտքի ուղղությամբ։ Այդ առումով Ադրբեջանին ռուսական զենք առաքելը նպատակ ունի պահպանել նրա նկատմամբ վերահսկողությունը, ասում է Սիվկովը։
©
Sputnik / Asatur Yesayants
«Ակնհայտ է, որ եթե Ռուսաստանը հեռանա սպառազինությունների ադրբեջանական շուկայից, ապա այնտեղ վերջնականապես կհաստատվեն նույն ամերիկացիները։ ԱՄՆ-ն անպայման Ադրբեջան կառաքի իր զենքը և տեխնիկան, իր ռազմական խորհրդատուներին, որից հետո Արցախի դեմ պատերազմը երաշխավորված կլինի», - ասաց Սիվկովը։
Ռուսաստանի քաղաքականությունը Հարավային Կովկասում ուղղված է Ադրբեջանի` ԱՄՆ ազդեցության տակ վերջնական մտնելը կանխելուն և մյուս կողմից Արցախում թեժացումը զսպելու հնարավորություն ապահովելուն։
Սիվկովը նշեց նաև, որ ԱՄՆ-ն այսօր հիբրիդային պատերազմ է վարում Ռուսաստանի և Հայաստանի դեմ։ Նրանց իր վերահսկողության տակ վերցնելը թույլ կտա ԱՄՆ-ին լուծել այն խնդիրները, որոնք նրան չի հաջողվի լուծել ո՛չ գունավոր հեղափոխություններով, ո՛չ «արաբական գարունով», ո՛չ «կառավարելի քաոս» ստեղծելով, ինչպես, օրինակ, Իրաքում։ Այդ պատերազմում Վաշինգտոնին դիմակայել կարելի է միայն համատեղ ուժերով։
Փաշինյանն ԱԺ–ում է, բայց խուսափում է խոսել. նրան ուղղված հարցերին պատասխանում է Ավինյանը
(Թարմացված է 17:22 03.03.2021)
Կառավարության անդամների հետ հարցուպատասխանի ժամանակ վարչապետին ուղղված երեք հարց հնչեց, բայց երեքին էլ փոխվարչապետը «պատասխանեց»։ ԵՐԵՎԱՆ, 3 մարտի - Sputnik. Չնայած ՀՀ վարչապետ Նիկոլ Փաշինյանն Ազգային ժողովում է, սակայն խուսափում է պատասխանել պատգամավորների հարցերին։ Նշենք, որ այս պահին ԱԺ–ում կառավարության անդամների հետ հարցուպատասխանն է ընթանում։
Նախ ԼՀԿ–ական պատգամավոր Արկադի Խաչատրյանը հետաքրքրվեց Փաշինյանից, թե ի վերջո ինչու էր արվել «Իսկանդերների» հետ կապված հայտնի հայտարարությունը։
«Լուսավոր Հայաստան» կուսակցության առաջնորդ Էդմոն Մարուքյանն էլ հետաքրքրվեց` Փաշինյանն ունի՞ ապացույցներ մարտի 1-ին արված հայտարարության վերաբերյալ, թե ԶՈւ ԳՇ պետ Օնիկ Գասպարյանը վարչապետի հրաժարականն է պահանջել Սերժ Սարգսյանի հրամանով։
Երկու հարցերին էլ «պատասխանեց» փոխվարչապետ Տիգրան Ավինյանը` ասելով, թե երկու հարցերի առնչությամբ էլ հնչել են անհրաժեշտ բոլոր պատասխանները, և եթե կարիք լինի, վարչապետը նորից կանդրադառնա այդ հարցերին։
Մարուքյանն իր զարմանքը հայտնեց, թե ինչու Փաշինյանն ինքը հարցին չի պատասխանում, սակայն փոխվարչապետը շրջանցեց այս հարցը։
Դրանից հետո ԼՀԿ–ական պատգամավոր Անի Սամսոնյանը նույնպես հարց ուղղեց Փաշինյանին` շեշտելով, որ հենց նրան է ուզում հարցն ուղղել` հետաքրքրվելով, թե ինչու է բանակի ղեկավարությունը պահանջում Փաշինյանի հրաժարականը, այդ ի՞նչ կարմիր գիծ է հատել նա։
©
Photo : provided by Karapet Poghosyan
Հարցին կրկին պատասխանեց փոխվարչապետը` հավելելով, որ հարցերին պատասխանողի ընտրությունն իրենց իրավասությունն է։ Ավինյանը նշեց, որ ԳՇ պետն ու նրա ենթակաները քաղաքականության հետ չպիտի կապ ունենան։ «Քաղաքական հայտարարություններ անելը չի մտնում նրանց իրավասության մեջ, քանի որ ԳՇ հիմնական խնդիրը պետք է լինի մեր սահմանների պաշտպանությունն ու մեր անվտանգության ապահովումը»,–ասաց նա։
Իսկ ինչ վերաբերում է սահմանները հատելու մասին հարցին, Ավինյանը նշեց, որ իրենք թաքուն չեն գործում, թաքուն գործում են ընդդիմադիր ուժերը։
Սամսոնյանն էլ հակադարձեց, թե գուցե Ավինյանն ուզում է վարչապետ դառնալ, դրա համա՞ր է հարցերին պատասխանում Փաշինյանի փոխարեն։
Հիշեցնենք, որ այս պահին Բաղրամյան պողոտայում ընթանում է Հայրենիքի փրկության շարժման հանրահավաքը։
Բացի ՍԴ դիմելուց, նախագահի ցանկացած այլ քայլ հակասահմանադրական կլինի. Արծվիկ Մինասյան
(Թարմացված է 17:05 03.03.2021)
Արծվիկ Միասնյանը կարծում է, որ Օնիկ Գասպարյանին աշխատանքից ազատելու օրենքի վիճարկումը նախագահի կողմից քիչ է` նախագահը պետք է դիմի ՍԴ։ԵՐԵՎԱՆ, 3 մարտի - Sputnik. ՀՀ նախագահը պետք է հետևողական լինի իր որոշման մեջ։ Բաղրամյան պողոտայում մեկնարկած Հայրենիքի փրկության շարժման հանրահավաքի ժամանակ ասաց ՀՅԴ ԳՄ ներկայացուցիչ Արծվիկ Մինասյանը` մանրամասներ հայտնելով այսօր նախագահի հետ կայացած հանդիպումից։
Նախագահի հետ հանդիպմանը մասնակցել են «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։
«Սա մեկ անձի հարց չէ, միայն ԳՇ պետ Օնիկ Գասպարյանի հարցը չէ` ամբողջ ժողովուրդն է ոտքի կանգնել։ Այս վճռականությունը փոխանցեցինք նախագահին նրա հետ հանդիպման ժամանակ։ Բացի այդ, մենք ասել ենք նաև, որ իրավական առումով նախագահը չի կարող անգործություն դրսևորել առանց հիմնավորման»,–ասաց Մինասյանը։
Նրա խոսքով` օրենքի վիճարկումը միայն քիչ է` նախագահը պետք է դիմի ՍԴ։ Մինասյանը կարծում է, որ նախագահի ցանկացած այլ քայլ հակասահմանադրական կլինի. այլ տարբերակ չի կարող լինել, քան ՍԴ դիմելը։
Մինասյանը շեշտեց, որ դավաճանը պետք է կրի իր պատիժն ու դատվի։
Հիշեցնենք, որ ԱԺ–ում կառավարության հետ հարցուպատասխանի ժամն է։ Վարչապետ Նիկոլ Փաշինյանը նույնպես ԱԺ–ում է։
Ինչպես է Նիկոլ Փաշինյանը կառավարությունից մեկնում Ազգային ժողով. տեսանյութ
Սերժ Սարգսյանը պատասխանել է հարցին՝ արդոք Օնիկ Գասպարյանն իր դրդմամբ է գործում
(Թարմացված է 17:21 03.03.2021)
ՀՀ երրորդ նախագահ Սերժ Սարգսյանը շեշտեց, թե ամենայն հավանականությամբ իշխանությունը նոր «ներկայացում» է պատրաստում։
ԵՐԵՎԱՆ, 3 մարտի – Sputnik. ՀՀ երրորդ նախագահ Սերժ Սարգսյանը լրագրողների հետ զրույցում պատասխանեց այն լուրերին, թե Զինված ուժերի ԳՇ պետ Օնիկ Գասպարյանն իր դրդմամբ է գործում։
«Այդ տեղեկությունը իրականությանը համապատասխանում է այնքանով, որքանով իրականությանը համապատասխանում են կապիտուլյանտի հայտարարություններն այն մասին, թե որքան կառուցողական է Ալիևը, որ Շուշին ադրբեջանական քաղաք է, |«Իսկանդերը» պայթում է 10 տոկոսով և այն մասին, որ «Իսկանդերը» 80–ականների զենք է»,– ասաց Սարգսյանը։
Նրա կարծիքով՝ իշխանությունը ներկայացում է պատրաստում։
«Համբերենք, տեսնենք, իսկ մնացած հարցերին կպատասխանեմ, երբ ներկայացումը դիտենք»,–եզրափակեց Սարգսյանը։