ԵՐԵՎԱՆ, 11 նոյեմբերի — Sputnik. Միջազգային փորձագետների և Վենետիկի հանձնաժողովի մոտեցումն է, որ խորքային փոփոխություններ Ընտրական օրենսգրքում չի կարելի անել ընտրություններից առաջ առնվազն մեկ տարի ժամկետում: Այս մասին այսօր ՀՀԿ խորհրդի նիստից հետո լրագրողների հետ զրույցում ասաց կուսակցության գործադիր մարմնի անդամ Վիգեն Սարգսյանը:

© Sputnik / Asatur Yesayants

ՀՀԿ-ն հնարավորություն ունի կարճ ժամանակում պատրաստվել ընտրություններին. Վիգեն Սարգսյան

«Մենք գնում ենք ընտրությունների՝ շատ լավ հասկանալով, որ այդ հապճեպության պատճառներից մեկն այն ոգևորությունն է, որ այսօր իշխանություն ձևավորող քաղաքական ուժը, հատկապես Երևանի ավագանու ընտրություններից հետո հավաքելով բարձր տոկոս, չի ցանկանում կորցնել բարձր վարկանիշը ընտրություններից առաջ»,-ասաց նա:

Վերջինս նշեց, որ հայտ են ներկայացնում՝ այս ընտրություններին լինելու հիմնական ընդդիմադիր ուժ, առավել ևս, որ ունեն սկզբունքային հակասություններ գործող իշխանության հետ. «Առաջիկա ընտրություններում չի որոշվելու, թե ով է լինելու իշխանություն, այդ հարցը, կարծես թե, որոշված է, և կարծում եմ՝ այն վարչապետը, որին հրապարակում հավաքված մեր քաղաքացիները մատնանշեցին որպես ժողովրդի թեկնածու, պետք է շարունակի կատարել այն պարտականությունը, որը ստանձնել է:

Ինքն ունի ապացուցելու բան, և մենք պատրաստ ենք որպես ընդդիմություն հավասարակշռել դա՝ պարտադրելով, որ ժողովրդի տված խոստումները կատարվեն:

Սա է մեր նպատակը, օրակարգը, և մենք գնում ենք ժողովրդից քվե խնդրելու ոչ թե իշխանություն լինելու, լծակներ ունենալու, ոչ թե արտոնություն ունենալու, այլ գնում ենք քվե խնդրելու՝ ծանր պատասխանատու բեռ կրելու, ընդդիմություն լինելու, որը ենթադրում է միմիայն ծանր աշխատանք, քրտինք, և մենք պատվով ուզում ենք դա կատարել»,-ասաց նա:

ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։

Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան

Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։

Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:

Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։

«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:

Sputnik Արմենիայի տեղեկություններով` նրանք արդեն հասել են Սպիտակ։

Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին