Ապօրինի ջրագիծ Ավան Առինջում

Հովիկ Աբրահամյանի ջերմոցները տարիներ շարունակ ոռոգվել են գողացած ջրով. ՊՎԾ. տեսանյութ

328
(Թարմացված է 20:53 05.11.2018)
Պետական վերահսկողական ծառայությունը բացահայտել է Աբրահամյան ընտանիքին պատկանող բիզնեսի անօրինական կողմերը։

ԵՐԵՎԱՆ, 5 նոյեմբերի — Sputnik. Նախկին վարչապետ Հովիկ Աբրահամյանի ընտանիքին պատկանող «Արտաշատ Վինկոմ» ՓԲԸ-ի ջերմոցները շուրջ 15 տարի ոռոգվել են անօրինական ջրով, որի դիմաց գրեթե ոչ մի դրամ չի վճարվել։

Այս բացահայտումն, ինչպես նշված է ՀՀ վարչապետին առընթեր Պետական վերահսկողական ծառայության ֆեյսբուքյան էջում, արել են ծառայության աշխատակիցները` ՀՀ վարչապետի հանձնարարականով ուսումնասիրելով «Արտաշատի» ՋՕԸ սպասարկման տարածքում «Մխչյան» խողովակաշարը։

Այդտեղ հայտնաբերվել են 100 մմ տրամագծով 50-70 լիտր /վրկ ջրատվությամբ խողովակների միացումներ, որոնցով իրականացվում է հարակից խաղողի այգիների ոռոգումը:

Խողովակի վրա առկա են երեք անօրինական միացված խողովակներ` յուրաքանչյուրը  100 մմ տրամագծով և 50-70 լ/վ  ջրատվությամբ:

Ըստ հաղորդագրության, նախնական հաշվարկով այս խողովակաշարով ավելի քան 15 տարի ջուր է հոսել խաղողի այգիները ոռոգելու նպատակով, սակայն դրանց միայն մի մասի համար են առկա վճարումներ, այն էլ՝ չնչին։

Դեպքի առիթով ՀՀ Ոստիկանության Արարատի մարզի Արտաշատի բաժնում նախապատրաստվում են նյութեր:

328
թեգերը:
Հովիկ Աբրահամյան, Հայաստան
Ըստ թեմայի
Ջրի զտման ռուսական տեխնոլոգիաները կազատեն Հայաստանը խողովակների թանկարժեք վերանորոգումից
Ու՞մ փողերով են ջրվում Առինջի փարթամ այգիները
Քաղաքական գործի՞չ, թե՞ ջրագող. ի՞նչ է կատարվում Արթուր Բաղդասարյանի հետ կապվող գործարանում