Նիկոլ Փաշինյան

Փաշինյանը պետք է հրաժարվի «սուպերվարչապետական» համակարգից. Քոչարյան

236
Քաղտեխնոլոգ Կարեն Քոչարյանը կարծում է, որ ի դեմս «Քաղաքացիական պայմանագիր» կուսակցության` նոր քաղաքական մենաշնորհը բացառող նոր համակարգի ստեղծումը մեծ մասամբ կախված է լինելու Նիկոլ Փաշինյանի կամքից։

ԵՐԵՎԱՆ, 5 նոյեմբերի — Sputnik. Հայաստանի ժողովրդավարական ինստիտուտների լիարժեք աշխատանքն անհնար է առանց իշխանության երեք ճյուղերի` գործադիր, օրենսդրական ու դատական իշխանությունների հստակ բաժանման։ Այս մասին այսօր մամուլի ասուլիսի ժամանակ ասաց քաղտեխնոլոգ Կարեն Քոչարյանը։

Անկախ Հայաստանի պատմության մեջ նման տարանջատում չի եղել, բայց հիմա այդ հարցը վերջապես լուծելու հնարավորություն է հայտնվել։

Քաղտեխնոլոգի կարծիքով` ըստ էության երկրում օրենքով սահմանված զսպումների ու հակակշիռների համակարգ չկա, իսկ դա քաղաքական կյանքի կայունության պարտադիր պայման է։

Նա նշեց, որ ի դեմս «Քաղաքացիական պայմանագիր» կուսակցության` նոր քաղաքական մենաշնորհը բացառող նոր համակարգի ստեղծումը մեծ մասամբ կախված է լինելու Նիկոլ Փաշինյանի կամքից։

Վարչապետի պաշտոնակատարը բողոքի շարժման ղեկավար լինելու ընթացքում ասում էր, որ այսուհետ ցանկացած իշխանություն, որը կկորցնի «հոտառությունը», կմերժվի ժողովրդի կողմից։

Պատասխանելով հարցին` արդյո՞ք վստահություն կա, որ Փաշինյանը չի կրկնի նախորդների սխալները, Քոչարյանն ասաց, որ Փաշինյանը քայլ առ քայլ պետք է հրաժարվի «սուպերվարչապետական» համակարգից, պետք է իսկապես գործող ինստիտուտներ ստեղծել։

Փորձագետը կարծում է, որ հիմա լեգիտիմ խորհրդարան ստանալու հնարավորություն կա։ Ճիշտ է`պրոֆեսիոնալիզմի տեսանկյունից ցանկալի որակ չի ունենա, բայց քաղաքական համակարգի առողջացման համար հիմքեր կդրվեն։

Քոչարյանը չբացառեց նաև, որ Փաշինյանի «Քաղաքացիական պայմանագիր» կուսակցության ներսում կարող են խմորումներ լինել նոր կառավարության ընտրություններից ու ձևավորումից հետո։ Նրա խոսքով` կուսակցությունում անխուսափելիորեն տարբեր լոբբիստական խմբերի կառաջանան, ինչը նորմալ է նման իրավիճակում։

236
թեգերը:
Նիկոլ Փաշինյան, Հայաստան
Ըստ թեմայի
Ինչու ԱՄՆ–ին կարելի է, Հայաստանին` ոչ. Փաշինյան
Հակոբյան. «Փաշինյանը պրագմատիկ հաշվարկ է անում»
Հայ-իրանական սահմանն ամեն պահի կարող է փակվել. Փաշինյան
«Տանիքներ» ու «փայատերեր». Փաշինյանն ասաց` ինչպես է պատրաստվում պաշտպանել ներդրումները