Արամ Սարգսյան

Արամ Սարգսյանը ներողություն է խնդրել Facebook-ում

326
(Թարմացված է 10:54 05.11.2018)
Պատգամավորը գրել է, որ անջատումը չի խանգարի ժողովրդի օգտին գործելու հարցում։

ԵՐԵՎԱՆ, 5 նոյեմբերի – Sputnik. «Հանրապետություն» կուսակցության ղեկավար, ԱԺ պատգամավոր Արամ Սարգսյանը ներողություն է խնդրել, որ «Լույս» դաշինքն այլևս չկա։

«Շնորհակալություն եմ հայտնում բոլոր նրանց, ովքեր հավատում էին «Լույս» դաշինքի առաքելությանն ու հաջողությանը: Ներողություն եմ խնդրում, որ դաշինքն այլևս չկա։ Համոզված եղեք, որ մենք առանձին-առանձին էլ գործելու ենք ի շահ պետության ու ժողովրդի, և այս հարցում այլընտրանք չկա»,– Facebook–ի իր էջում գրել է նա:

Սարգսյանը նշել է, որ «Հանրապետությունը» մասնակցելու է Աժ արտահերթ ընտրություններին` իր ծրագրերն ու գաղափարները իրականացնելու նպատակով:

«Մնացածը առաջիկայում...»,– խոստացել է նա։

Նշենք, որ «Լույս» դաշինքը ստեղծվել էր Երևանի ավագանու ընտրություններից առաջ։ «Լուսավոր Հայաստան» և «Հանրապետություն» կուսակցությունների դաշինքն ավագանու ընտրությանը մասնակցեց միասնական թեկնածուով (ՀՀ արդարադատության նախարար Արտակ Զեյնալյան) և հայտնվեց երրորդ հորիզոնականում։ «Լույսի» միասնական թեկնածուն ավելի ուշ հրաժարվեց մանդատից։

 

326
թեգերը:
Հայաստան
թեմա:
ԱԺ արտահերթ ընտրություններ 2018 (115)
Ըստ թեմայի
Աշոտյան. «Կարող եք թաքնված տեսախցիկ դնել և տեսնել` որքան մարդ է աշխատում ՀՀԿ գրասենյակում»
Առաքելյան. «ՀՅԴ-ն ունի իր մշտական ընտրազանգվածը»
«Լուսավոր Հայաստանը» ԱԺ արտահերթ ընտրություններին կմասնակցի միայնակ