Նիկոլ Փաշինյան-Արմեն Սարգսյան հանդիպումը. 9 հոկտեմբերի 2018 թ. Երևան

Նախագահը կատարում է խոստումը. խորհրդակցություններ Մաշտոց 47-ում

243
(Թարմացված է 20:24 09.10.2018)
Նախագահը հանդիպումներ է ունեցել վարչապետ Նիկոլ Փաշինյանի եւ ԱԺ նախագահ Արա Բաբլոյանի հետ:

ԵՐԵՎԱՆ, 9 Հոկտեմբեր — Sputnik. Հանրապետության նախագահ Արմեն Սարգսյանը խորհրդակցություններ է նախաձեռնել կառավարության և Ազգային ժողովի ղեկավարության հետ:

Այս մասին տեղեկացնում են  ՀՀ նախագահի աշխատակազմի հասարակայնության հետ կապերի վարչությունից:

Հանրապետության նախագահն այսօր իր նստավայրում հանդիպումներ է ունեցել վարչապետ Նիկոլ Փաշինյանի եւ Ազգային ժողովի նախագահ Արա Բաբլոյանի հետ:

Զրուցակիցները քննարկել են երկրում ստեղծված ներքաղաքական իրավիճակը եւ առկա խնդիրների հանգուցալուծման ուղիները՝ այդ համատեքստում կարեւորելով երկրում կայունության պահպանումն ու հանդուրժողականության մթնոլորտը:

Встреча Президента и спикера Парламента Армении Армена Саркисяна и Ара Баблояна (9 октября 2018). Еревaн
© Photo : official site of the President of RA
ԱԺ նախագահ Արա Բաբլոյանը և ՀՀ նախագահ Արմեն Սարգսյանը

Նախագահ Սարգսյանը ողջունել է անցած օրերի բանակցային գործընթացը եւ  շեշտել, որ իրավիճակի հանգուցալուծման եւ առկա խնդիրների լուծման միակ ճանապարհը երկխոսությունն է:

Հանրապետության նախագահը հույս է հայտնել, որ հասարակությունն ու քաղաքական ուժերը կշարունակեն խոհեմություն ու սթափություն դրսևորել եւ առաջնորդվել երկրի շահերով, Սահմանադրությամբ ու օրենքներով:

Հիշեցնենք՝ Արմեն Սարգսյանը խոստացել էր Ֆրանսիայից Հայաստան վերադառնալուն պես խորհրդակցություններ հրավիրել ստեղծված քաղաքական իրավիճակի շուրջ:

243
թեգերը:
Արմեն Սարգսյան, Նիկոլ Փաշինյան, Հայաստան