Երևանի ավագանու ընտրություններ

Քվեարկություն Երևանում. ո՞րն է այս ընտրությունների առանձնահատկությունը

49
(Թարմացված է 16:43 24.09.2018)
Ընտրական համակարգերի միջազգային փորձագիտական կենտրոնի նախագահ Ալեքսանդր Ցինկերը խոսել է Երևանի ավագանու ընտրությունների առանձնահատկությունների մասին։

ԵՐԵՎԱՆ, 24 սեպտեմբերի — Sputnik. Երևանի Ավագանու ընտրություններն առանձնահատուկ էին, սակայն ձանձրալի։ Ընտրություններին մասնակցությունը ցածր էր։ Այսօր Sputnik Արմենիա մամուլի կենտրոնում այս կարծիքը հայտնեց Ընտրական համակարգերի միջազգային փորձագիտական կենտրոնի նախագահ, Քնեսեթի նախկին պատգամավոր, Հայաստան-Իսրայել հասարակական ֆորումի համանախագահ, դոկտոր Ալեքսանդր Ցինկերը։

«Նախևառաջ իշխանափոխությունից հետո սա առաջին ընտրությունն էր, և հետաքրքիր էր, թե ինչպես ամեն ինչ կանցնի։ Մեզ համար անհասկանալի էր, թե ինչու մեզանից բացի, ոչ ոք չի եկել դիտորդական առաքելություն իրականացնելու` իրավիճակին ծանոթանալու համար», – ասաց Ցինկերը։

Նրա կարծիքով` դա կարող է կապված լինել ֆինանսական խնդիրների հետ։ Բանն այն է, որ մի շարք հասարակական կազմակերպություններ սահմանափակ բյուջե ունեն, և եթե չնախատեսված միջոցառում է, գումար գտնելը դժվար է։ Ցինկերը նաև կարծում է, որ Հայաստան չգալով մյուս դիտորդները շատ բան են կորցրել։

Ընտրությունների առանձնահատկություններից մեկը, ըստ Ցինկերի, նախընտրական քարոզարշավի սեղմ ժամկետներն էին։ Այդ առումով նա նշեց ԿԸՀ թիմի պրոֆեսիոնալ պատրաստվածության բարձր մակարդակը։

«Կրճատած ընտրարշավը քաղաքական ուժերին անհավասար դրության մեջ դրեց։ Հայտնի քաղաքական ուժը, որն օրինակ, արդեն ներկայացված է խորհրդարանում, և որին ճանաչում են բոլորը, առանձնակի իրեն ներկայացնելու կարիք չուներ։ Այն քաղաքական ուժերը, որոնք նոր են հայտնվել ասպարեզում, չեն կարող 12 օրվա ընթացքում նորմալ ներկայացնել իրենց։ Դա անիրատեսական է», – համոզված է Ցինկերը։

Նա նաև նշեց, որ ի տարբերություն նախորդ ընտրությունների, ընտրատեղամասերում հանգիստ մթնոլորտ էր։

Այս ընտրությունները տարբերվում էին նաև ընտրության մասնակիցների լիազոր ներկայացուցիչների բացակայությամբ։

«Գրեթե բոլոր ընտրատեղամասերում «Իմ քայլը» դաշինքից դիտորդներ կային, որոշ տեղերում` «ԲՀԿ»–ից, երբեմն ՀՅԴ–ից և «Երկիր Ծիրանի»–ից դիտորդներ էին նկատվում», – ասաց Ցինկերը։

Նրա կարծիքով` սա կարող է պայմանավորված լինել տարբեր քաղաքական ուժերի մոտ դիտորների պակասով։

Ցինկերը նշեց, որ ընդհանուր առմամբ, ընտրողների մոտ ընտրությունների վերաբերյալ վստահելի վերաբերմունք է ձևավորվել։

Միևնույն ժամանակ, ինչպես նշեց Ցինկերը, ընտրողների մասնակցությունը ցածր էր։

Հիշեցնենք, որ Երևանի ավագանու ընտրություններում հաղթեց «Իմ քայլը» դաշինքը, որին կողմ է քվեարկել ընտրողների 81,06 տոկոսը (294109 ընտրող)։ Երկրորդ տեղում է «Բարգավաճ Հայաստան» կուսակցությունը՝ 6,95 տոկոս արդյունքով (25219)։ Երրորդ հորիզոնականում «Լույս» դաշինքն է՝ 4,99 տոկոս արդյունքով (18112)։ Ընտրությունների մասնակցությունը կազմել է 43,65 տոկոս (370323 ընտրող)։ Այսպիսով՝ «Իմ քայլը» դաշինքի համամասնական ցուցակը գլխավորող Հայկ Մարությանը դարձավ Երևանի նոր քաղաքապետ։ Մարությանը Երևանի քաղաքապետի պաշտոնը կստանձնի հոկտեմբերի 10-ին։

49
թեգերը:
Երևանի ավագանու ընտրություններ, Հայաստան
թեմա:
Երևանի ավագանու ընտրություններ 2018 (109)
Ըստ թեմայի
ՀՅԴ–ն ընդունում է ավագանու ընտրությունների արդյունքը, բայց և բացահայտում դրանց գաղտնիքը
Երևանի ընտրությունները` վերադարձ ապագային. ինչ ժառանգություն է ստացել Փաշինյանը
Երևանի ավագանու ընտրության նախնական արդյունքները
Գագիկ Ծառուկյանն ընդունում է Հայկ Մարությանի հաղթանակը
Արդյունքները հայտնի են. ինչպես են երևանցիները քվեարկել քաղաքի տարբեր վարչական շրջաններում
Զոհրաբ Մնացականյան

«Պատրաստ եմ աշխատել յուրաքանչյուրի հետ». Մնացականյանը` Ադրբեջանի ԱԳ նոր նախարարի մասին

78
(Թարմացված է 12:04 01.08.2020)
ՀՀ ԱԳ նախարար Զոհրաբ Մնացականյանը խոսել է Ադրբեջանի նորանշանակ գործընկերոջ հետ հնարավոր շփման մասին։

ԵՐԵՎԱՆ, 1 օգոստոսի — Sputnik. ՀՀ ԱԳ նախարար Զոհրաբ Մնացականյանը դեռ առիթ չի ունեցել հանդիպելու Ադրբեջանի նորանշանակ ԱԳ նախարար Ջեյհուն Բայրամովի հետ, սակայն սպասում է այդ հանդիպմանը: Մնացականյանն այս մասին հայտնել է «Շանթ» հեռուստաընկերության «Հեռանկար» հաղորդաշարին տված հարցազրույցի ժամանակ` անդրադառնալով Ադրբեջանի նոր արտգործնախարար Ջեյհուն Բայրամովի հետ հնարավոր շփմանը։

«Պատրաստ եմ աշխատել յուրաքանչյուրի հետ, իհարկե, համաչափ պատասխանատվություն կրող անձի, արտաքին գործերի նախարարի հետ՝ այս գործընթացն առաջ տանելու համար, անկախ նրանից, թե ով է այդ անձը: Բնականաբար, ակնկալում եմ, որ գործ կունենամ կառուցողական և պատասխանատու մեկի հետ, որի հետ ես կսկսեմ աշխատել»,–ասել է Մնացականյանը։

Նա նշել է, որ Հայաստանի համար այժմ շատ էական է, որ լավագույնս ամրագրենք այս դեէսկալացիան և նախապատրաստվենք աշխատանքի հաջորդ փուլին:

Նա հիշեցրել է, որ Ադրբեջանի` արդեն իսկ նախկին ԱԳ նախարար Էլմար Մամեդյարովի հետ հունվարի վերջին տեղի ունեցած հանդիպման ժամանակ բոլոր ուղղություններով ունեցել են բավական երկար, բովանդակալից և խորքային աշխատանք։ Մնացականյանի խոսքով` Ադրբեջանի նախկին ԱԳ նախարարի հունվարին կայացած հանդիպումից հետո պետք է անցնեին հաջորդ փուլերին, որին Հայաստանը բացարձակապես պատրաստ էր։ Ավելին, գարնանը ևս մեկ հանդիպում էր նախատեսված, որը, սակայն, համավարակի պատճառով կյանքի չկոչվեց։

Շրջանառության մեջ դրված հայտագիրը Հայաստանի պատասխանն է զորավարժություններին. ԱԳ նախարար

Նախարարը ընդգծել է, որ Ադրբեջանի կողմից Հայաստանին որպես հարմար թշնամի օգտագործելն անընդունելի և անարդյունավետ է։ Նրա խոսքով` շատ ավելի օգտակար կլինի, եթե Ադրբեջանը կարողանա ավելի արդյունավետ անդրադառնալ իր ներքաղաքական հարցերին, իր ժողովրդավարությանը, մարդու իրավունքներին, կոռուպցիային առնչվող հարցերին ինքնուրույն, առանց Հայաստանին որպես հարմար թշնամի օգտագործելով:

Հիշեցնենք, որ հուլիսի 16-ին հայտնի դարձավ, որ Ադրբեջանի նախագահ Իլհամ Ալիևն աշխատանքից ազատել է Ադրբեջանի ԱԳ նախարար Էլմար Մամեդյարովին։ Ալիևի հրամանագրով կրթության նախարար 47-ամյա Ջեյհուն Բայրամովը նշանակվեց Ադրբեջանի ԱԳ նախարար։

78
թեգերը:
ԵԱՀԿ Մինսկի Խումբ, Ջեյհուն Բայրամով, Նախարար, Զոհրաբ Մնացականյան
Ըստ թեմայի
Իսրայելական «դրոնաթափ». Հրեական պետությունը կվերանայի՞ Ադրբեջանի հետ իր քաղաքականությունը
Քանի՞ անգամ է Ադրբեջանը խախտել կրակի դադարեցման ռեժիմը հուլիսի 30-ի լույս 31-ի գիշերը
55 վնասված տուն, 37 քրգործ. Ադրբեջանի արարքը պետք է գնահատվի միջազգային չափորոշիչներով
Զոհրաբ Մնացականյան

Շրջանառության մեջ դրված հայտագիրը Հայաստանի պատասխանն է զորավարժություններին. ԱԳ նախարար

103
(Թարմացված է 11:30 01.08.2020)
Զոհրաբ Մնացականյանն անդրադարձել է Թուրքիայի` այս օրերին վարած քաղաքականությանը` ասելով, որ Թուրքիան ի ցույց չի դնում փոխադարձ հարգանք։

ԵՐԵՎԱՆ, 1 օգոստոսի — Sputnik. Թուրքիայի դիրքավորումն այս զարգացումների լույսի ներքո արտահայտում է Թուրքիայի՝ այս շրջանում ձևավորված ապակառուցողական և ապակայունացնող քաղաքականությունը։ Նման կարծիք է հայտնել ԱԳ նախարար Զոհրաբ Մնացականյանը «Շանթ» հեռուստաընկերության «Հեռանկար» հաղորդաշարին տված հարցազրույցի ժամանակ` անդրադառնալով տավուշյան իրադարձություններին Թուրքիայի աննախադեպ ներգրավվածությանը։

«Թուրքիայի դիրքավորումն արտահայտում է Թուրքիայի՝ այս շրջանում ձևավորված ապակառուցողական քաղաքականությունը, որին մենք ականատես ենք եղել և շարունակում ենք ականատես լինել Արևելյան Միջերկրականում, Հյուսիսային Աֆրիկայում, Մերձավոր Արևելքում: Եվ այն, ինչ տեղի էր ունենում հուլիսի 12-ից հետո, նպատակ ունի արտահանելու այդ ապակայունացնող քաղաքականությունը Հարավային Կովկասում»,–ասել է նախարարը։

Նրա խոսքով` Թուրքիայի այդ նպատակն անընդունելի է, և դրան Հայաստանը դիմակայում է բոլոր հնարավոր միջոցներով և դիմակայելու է այն առումներով, որ Հարավային Կովկասի ապակայունացման որևէ փորձ տարածաշրջանի հարևանի կողմից ՀՀ–ի համար անընդունելի է լինելու: Այդ առումով, ըստ Մնացականյանի, Հայաստանն օգտագործում է իր ձեռքում եղած բոլոր հնարավոր գործիքները՝ թե՛ ազգային, թե՛ միջազգային մեր բոլոր ձևաչափերի ակտիվացման միջոցով: 

Մնացականյանն անդրադարձել է նաև օրերս Հայաստանի կողմից  շրջանառության մեջ դրված հայտագրին` Եվրոպայում սովորական զինված ուժերի մասին պայմանագրի և Վիեննայի փաստաթղթի շրջանակներում Թուրքիայի կողմից Հայաստանի տարածք տեսչական այցերի կասեցմանը։ Նրա գնահատմամբ` դա Հայաստանի համաչափ արձագանքն էր այն գործողություններին, որ իրականացնում են այսօր Թուրքիան և Ադրբեջանը միասին։ Խոսքը ռազմական զորավարժությունների մասին է, որոնք տեղի են ունենում այն ժամանակ, երբ և՛ միջազգային հանրության, և՛ համանախագահների ամբողջ ռեսուրսը ներդրվում է դեէսկալացիայի ամրապնդման վրա։

Թուրքիայի զորավարժություններն ու Էրդողանի արկածախնդրությունը. ինչ մեսիջներ ունեն դրանք

«Սա, իհարկե, անընդունելի է։ ԵՍԶՈւ-ի և Վիեննայի փաստաթղթից բխող այդ ռազմական ստուգումներն իրենց մեջ պարունակում են շատ էական գործիք։ Դա գործիք է փոխվստահության ձևավորման և գործիք է անվտանգային շահերի հավասար, փոխադարձ հարգանքի։ Այն, ինչ անում է Թուրքիան, բնականաբար, ի ցույց չի դնում նման փոխադարձ հարգանք, և սա հավասարազոր պատասխան քայլն էր Հայաստանի կողմից»,–ասել է նախարարը։

Հիշեցնենք, որ թուրք–ադրբեջանական ռազմական համագործակցության շրջանակում այս օրերին` հուլիսին 29–ից օգոստոսի 10-ը, անցկացվում են համատեղ պլանային զորավարժություններ, այդ թվում նաև` Հայաստանի հետ սահմանին։

ՀՀ ԱԳՆ–ն հուլիսի 29-ին հանդես եկավ հայտարարությամբ` ասելով, որ հաշվի առնելով ստեղծված իրավիճակը՝ ԵԱՀԿ-ում ՀՀ մշտական առաքելությունը շրջանառել է հայտագիր՝ ի գիտություն ԵԱՀԿ մասնակից պետություններին և ԵՍԶՈՒ պայմանագրի (Եվրոպայում սովորական զինված ուժերի մասին պայմանագրի) անդամ երկրներին` տեղեկացնելով, որ Հայաստանը այսուհետ կասեցնում է ԵՍԶՈւ պայմանագրի և Վիեննայի փաստաթղթի շրջանակներում Թուրքիայի տեսչությունները կամ հրավիրյալի կարգավիճակով թուրք տեսուչների մասնակցությունը Հայաստանի տարածքում անցկացվելիք տեսչական այցերին։

Համաձայն հայտագրի՝ Հայաստանի այս որոշումը կայացվել է ԵՍԶՈւ պայմանագրի և Վիեննայի փաստաթղթի սկզբունքների հիման վրա և բխում է Հայաստանի անվտանգային շահերից և մտահոգություններից:

Համընկնում են արդյոք Ռուսաստանի և Թուրքիայի տեսակետները Ղարաբաղի հարցում. ՌԴ ԱԳՆ պատասխանը

ՀՀ տարածքում ցանկացած տեսչական այցի իրականացումը Թուրքիայի կողմից, որը բացահայտ կերպով աջակցում է Ադրբեջանի՝ Հայաստանի դեմ ռազմական գործողությունները և հանդես է գալիս աննախադեպ սպառնալիքներով, մասնավորապես՝ 2020թ. հուլիսի 12-ից սկսած, բացասաբար կանդրադառնա Հայաստանի անվտանգային շահերի վրա և կարող է վնասել Հայաստանի բնակչության անվտանգությունը:

103
թեգերը:
Լեռնային Ղարաբաղ, Տավուշ, Սահման, Զորավարժություններ, Հայաստան, Թուրքիա, Զոհրաբ Մնացականյան
Ըստ թեմայի
Սեպտեմերիանա. ինչպես հույներին վտարեցին Թուրքիայից
«Անկասկած, ուժի ցուցադրում է». Քոչարյանը` ադրբեջանա–թուրքական զորավարժությունների մասին
Թուրքիայից դոնդողանյութ ու կոլագեն կմատակարարվի ԵԱՏՄ երկրներ
Церемония жеребьевки финальной стадии Лиги чемпионов УЕФА 2019/20 в штаб-квартире УЕФА (10 июля 2020). Ньон

Հայկական 3 ակումբ ՈւԵՖԱ-ի Եվրոպայի լիգայում կպայքարեն 2-րդ փուլի ուղեգրի համար

0
Կորոնավիրուսի համավարակի պատճառով Եվրոգավաթների 2020/21 մրցաշրջանը սկսվում է ավելի ուշ, քան նախատեսված էր, քանի որ նախորդ 2019/20 թվականների խաղարկությունները նույնպես ավարտվում են ավելի ուշ:

ԵՐԵՎԱն, 10 օգոստոսի - Sputnik. Շվեյցարական Նյոն քաղաքում կայացել է ՈւԵՖԱ-ի Եվրոպայի լիգայի որակավորման առաջին փուլի վիճակահանությունը: 94 թիմեր, այդ թվում նաև 3 հայկական ակումբ`«Շիրակը», «Նոան» և «Ալաշկերտը»  կպայքարեն երկրորդ փուլի ուղեգրերի համար:

Գյումրիի «Շիրակն» ու Երևանի «Նոան» կխաղան մրցակցի հարկի տակ համապատասխանաբար ռումինական «Ստյաուա» և ղազախական «Կայրաթ» թիմերի հետ: «Ալաշկերտը» սեփական հարկի տակ մրցելու է Մակեդոնիան ներկայացնող «Ռենովայի» հետ:

Վիճակահանություններից հետո բոլորը սկսում են քննարկել, թե ու՞մ ի՞նչ մրցակից է բաժին ընկել: Այդ առումով անկասկած ավելի բարդ մրցակիցներ ստացան «Շիրակն» ու «Նոան»:  Ռումինական «Ստյաուան» իր երկրի ամենատիտղոսակիր ակումբներից մեկն է ու ֆավորիտ է համարվում «Շիրակի» հետ խաղում, առավել ևս, որ Գյումրիի թիմի մի շարք առաջատար ֆուտբոլիստներ տեղափոխվել են Երևանի «Արարատ»: Բայց չպետք է մոռանանք, որ «Շիրակն» անակնկալ մատուցող թիմ է:

Հայաստանի գավաթակիր «Նաոն» եվրոպական մրցասպարեզում իր նորամուտը նշելու է Ղազախսանում:  «Կայրաթը» իրոք շատ ուժեղ թիմ է, ու «Նոան» հաջորդ փուլ դուրս գալու համար սխրանք պետք է գործի: Բայց մենք արդեն համոզվել ենք, որ «Նոան», համենայնդեպս Հայաստանում, պայքարում է մինչև վերջին վայրկյանը ու հիմնականում հասնում է իր նպատակին: Հայաստանի սուպերգավաթը նվաճելուց հետո էլ թիմը Ղազախստան կմեկնի բարձր տրամադրությամբ:

Հայկական թիմերից համեմատաբար թույլ մրցակից է բաժին հասել «Ալաշկերտին»: Եղիշե Մելիքյանի թիմը նախ խաղն անցկացնելու է սեփական հարկի տակ, բացի այդ էլ Մակեդոնիայի «Ռենովան» սարսափելի մրցակից չէ: Սակայն մրցակցին թերագնահատել էլ պետք չէ: Պարզապես հաջորդ փուլ դուրս գալու շանսեր «Ալաշկերտը» իրականում ունի այս մրցակցի հետ դիմակայությունում:

Կորոնավիրուսի համավարակի պատճառով  Եվրոգավաթների 2020/21 մրցաշրջանը սկսվում է ավելի ուշ քան նախատեսված էր, քանի որ նախորդ 2019/20 թվականների խաղարկությունները նույնպես ավարտվում են ավելի ուշ: Եվրոպայի լիգայի 2019/20 թվականների խաղարկության եզրափակիչը կայանալու է օգոստոսի 21-ին: Իսկ 2020/21-ի խաղարկության որակավորման առաջին փուլը մեկնարկելու է օգոստոսի 27-ին: Թիմերը հաղթողին որոշելու են մեկ խաղով:

0
թեգերը:
«Ալաշկերտ» ֆուտբոլային ակումբ, «Նոա» ֆուտբոլային ակումբ, ֆուտզալ, ՀՖՖ, ՈւԵՖԱ