ԵՐԵՎԱՆ, 24 սեպտեմբերի — Sputnik. Հայաստանի և Ադրբեջանի արտգործնախարարներ Զոհրաբ Մնացականյանի ու Էլմար Մամեդյարովի հանդիպման օրը հաստատված է։ Այս մասին հայտնում է ՀՀ արտգործնախարարության մամուլի ծառայությունը։
Հանդիպումը տեղի կունենա սեպտեմբերի 26-ին Նյու Յորքում։
ԱԳՆ-ն հայտնում է, որ հանդիպումը կայանալու է ԵԱՀԿ Մինսկի խմբի համանախագահների միջնորդությամբ։
Ավելի վաղ Ադրբեջանի ԱԳՆ ղեկավար Էլմար Մամեդյարովը հայտարարել է, որ սեպտեմբերին ՄԱԿ Գլխավոր վեհաժողովի շրջանակում նախատեսված է նրա` Ղարաբաղի հարցով հանդիպումը հայ գործընկերը Զոհրաբ Մնացականյանի հետ։
Մամեդյարովի և Մնացականյանի առաջին հանդիպումը տեղի է ունեցել հուլիսի 11-ին Բրյուսելում ԵԱՀԿ Մինսկի խմբի համանախագահների միջնորդությամբ։
Հիշեցնենք, որ այս պահին Նյու Յորքում է նաև ՀՀ վարչապետ Նիկոլ Փաշինյանը։ Նա Նյու Յորքում կմասնակցի ՄԱԿ-ի Գլխավոր ասամբլեայի 73-րդ նստաշրջանի աշխատանքներին, որտեղ հանդես կգա ելույթով: