Նիկոլ Փաշինյան

Փաշինյանը կարծես շատ արագ այրվող գիսաստղ լինի. Ռոբերտ Քոչարյան

234
(Թարմացված է 17:04 19.09.2018)
Հայաստանի այսօրվա իշխանությունը քաոսային է, տնտեսությունից գլուխ չի հանում, ինչպես նաև գործողությունների հստակ ծրագիր չունի, կարծում է ՀՀ նախկին նախագահը։

ԵՐԵՎԱՆ, 19 սեպտեմբերի — Sputnik. ՀՀ երկրորդ նախագահ Ռոբերտ Քոչարյանը «Կոմերսանտին» տված հարցազրույցում վարչապետ Նիկոլ Փաշինյանին համեմատել է գիսաստղի հետ, որը շատ արագ «այրվում է»։

Նա խոսել է նաև Հայաստանում ապրիլ-մայիս ամիսներին տեղի ունեցած իրադարձությունների մասին։

«Կարծում եմ` Փաշինյանը զգաց ժողովրդի ընդդիմադիր տրամադրությունը և ժամանակին գլխավորեց այն, ինչի հետևանքով տեղի ունեցավ իշխանափոխություն։ Տպավորիչ էր», — ասաց Քոչարյանը։

Ըստ նրա` զանգվածային շարժումն առաջացավ այն պատճառով, որ հասարակությունը հոգնել էր նախորդ իշխանություններից, լճացման զգացում էր առաջացել։ Միևնույն ժամանակ Հայաստանի նախկին ղեկավարը ուշադրություն է դարձրել այն հանգամանքին, որ կարելի է իշխանության գալ պոպուլիզմի միջոցով. ժամանակակից պատմությունում նման օրինակներ շատ կան: Նման իրավիճակներում հեշտ է գալ իշխանության և ավելի դժվար է դրանից պատվով հեռանալ:

«Դու գալիս ես պոպուլիզմով, իսկ պետք է հեռանաս արժանապատվությամբ և իրական արդյունքներով։ Չորս ամիսները ցույց տվեցին, որ առայժմ գրեթե բոլոր ուղղություններով խնդիրներ են կուտակվում։ Եվ դա է իմ` քաղաքականություն վերադառնալու պատճառներից մեկը», — նշել է Քոչարյանը։

Անցած 4 ամիսները, ըստ նրա, բավականաչափ ժամանակաշրջան է հասկանալու համար, թե իշխանությունը որքան է կոմպետենտ, ինչ արժեքների վրա է հիմնվում և արդյոք պատրաստ է համակարգային աշխատանքի։ Նա կարծում է, որ նոր իշխանությունները քաոտիկ են, չեն հասկանում տնտեսությունից, չունեն գործողությունների հստակ ծրագիր։ Իսկ կառավարության կազմը էկլեկտիկ է, պարզ աշխարհաքաղաքական առաջնահերթություններ չկան։

«Իշխանությունը սկզբում կարող է սխալներ թույլ տալ, հետո փորձել հերոսաբար դրանք շտկել։ Սա այսօրվա իշխանության ակնհայտ պատկերն է։ Հասկանալի չէ, թե ինչ թիմ է սա», — ասել է նախկին նախագահը։

Նրա խոսքով` կա բավականաչափ վառ առաջնորդ, սակայն պոպուլիզմի նկատմամբ նրա անհագուրդ ձգտումը լուրջ մտահոգություն է առաջացնում։ Քոչարյանին դա հիշեցնում է լատինաամերիկյան պոպուլիզմը Ուգո Չավեսի ոճով:

Քոչարյանը կարծում է, որ այն, ինչ այսօր տեղի է ունենում Վենեսուելայում այսօր, Չավեսի ժառանգությունն է։

«Այժմեական արդյունք ստանալուն ուղղված պոպուլիստական գործողությունների անկանխատեսելիություն, մարդկանց հենց հիմա, միանգամից դուր գալու ձգտում, կառավարության օխլոկրատիկ մոդելի շեշտադրություն առ այն, որ երկնակամարում կարող է միայն մեկ «արև» լինել` առաջին դեմքը։ Երկրորդ, հինգերորդ, տասներորդ, քսաներորդ համար չկա», — նշել է Քոչարյանը։

Նա կարծում է, որ նման մոդելը չի կարող կենսունակ լինել և զարգացման նորմալ արտադրանք տալ։ «Արևը», ըստ նրա, համենայնդեպս կառավարման փորձ, հմտություններ, գիտելիքներ պետք է ունենա, հասկանա թե ինչ բան է տնտեսությունը, առաջնորդվի երկրի երկարատև շահերով, այլ ոչ թե հանրահավաքների ժամանակ կարճաժամկետ արդյունքով։

Այդ դեպքում երկիրն իսկապես կարող է առաջընթաց արձանագրել կառավարման նման մոդելի բոլոր խնդիրների առկայության դեպքում։ Եթե այդ «արևը» կանխատեսելի չէ, անհասկանալի է, հիստերիկ և հեռանկարներ չի տեսնում` կարող է աղետ տեղի ունենալ։ Միաժամանակ Քոչարյանը համարում է, որ Փաշինյանին պետք է չէ համեմատել արևի հետ։

Ըստ նրա, արևի հետ համեմատելը տեղին է միայն այն դեպքում, երբ մարդիկ երկար ժամանակ են կառավարել, ոմանք` հաջող, ոմանք էլ` չափազանց անհաջող։

«Բայց սա այդ դեպքը չէ. ընդամենը չորս ամիս է անցել: Փաշինյանը գուցե երկնաքար է կամ գիսաստղ, որը շատ արագ է այրվում», — ընդգծել է Քոչարյանը։

Նախկին նախագահը պատասխանել է նաև Փաշինյանի այն հայտարարությանը, որ Քոչարյանն ու ՀՀ երրորդ նախագահ Սերժ Սարգսյանը «քաղաքական դիակներ են»։ Նրա խոսքով` եթե այդպես է, ինչո՞ւ է վարչապետն այդքան մտահոգված։

«Նրա բոլոր հանրահավաքները կիսով չափ իմ թեմային են նվիրված։ Որտեղից այդ մտավախությունը, եթե ի դեմս Քոչարյանի քաղաքական գործոն չկա։ Ի՞նչ է կատարվում», — հարցնում է Քոչարյանը։

Վարչապետը և երկրորդ նախագահը լարված հարաբերություններ ունեն։ Փաշինյանը պարբերաբար հայտարարում է, որ մարտի 1-ի բոլոր մեղավորները պետք է պատասխանատվության ենթարկվեն։ Միևնույն ժամանակ նա չի թաքցնում, որ մեղավոր է համարում նաև Քոչարյանին։

Հիշեցնենք` Ռոբերտ Քոչարյանը 2008 թվականի «Մարտի 1-ի» քրեական գործով մեղադրվում է սահմանադրական կարգը տապալելու մեջ: Հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը: Oգոստոսի 13-ին ՀՀ վերաքննիչ դատարանն ազատ արձակեց ՀՀ երկրորդ նախագահ Ռոբերտ Քոչարյանին` հայտարարելով, որ ՀՀ նախկին նախագահն անձեռնմխելի է։

234
թեգերը:
Ռոբերտ Քոչարյան, Նիկոլ Փաշինյան, Հայաստան
Ըստ թեմայի
Քոչարյանը քաղաքական դիակ է, սակայն դա չի ազատում օրենքի առաջ պատասխան տալուց. Փաշինյան
Հայկական «բերմուդյան եռանկյունին». Ռոբերտ Քոչարյանի հետ մեկտեղ խաղի մեջ են մտել ևս երկուսը
Նպատակը բոլոր ոճրագործներին փակելն է. Փաշինյանի պատասխանը Քոչարյանին
Պետք է ներողություն խնդրեն ինձանից. Քոչարյանը` սկանդալային հեռախոսազրույցի մասին
Պիտի շնորհավորեմ հայ ժողովրդին, ունենք նոր բռնապետ. Քոչարյանը` Փաշինյանի ելույթի մասին
Էլ ի՞նչ կարող էի անել. Քոչարյանը` հոկտեմբերի 27-ի մասին
4 մլրդ դոլարի մասին առասպելը. Ռոբերտ Քոչարյանը խոսել է իր ունեցվածքի մասին
Պետդեպ

Հայ–ադրբեջանական լարվածություն. ԱՄՆ–ն նույնպես արձագանքեց

205
(Թարմացված է 09:33 14.07.2020)
Վաշինգտոնը կոչ է անում խստորեն պահպանել հրադադարը հայ-ադրբեջանական սահմանին։

ԵՐԵՎԱՆ, 14 հուլիսի – Sputnik. ԱՄՆ Պետդեպի մամուլի խոսնակ Մորգան Օրթագուսը հայտարարել է, որ իրենք խստագույնս դատապարտում են բռնությունը հայ-ադրբեջանական միջազգային սահմանին։

«Կողմերին հորդորում ենք անհապաղ դադարեցնել ուժի կիրառումը, օգտագործել ուղիղ հաղորդակցության առկա միջոցները՝ հետագա սրացումից խուսափելու համար»,- ասել է Օրթագուսը։

Պետդեպը հորդորել է խստորեն պահպանել հրադադարը։

«Որպես ԵԱՀԿ Մինսկի խմբի համանախագահ երկիր՝ ԱՄՆ-ն առաջվա պես հավատարիմ է Ղարաբաղյան հակամարտության խաղաղ կարգավորմանը հասնելու հարցում կողմերին օժանդակելուն։ Մենք շարունակելու ենք ակտիվորեն մասնակցել այդ նպատակին հասնելու ջանքերին»,- նշել է Օրթագուսը:

ԱՄՆ-ն միանում է առարկայական բանակցությունները հնարավորինս շուտ վերսկսելու և հանգամանքների թույլ տալուն պես ԵԱՀԿ դիտորդներին տարածաշրջան վերադարձնելու կարևորության վերաբերյալ ՄԽ համանախագահների հայտարարությանը։

Հիշեցնենք, որ հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Տավուշ, դիրքեր․ ինչ էր կատարվում սահմանին

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել: Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

Ո՞ւմ էր պետք հիմա հայ-ադրբեջանական սահմանին թնդանոթների որոտը և ինչ սպասել

ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ Պաշտոնական տեղեկություններով` ադրբեջանական կողմն ունի 4 զոհ, հայկական կողմը` 5 վիրավոր։

«Ծիծաղ առաջացնող ապատեղեկատվություն է». ՀՀ ՊՆ-ն հերքում է Ադրբեջանի տարածած լուրերը

205
թեգերը:
ԱՄՆ, Ադրբեջան, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Հայ-ադրբեջանական լարվածություն. Լավրովը Թուրքիայի՞ն է սաստել
Հայկական ԶՈւ-ի կողմից խոցված ադրբեջանական ԱԹՍ-ներից մեկի լուսանկարը համացանցում է հայտնվել
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից
Սալոմե Զուրաբիշվիլին խաղաղության կոչ է արել հարևաններին՝ Հայաստանին և Ադրբեջանին
Գագիկ Ծառուկյան

Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը

185
(Թարմացված է 21:35 13.07.2020)
Գագիկ Ծառուկյանը կոչով դիմել է իր թիմակիցներին, որ հաշվի առնեն ստեղծված պատերազմական իրավիճակը։

ԵՐԵՎԱՆ, 13 հուլիսի – Sputnik. Ստեղծված պատերազմական իրավիճակում ներքաղաքական բոլոր հարցերը դառնում են այլևս երկրորդական։ Նման հանձնարարական է տվել իր թիմին «Բարգավաճ Հայաստան» կուսակցության նախագահ Գագիկ Ծառուկյանը, Facebook սոցցանցի իր էջում գրառմամբ հայտնում է ԲՀԿ առաջնորդի մամուլի խոսնակ, ԲՀԿ–ական պատգամավոր Իվետա Տոնոյանը։

«Բոլորիս գերխնդիրը մեկն է՝ լինել միասնական, լինել պետության կողքին և համատեղ ջանքերով դիմակայել թշնամու ոտնձգություններին և արժանի հակահարված հասցնել նրան»,–ասել է Ծառուկյանը։

ԲՀԿ ղեկավարի խոսքով` այսօր, երբ Ադրբեջանի ռազմաքաղաքական ղեկավարությունը կրկին անցել է ակնհայտ սադրանքների, երբ հայ-ադրբեջանական պետական սահմանին իրավիճակը լարված է, երբ երկրի անվտանգության հարցը վեր է ամեն ինչից, յուրաքանչյուրիս պարտքն է միավորել բոլոր ջանքերը հանուն մեր երկրի ու ժողովրդի պաշտպանության, հանուն արտաքին թշնամու դեմ պայքարի:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Մինսկի խումբը հայտարարություն է տարածել

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

185
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, դիրքեր, հրետակոծություն, Տավուշ, Հայաստան, Ադրբեջան
Ըստ թեմայի
ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով
Արցախի ԱԳՆ–ն համանախագահներին կոչ է անում գնահատական տալ Ադրբեջանի գործողություններին
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից
Հիվանդասենյակ, արխիվային լուսանկար

Կորոնավիրուսով վարակվածներից ևս 16–ը մահացել են. ամենաերիտասարդը 53-ամյա տղամարդ է

0
Վերջին մեկ օրում արձանագրվել է մահվան 5 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:

ԵՐԵՎԱՆ, 15 հուլիսի — Sputnik. ՀՀ առողջապահության նախարարությունը տեղեկացնում է, որ Հայաստանում վերջին մեկ օրում կորոնավիրուսի հետևանքով մահվան 11 դեպք է գրանցվել։

«Պացիենտները եղել են 82 (կին), 63 (կին), 90 (տղամարդ), 77 (կին), 75 (կին), 53 (տղամարդ), 88 (կին), 84 (տղամարդ), 62 (կին), 84 (տղամարդ) և 88 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ»,– նշված է հաղորդագրության մեջ։

Նախորդ օրն արձանագրվել է մահվան 5 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: 

Վերջին մեկ օրում Հայաստանում կորոնավիրուսով վարակվածների թիվն ավելացել է 515–ով և հասել 33 005-ի:

0
թեգերը:
Մահ, Կին, տղամարդ, կորոնավիրուս, ՀՀ Առողջապահության նախարարություն, հիվանդանոց, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ռուսաստանում հաջողությամբ փորձարկել են կորոնավիրուսի դեմ պատվաստանյութը
«Դեղերն արդեն կիրառում ենք, իսկ պատվաստանյութ գնելու համար քայլեր կսկսենք անել». Թորոսյան
Կորոնավիրուսը նոր թափ է հավաքում. ԱՀԿ–ն հետաքրքրվել է Сovid-19–ի ռուսական պատվաստանյութով
Ելքը գտնվե՞լ է․ COVID-19-ի դեմ ռուսական պատվաստանյութը նպաստում է իմունիտետի ձևավորմանը