Բարգավաճ Հայաստան

Իրենց «սափրագլխին» «ասֆալտին փռելը» ԲՀԿ–ն քաղաքական հետապնդում չի որակում

186
(Թարմացված է 14:19 15.09.2018)
Կուսակցությունում կարծում են, որ ոստիկանությունը խնդիր ունի ցույց տալու, որ անվերապահորեն կատարում է վարչապետի հրահանգը։

ԵՐԵՎԱՆ, 15 սեպտեմբերի — Sputnik. ԲՀԿ Երևանի ավագանու նախընտրական ցուցակի հայտնի եռյակն այսօր Sputnik Արմենիա մամուլի սրահում կայացած ասուլիսին ներկայցել էր նորահայտ սափրագլխի հետ։

Ձևակերպումը ցուցակի երկրորդ հորիզոնականը զբաղեցնող լրագրող Պետրոս Ղազարյանինն է։ Նա այսպես ներկայացրեց իրենց ցուցակի 7-րդ համար Մարկոս Հարությունյանին, ում իր ձևակերպմամբ, նախօրեին «ոստիկանները փռել էին ասֆալտին»։

Ինքը՝ Մարկոս Հարությունյանը, լրագրողներին պատմեց, որ դեպքը տեղի է ունեցել նախընտրական հանդիպումից հետո, երբ ինքն ու իր ընկերները երկու ավտոմեքենայով վերադառնալիս են եղել գրասենյակ։

«Ես ձեռքերս բարձրացրած մեքենայից իջել եմ, իմ հագին եղել է ԲՀԿ նախընտրական քարոզարշավի շապիկը։ Ներկայցել եմ, որ ես ավագանու թեկնածու եմ։ Առանց որևէ բառ ինձ հետ խոսելու` «փռել են ասֆալտին»։ Երկու րոպե պահելուց ու նկարահանումներն ավարտելուց հետո, ասել են` կարող ես գնալ»,– ասաց Մարկոս Հարությունյանը։

Այդուհանդերձ, տեղի ունեցածը ԲՀԿ–ն քաղաքական ճնշում կամ հետապնդում չի որակում։

Ոստիկանությունը, ԲՀԿ–ի կարծիքով, խնդիր ունի ցույց տալու, որ անվերապահորեն կատարում է վարչապետի հրահանգը։

«Մենք ունենք մի իրավիճակ, որտեղ հետսովետական հոգեբանությունն է գերիշխում` շեֆը ասաց, բոլորը վազում են կատարելու»,– ասաց ԲՀԿ նախընտրական ցուցակի երրորդ հորիզոնականը զբաղեցնող Արման Աբովյանը` հավելելով, որ Երևանի ցանկացած քաղաքացի կարող է նման իրավիճակում հայտնվել, եթե նրա ավտոմեքենայի համարանիշը պատահականորեն համընկնի առջևից կամ հետևից ընթացող ավտոմեքենայի համարանիշին։

Բանախոսների դիտարկմամբ` տեղի ունեցածի վերաբերյալ երեկ տարածած տեսանյութում ոստիկանությունը շեշտել է հենց այն հանգամանքը, որ Մարկոս Հարությունյանի ավտոմեքենայի համարանիշը նման է եղել նրա ընկերների ավտոմեքենայի համարանիշին։

Դրանով ոստիկանները ենթադրել են, որ գործ ունեն օլիգարխի ավտոշարասյան հետ։

Հիշեցնենք` երեկ`սեպտեմբերի 14–ին, ՀՀ ոստիկանությունը տեսանյութ էր տարածել, որտեղ ներկայացրել էր նախօրեին տեղի ունեցած դեպքը։ «Հիշյալ անձին իսկապես շարասյուն էր ուղեկցում` միևնույն թվերը կրող համարանիշերով մեքենաներով»,– ասված էր ոստիկանության հրապարակած տեսանյութում։

186
թեգերը:
Երևանի ավագանու ընտրություններ, Բարգավաճ Հայաստան կուսակցություն (ԲՀԿ), Հայաստան
թեմա:
Երևանի ավագանու ընտրություններ 2018 (109)
Ըստ թեմայի
Օսիպյան.«Օլիգարխների ու նրանց թիկնազորի մասին բողոքներ ստանում ենք նաև քաղաքացիներից»
Բերման են ենթարկվել «Սիգարոնի» սեփականատերերից մեկին ուղեկցող թիկնազորի անդամները
Գագիկ Ծառուկյանի թիկնազորի պետին ազատ արձակեցին. ո՞վ է վճարել ահռելի գումարը
Ծառուկյանի թիկնազորի պետին արձակելու համար ստորագրահավաք է սկսվել. «Ժամանակ»
Սերժ Սարգսյանի թիկնազորի պետին ազատ արձակեցին