Президент Республики Армения Армен Саркисян принял делегацию из Великобритании и Северной Ирландии

Նախագահը հյուրընկալել է բարոնուհի Քերոլայն Քոքսին

140
(Թարմացված է 20:42 13.09.2018)
Հայ ժողովրդի բարեկամին ուղեկցել է գրող, հրապարակախոս Զորի Բալայանը:

ԵՐԵՎԱՆ, 13 սեպտեմբերի — Sputnik. Արմեն Սարգսյանն այսօր հյուրընկալել է Մեծ Բրիտանիայի եւ Հյուսիսային Իռլանդիայի Միացյալ Թագավորության լորդերի պալատի անդամ, բարոնուհի Քերոլայն Քոքսին:

Այս մասին հայտնում են նախագահի աշխատակազմի հասարակայնության հետ կապերի վարչությունից:

Հանդիպմանը մասնակցում էին բարոնուհու ղեկավարած HART բարեգործական կազմակերպության անդամներ և  գրող, հրապարակախոս, ՀՀ մշակույթի վաստակավոր գործիչ Զորի Բալայանը:

Նախագահը ջերմորեն ողջունել է բարոնուհուն եւ նրա գործընկերներին՝ նշելով, որ ուրախ է ընդունել հայ ժողովրդի լավագույն բարեկամներին:

Բարոնուհին ներկայացրել է օրերս Արցախ կատարած այցից տպավորությունները, պատմել այնտեղ ունեցած հանդիպումների մասին:

Նախագահ Սարգսյանը բարձր է գնահատել բարոնուհու աջակցությունն արցախցիներին, ինչպես նաեւ միջազգային հանրության շրջանում Արցախի մասին իրազեկվածության բարձրացմանն ուղղված նրա ջանքերը:

140
թեգերը:
Արմեն Սարգսյան, Հայաստան