Ատոմ Ջանջուղազյան

Ե՞րբ կհաստատվի Ռուսաստանի պաշտպանական վարկը. ֆինանսների նախարարի պատասխանը

122
(Թարմացված է 21:03 13.09.2018)
Հայաստանը բանակցություններ է վարում Ռուսաստանի հետ 100 միլիոն դոլար վարկ ստանալու մասին։

ԵՐԵՎԱՆ, 13 սեպտեմբերի — Sputnik. Ռուսաստանի կողմից Հայաստանին տրամադրվող պաշտպանական վարկը կարող է հաստատվել մինչև 2018թ.–ի վերջ։ Այդ մասին Sputnik Արմենիայի թղթակցին ասաց ՀՀ ֆինանսների նախարար Ատոմ Ջանջուղազյանը։

«Կոնկրետ երբ, կդժվարանամ ասել, գիտեք` պաշտպանության նախարարությունն է ակտիվ աշխատում, իսկ երբի համար, կարծում եմ, այս տարվա ընթացքում, և, որքան ինձ է հայտնի, բոլոր նախադրյալները կան, որ հասնի տրամաբանական շարունակության», – ասաց նա։

Ինչպես երեկ հայտարարել է ՀՀ պաշտպանության նախարար Դավիթ Տոնոյանը, Ռուսաստանը Հայաստանին կտրամադրի 100 միլիոն դոլար վարկ։ Նախարարը հրաժարվել է ասել, թե կոնկրետ ինչպիսի սպառազինությունների մասին է խոսքը, սակայն ավելացրել է, որ Հայաստանը կարևորում է բազմաֆունկցիոնալ ավիացիայի ձեռքբերումը։

Երևանն արդեն երկրորդ անգամ է վարկ ստանում ժամանակակից սպառազինություն և ռազմական տեխնիկա ձեռք բերելու համար։ 200 մլն դոլարի առաջին համաձայնագրով նախատեսված մատակարարումներն ավարտվել են։

122
թեգերը:
Ատոմ Ջանջուղազյան, Ռուսաստան, Հայաստան
Ըստ թեմայի
Ինչպես կարելի է նվազեցնել հիփոթեքային վարկի տոկոսադրույքը. տնտեսագետը լուծում է առաջարկում
Հայաստանը ստացել է զենքի ամբողջ խմբաքանակը Ռուսաստանի առաջին վարկի շրջանակում
Գաղտնի զենք. Երևանը գաղտնիացրել է պաշտպանական վարկի մատակարարման մանրամասները
Երևանը Մոսկվայի հետ ստորագրեց 100 միլիոն դոլարի ռազմական վարկի համաձայնագիրը