Նաիրա Զոհրաբյան

«Մենք արդեն բանակցություններ ենք վարում»․ Զոհրաբյանը կլուծի՞ Երևանի տրանսպորտի խնդիրը

448
(Թարմացված է 20:02 14.09.2018)
«Բարգավաճ Հայաստան» կուսակցության Երևանի քաղաքապետի թեկնածուն հայտարարել է, որ ներդրողների հետ արդեն բանակցություններ են ընթանում կապված քաղաքի տրանսպորտային համակարգի մոդեռնիզացիայի հետ։

ԵՐԵՎԱՆ, 9 սեպտեմբերի — Sputnik. ԲՀԿ Երևանի քաղաքապետի թեկնածու Նաիրա Զոհրաբյանը քաղաքացիներին խոստանում է ընտրվելու դեպքում մետրոյի նոր կայարան կառուցել ու վերականգնել ճոպանուղին։

Այս մասին նա այսօր ասել է լրագրողների հետ հանդիպմանը։

Բացի այդ՝ թեկնածուն խոստանում է, որ մայրաքաղաքում նոր ավտոբուսներ կհայտնվեն, ընդ որում՝ ժամանակակից, էլեկտրական, առանց վնասակար թափոնների։

«Շատերին թվում է, որ սրանք հերթական խոստումներն են, որոնց մասին թեկնածուները մոռանում են ընտրվելուց հետո։ Բայց մենք պարզապես չենք խոստանում։ Մենք արդեն բանակցություններ ենք վարում ներդրողների հետ», — ասել է նա։

Զոհրաբյանը վստահ է, որ քաղաքակիրթ տրանսպորտն ամբողջովին կփոխի Երևանի տեսքն ու այն կհավասարեցնի բազում եվրոպական քաղաքներին։

«Աղբահանության մասին անիմաստ է խոսելը, քանի որ այն կատաստրոֆա է, ամեն օր տեսնում ենք աղբի բլրաքաղաքներ Երևանում։ Մենք այնպես կանենք, որ աղբահանության օպերատորը հստակ հիշի ու կատարի իր պարտականությունները», —ասաց նա։

Հարցին՝ ինչու Գագիկ Ծառուկյանի թիմակիցները 2017  թվականին չեն առաջադրվել Ավագանու ընտրություններում, Զոհրաբյանը նշել է, որ մայրաքաղաքի քաղաքապետարանում, ինչպես և իշխանության մարմիններում, ՀՀԿ-ն մենաշնորհ էր վերցրել։  Քաղաքական գործիչն ընդգծել է, որ հիմա ոչ մի կուսակցություն չպետք է այդպիսի բան անի։

Նա չի բացառել, որ եթե ինքն ընտրվի, Երևանի փոխքաղաքապետները կարող են այլ կուսակցությունների ներկայացուցիչները լինել։

Բացի այդ նա խոստացել է ընտրական քարոզարշավի նույնիսկ ամենաթեժ պահին ընդդիմադիրների հանդեպ կոռեկտ լինել։ Նա ավելացրել է, որ ամեն դեպքում պետք չի «սևերի» ու «սպիտակների» բաժանվել։

Հիշեցնենք, որ Երևանի ավագանու արտահերթ ընտրությունը կկայանան 2018թ-ի սեպտեմբերի 23-ին։ Ընտրությանը կմասնակցեն 4 դաշինք և 8 կուսակցություն։

Նախկին քաղաքապետ Տարոն Մարգարյանը, որը զբաղեցնում էր այդ պաշտոնը 2011 թվականի նոյեմբերից, հուլիսի սկզբին հրաժարական է տվել։ Հանրապետական կուսակցությունը որոշել է ընդհանրապես չմասնակցել այս ընտրություններին։

448
թեգերը:
Հայաստան
թեմա:
Երևանի ավագանու ընտրություններ 2018 (109)
Ըստ թեմայի
ԲՀԿ–ի տունն աթոռակռիվ է ընկել. Պետրոսյանը չի ընդունում Նաիրա Զոհրաբյանի թեկնածությունը
Նաիրա Զոհրաբյանը բաց նամակով դիմել է Նիկոլ Փաշինյանին
Բանավեճ Շուշան Պետրոսյանի և Նաիրա Զոհրաբյանի միջև