Գագիկ Ծառուկյանը

Ծառուկյանը պատրաստ է արժանանալ ամենախիստ պատժին

495
(Թարմացված է 20:04 14.09.2018)
Գագիկ Ծառուկյանը խոստացավ Երևանի ավագանու ընտրություններում կաշառք չբաժանել, բարեգործության չանել։

ԵՐԵՎԱՆ, 7 սեպտեմբերի — Sputnik. Եթե կգտնեք մեկին, ում Ծառուկյանը գումար կբաժանի, Ծառուկյանին թող դատեն ամենախիստ պատժով։ Այսօր Երևանի ավագանու ընտրություններին ընդառաջ կազմակերպված «Կայուն և հարմարավետ քաղաքներ» խորագրով միջազգային կոնֆերանսից առաջ լրագրողներին ասաց ԲՀԿ առաջնորդ Գագիկ Ծառուկյանը։

«Փող ինչի՞ համար եմ բաժանում, որ Նաիրա Զոհրաբյանին բերեմ քաղաքապետ, փող աշխատե՞մ։ Ես պատրաստ եմ իմ փողերը դնել, որ գործեր կատարի` սկսած աղբահանությունից»,- ասաց Գագիկ Ծառուկյանը` պատասխանելով լրագրողների` ընտրակաշառքի մասին հարցին։

Ծառուկյանը խոստացավ ընտրությունների ընթացքում բարեգործություն չիրականացնել։

Նա անդրադարձավ նաև իր ձեռնարկություններում իրականացվող ստուգումների մասին լուրերին` ասելով, որ վախենալու պատճառ չունի։

«Մենք մաքուր ենք, թող գան ստուգեն»,- ասաց Ծառուկյանը` ընդգծելով, որ Հայաստանում արտոնյալներ չկան։

«Բարգավաճ Հայաստան» կուսակցության առաջնորդ Գագիկ Ծառուկյանն այսօր՝ սեպտեմբերի 7-ին, համաժողով է հրավիրել «Փարավոն» համալիրում։

Համաժողովին զուգահեռ անցկացվում է նաև «Կայուն և հարմարավետ քաղաքներ» խորագրով միջազգային կոնֆերանս, որին մասնակցում են աշխարհի տարբեր երկրներից ժամանած 30-ից ավելի քաղաքապետներ:

495
թեգերը:
Գագիկ Ծառուկյան, Հայաստան
Ըստ թեմայի
«Եթե կապ ունեմ Մարտի 1-ի հետ, թող ինձ հրապարակում մասսայաբար գնդակահարեն». Ծառուկյան
Դա բարոյական չէ. Ծառուկյանը` Քոչարյանի հետ համագործակցելու հնարավորության մասին
Ծառուկյանի կուսակցությունը որոշել է Փաշինյանի մեթոդը կիրառել քարոզարշավի ժամանակ. ԶԼՄ
Փաշինյանի խաղադրույքն ու Ծառուկյանի մարտավարությունը․ ինչպես նրանք կպայքարեն Երևանի համար